“жақындарың маңызды, қалғандары сен үшін меймандар”

“сеннен керек адалдық, қалғанын маған қалдыр”

жеңілмеші

өзімді қабылдауым қиын адаммын.

неге десеңдер, мен өзімді әлі дұрыс түсінбеймін. өз-өзіммен қарсыласамын. ойым екі жаққа бөлініп кетеді. үздіксіз ішкі күрес, жеңіліс, жеңіске ұмтылмайтын сияқтымын

жұрттың ойы, туыстардың ойы, жақындарымның ойы бәрі алаңдатады.

былайша күліп жүрген адаммын.

Алматыға жол тарттым.

Ауылдан машинаға мінген сәттен үйді және жақындарымды сағынатынымды, жол бойы ойлап түсінем.
түсінгенде, жол бойы дұрыстап музыка тыңдай алмай қалдым. Әннің өзі жүректі шымшып, көзім жасаурап кетеді. Ішімде сағыныштың оты жанып, жасымды ұстауға тырысам да, арасында мөлдіреп түседі.

сезімтал болып барамын.

жақсылыққа адам баласы тоймайды. жақсылық бола берсін.

(с) ата

Тау ішінде (кавер Атадан)

Әдемі дұға екен…

Алматыға келдім.
Жып-жылы ауа райымен қарсы алды. Қардың ұшы да көрінбейді. Қалайша, қар жоқ деп таңғала қарадым. Алматыдан жылулық күтпеген маған бәрі басқаша көрінді. Қыстың кезінде бұл қандай ғажайып деп үйренісе алмай, бірақ көктем-жазды күндегідей әсем қала есіме түсе кетті.

5656, 7676 , … сондай бір номерлер хабарласа береді, алмай қайтарып жіберемін.
бұл теле2, актив тің менеджерлері ме әлде алаяқтардың ісі ме?

бір шок айтайын:
бір адам маған жазып тұр. сәлем деп соңғы кездері. оған жауап бермей жүрмін, неге 1) себебі танымаймын, 2) ер адам, үлкен жастағы көрінеді.
басында қателесіп кеткен болар деп мән бермей, оқымадым.
сөйтіп қарасам, екі ватсап номеріме де жазып тұр, мен шошып кеттім сол кезде, қайдан номерлерімді біледі.
кім берген екен? кім берсе де ескертпей ме? қорқып қалдым. бірақ анық қанығын не мақсатта жазып отырғанын түсіну үшін бүгін жауап жазып, кімсіз? қателесіп тұрған жоқсыз ба деп сәлем деген сөзіне жауап қайырдым.
түсініксіз болып тұр.