Шәкәрім атамыз "мұсылмандық шарты" кітабында фиқһ мәселесінде судың түрлерімен бастаса, Ыбырай Алтынсариннің "мұсылманшылдық тұтқасы" бірден дәрет-ғұсылмен басталады.

Бейнебір марақиль фалях пен қудури оқығандай болдым 🤓

Ол кісілер осы бір кітаптарында ақида, фиқһ, жақсы мінез құлық бәрін қамтып халыққа түсінікті тілде жеткізуге тырысқан жандар ғой.

Алла оларды рақымына бөлесін 🤍

Сахабалар Алла елшісінің (саллаллаһу ъалейһи уә сәлам) жүріс-тұрысын, киім киісін, айтқан сөзін, бәрі - бәрін назардан тыс қалдырмай, егер бірдеңе тыс қалса оны қасірет көрген.

Осы нәрсеге сахабалардың басымдық бергені секілді , біз де қазір өзіміз үлгі тұтып, ізінен еріп жүрген тұлға-ұстаздарымыздың қасында көп жүріп , жасаған әрекеттеріне ерекше көңіл бөлуіміз керек. Олардан пайда алып қалу үшін ✨

#шәмәилдәрісінен

Шәмәил Мухаммадиядан хадистер оқығанымда Алла елшісінің (саллалаһу ъалейһи уә сәлам) киімін , су ішкен тостағанын сахабалар тәбәрук ретінде сақтауға ерекше мән бергенін байқадым.

Түйгенім: менің қолымда сақтайтындай ол кісінің материялдық бір мұрасы болмаса да,  рухани мұрасы ілім бар. Демек оны сақтауға , кейінгі ұрпаққа дұрыс күйде жеткізуге әрекет етуім керек...

Жаттаған Құранды қайталаудың ең жақсы жолы - бес уақыт намазда оқу.

Иә, бәлкім күнделікті жаттағаныңды білікті ұстазыңа тапсыратын шығарсың. Бірақ , Құран - ол Раббымыздың сөзі. Демек намазыңда жаттаған сүреңді оқуың - жаттағаныңды Аллаһқа тапсырғаның деп біл.

#бүгінестігеннасихаттан

Ілім хаққысында көптеген кітаптар оқып жатырмыз, бірақ әдеп туралы қанша кітап оқыдық?

Расында ілім мен әдеп қатар алынуы керек екендігін ескеріп "القول الصائب في آداب الطالب" кітабын оқып шықтық.📗

Бұл кітапта осыған дейін оқыған әдеп кітаптарымда кездестірмеген мәселелерді байқадым: дәріске өзіміз не бірнеше адам болып кешігіп келсек не істейміз? Сабақ барысында ұстазға сұрақ қою, кітапты қарызға алу.т.б

Есімде қалған әдемі ъибара Абдуллаһ ибн Муътаздың айтқаны:
"Жердің төмендеуі оған су толғаннан болатыны секілді, ілім талап етушідегі кішіпейілдік - оның білімі толысқаннан болады" 🤍

#біріншікітап

Құранды пысық жаттауға ең жақсы мекен ,ол - мешіт. Себебі адам мешітте құран жаттайтын болса, үш құралды сақтайды:

1) Көзі - харамды көрмейді
2) Құлағы Аллаһ Тағаланы разы қылмайтын сөздерді естімейді
3) Тілі - тек жақсы нәрсе сөйлейді.

Бұл үшеуі Құран жаттаушының құралы. Егер осылар сау, таза болса Құранды да тез әрі пысық жаттайды.

📚"كيف تحفظ القرآن الكريم"

жүректі елжіретті ғой... 🥹

#нәсіпболғай

"كيف تحفظ القرآن الكريم" 📚

Құран жаттаушыға арналған өте керемет кітап 🫶

Ерекшелігі: құран жаттау барысында ескеру керек 19 алтын қағиданы келтіреді. Егер соны жақсы түсініп , жаттауда қолдансақ үлкен жетістікке жетерміз анық ✨

Алған пайдалар:

✅ Құрап жаттаушы мусхафын мүмкіндігінше ауыстырмай бір мусхафқа бекітілу керек. Себебі беттері, аяттардың орыны әртүрлі жерде болуы мүмкін. Ол жаттағанына шатасу туғызады.

✅ Жаттайтын беттің басы мен соңғы аятына ерекше мән беру керек.

✅ Көп шәкірттер жіберетін қателік бірден жаттауға кірісетіндері. Ал негізінде бірінші тасхихуль қиро'ә -мен жұмыс жасау керек

✅ Күніге үздіксіз құран жаттаушы аптасына бір не екі күн демалыс алса болады. Бұл оның құран жаттауға жаңа серпінмен, белсенділікпен оралуына септігін тигізеді және т.б.

Кітапты барша Құран жаттауға қызығушы жандар оқуы ләзім деп білемін 📌

#екіншікітап
#әліақ_жетіп_аламыз)

Кітаптарын жақсы көріп оқитын мен үшін ерекше ғалымдардың бірі - Әбул Фәрадж ибн әл-Джәузи. (рахимаһуллаһ)

Бүгін оның "Наставление сыну" кітабын оқып шықтым. Автордың айтуы бойынша ол Құранды толық оқып шығып Аллаһ Тағаладан 10 бала нәсіп етуін сұрайды. Сөйтіп ол дұғасы қабыл болып 5 ұл,5 қызды болады, бірақ оның ішінде төрт ұлы қайтыс болып қалған жалғыз ұлы Әбул Қасымның салиқалы,тақуа ұрпақтардан болуын тілеп оған арнап осы бір ескерту, насихат кітабын жазады.

Өзінің өмір жолын баяндау арқылы қандай нәпсі қалауларынан бас тартып ілім жолына арнағанын , есесіне Аллаһ Тағаланың қаншама нығметіне бөленгенін айтып :
"Менің бұл хәлімнің барлығының себебін саған бір ғана сөзбен түсіндіріп берейін. Ол Аллаһ Тағаланың мына бір аяты", - деп Бақара сүресінің 282 аятын жазады... 💔

{واتقوا الله و يعلمكم الله}

Кітапта уақыт қадірі, бұл өмірдің өткінші екендігі, идеалды күн тәртібі, діни білімнің маңыздылығы, дүниеге алданбау т.б тақырыптарда маңызды насихаттар бар. Сонымен қатар оқуға басқа да бірнеше кітаптарға сілтеме берілген ✅

#үшіншікітап

- Кітапта мәселелерді неге ғалымдар ауыр қылып жазады?
- Шәкірттер әрдайым ұстазға мұқтаж болу үшін.

Имам ибн Абидин (рахимаһуллаһ)

📚Әш-Шәмәил әл-Мухаммадия

Бұл Имам Тирмизидің (рахимаһуллаһ) кітабы. 50-ден аса баптан тұрады, осы айда әр баптан бір хадистен жаттап шығу бұйырған екен. Жаттап қана қоймай әр хадистен алынатын пайдаларды білу үшін шархқа көз жүгірттік.

Осы кітапты оқу — Алла елшісін (саллаллаһу ъалейһи уә сәлам) жақсырақ тануға, оған деген махаббаттың артуына себеп болатыны сөзсіз. Имам Ғазалидің (рахимаһуллаһ) сөзі бар еді: "Махаббат деген нәрсе толық танып білуден кейін ғана білінеді. Себебі адам жақсы танып білмеген адамын жақсы көре алмайды".

Алла елшісінің сырт кейіпі, мінезі, қарапайымдылығы, жымиуы, киген киімі, таққан жүзігі, отырған отырысы, жеген тағамы, төсек орны қандай болған баарлығын осы кітаптан біле аласыздар. Әрі кітаптың соңғы бабы "Алла Елшісін түсте көру бабы". Неге соңғы бап олай қойылған десеңіз, кітапты соңына дейін оқып шыққан адам Алла елшісін танып-біліп, соның себебімен оны түсінде көрер деген ниет екен 🥺🤍

Іріктеуден финалға өткеніммен, бір жағдайлармен бұл кітап бойынша хадис жаттау жарысына қатыса алмадым. Десе де мен қай жағынан болсын ұтылмағанымды білемін. Алған пайдам өте өте көп болды. Әрі осы кітапты алуға себеп болған осы канал оқырмандарына тағы да алғыс білдіремін. Рахмеет 🙌

Қудури оқыған адам таршылық көрмейді. Ол туралы қаншама ұстаздарымыз, ғалымдар, тіпті менің өзім "Уа Аллаһи" деп айтамын – бұл кітапты оқығаннан ақ мәселелерім шешіліп бастаған еді.

Сондықтан сендердің осылай үйге кетіп қалмай, кешке дейін қалып сабақ алып жатқандарың бекер емес. Уақытын ілімге арнағандар міне, солар жеңіске жетеді. Тек тоқтап қалмаңдар!

(с) Ұстаз

Имам Әбу Юсуфтен (рахимаһуллаһ) "ілімге қалай жеттің?" -деп сұралғанда ол :

"(Кімнен болса да) пайда алуға келгенде тәкәппарлық қылмадым және пайда беруге келгенде сараңдық қылмадым" - деп жауап берген екен.

📗таълим әл-мутаъаллим

#қазір_керісінше_жасайтын_шәкірттер_көп_өкінішкеорай

📘«Оқы да, жоғарыла!» кітабы. (pdf)

Құранды үйренуге, көркем оқуға, жаттауға қызыққан жандарға оқуға кеңес беремін, өзіме қатты ұнады.

Әсіресе қатты бір ескерту болғаны - құран үйреніп жүрген жасы үлкен кісілерге жұмсақтық таныту қажеттігі. Себебі ол кісілердің әріптерді дұрыс айтуы ережелерді үйренуі сәл қиындау, егер барлық қатесін бірден түзеп берсең көңілі түсіп беті қайтып қалуы мүмкін. Бірте-бірте жеткізбек керек екен.

✨Түртіп алған үзінділер:

📌Аман саулық білген соң "Құраның қалай?" деп сұрайтын үлгілі серігіңіз болсын. Ол - үлкен олжа.

📌Біздің өмірімізде маңызды және маңыздырақ деген дүниелер бар. Ал мұсылман үшін Құран әрқашан маңыздырақ болу керек.

[Басқа бір іспен Құран қатар келіп қалса,осыны есіңе ал]

📌Егер де ойынның, сауық-сайранның есігі ашылса, нұр мен танымның есігі жабылады.
___

Авторы : @sayanyn_siyasy
Қаламыңыз мұқалмасын, жазарыңыз көп болсын әпке 🌷

Сіз де кітапты оқығыңыз келсе 87775721313 номеріне 2500 тг жіберіп, сол номердегі ватсапқа жазып ала аласыз. Сәттілік;)