"1,2-курста басып оқып ал" демей целый 4 курста да барлық артық нәрсеге запрет қою керек.

Білім кемел болуы үшін...

Әбу Исхақтан (Алла рақым етсін) мынадай сөз рияуат етілген: «Әбд әл-Қайстан болған адамнан: «Бізге не өсиет айтасыз?» – деп сұралды. Сонда ол: «Сәуфә деген сөзді айтудан сақтаныңдар!» – деді.

Сәуфә – араб тілінде кейін жасалатын етістіктің алдына қойылатын шылау. Бұл дерттен арылудың бір ғана жолы – реалист болу. Яғни, эмоцияға беріліп шешім шығарудың орнына, шынайы түрде шамамыз келетін істерді ғана жоспар ету.

📚Исламдағы уақыт жоспарлау

Кейбіріміз "ілім аламыз бірақ амал етпейміз ғой" - деп амал етуді қиын санап өзімізді ақтап алып жатамыз. Одан көрі ақпарат жинаушы екенімді мойындай салайын деген сияқты

Имам Науауи өзінің "Әзкәр" кітабында былай дейді:

«Ізгі амал турасында бір хабар жеткен адамға, оны тіпті бір рет болса да жасауы міндет болады - оның әһлінен болу үшін...»

Ғылыми тұрғыдан қарайтын болсақ та адам миында жаңа нейрон түзелу үшін жаңа істі жасап көру қажет. Сонда оның жолы салынып, келесі мәрте жасау аса қиынға соқпайды.

Фиқһтан намаздағы таспихтардың саны кем дегенде 3, орташасы 5, көбі 7 не 9 екенін оқыдың ба? Ендеше үшпен шектелмей ұзағырақ таспих айтып оқып көр.

Хадистен "кәлимәтәни һафифәтәни ъалал лисәни.." деген хадисті жаттадың ба? Ендеше күнделікті "субханалЛаһи уа бихамдиһи субһаналЛаһиль азыим" - деуді тастама.

Ақидадан "Аллаһ Тағаланың ілім сипаты бар. Ол тіпті сахарадағы құмның, жерге түскен әрбір жаңбырдың тамшысының, күллі ағаштардың жапырағының санына дейін біледі", - деген түсіндірмені оқыдың ба? Ендеше оқыс бір әрекет жасайын деп жатқанда, дереу осыны есіңе түсіруге дағдылан.

Пайғамбарымыздың (саллалаһу ъалейхи уә сәләм) хадисінде де біздің бар білгенімізді жасауымыз керек екендігі емес, бәлки шамамыз келгенінше жасауға тырысуымыз қажет екендігі айтылады

Алдымен оқып алайын, кейін амал етем деген өтірік әңгіме

#сылтауратпай #амалғакөшейік

Таң кірместен білім үшін оянғандар бақыттылар ☀️

Естігеніңді айтпа,
Оқығаныңды айт.

©Ұстаз

📚 Әке

Фаджрдан соң ойда жоқта "Әке" кітабын бастап қалай 100 бетін оқып тастағанымды байқамай қалдым. (негізі бұл бағытта кітап оқуға онша жоқпын)

Анам : әдеби кітаптың қызық болатыны сондай, сериал дегендерді жолда қалдырады, - деуші еді . Рас екен💆‍♀️

Қаржаубай Омарұлы "Әке" 📚

Бұл еріксіз көзге жас үйірген кітаптардың бірі. Әкені баладан, баланы бақытты балалық шағынан айырған сұм соғыстың салдарын жазушы асқан шеберлікпен суреттейді.

Сондай сындарлы жылдардағы оқиға болса да, оқырманды күлкіге қарық қылатын жерлері аз емес.)

Тағы бір ерекшелігі - батырлық, намысшылдық, әкеге берген уәдеге беріктік, бір сөзділік, әйтеуір ірі мінезді болуға тәрбиелейді.

Осындай шығармаларды оқыған әрбір бала - ешқашан әлжуаз болмайды. Әрі заманымызда шығып жатырған лгбт дегендер шаңына да жоламайтынына нық сенімдімін. 😄 Бәлки қиындықпен келген бейбітшілікті бекем сақтауға тырысатын, ұлттың қамын ойлар жастарды тәрбиелеуге зор үлес қосатын әңгіме екені сөзсіз!

Бір сөзбен айтқанда оқығанды бейжай қалдырмайтын, көп нәрсенің қадіріне жетуге үйрететін кітап.
Әсіресе ата-ананың... 💔

Айтпақшы соғыс жылдары болса да, өздері қара жұмыс жасап жүрсе де, білім алуға деген көзінде оты сөнбеген, қолы қалт етсе сабағына дайындалып, қалайда озаттардың қаратынан түспеуім қажет деп тырысып жүрген балалардың әрекетін оқығанда - бейбіт заманда, бәрі қолжетімді кезде сабақ оқуға ерініп жүргеніңе жерге кіріп кетердей боласың 🥲👍

"فصول إسلامیة" علي الطنطاوي🖌

Исламдағы әйел - қоғамдағы орны мен міндеті 📗

Бұл кітапты оқып шыққан соң қоғамның бір сұранысының орны толыққанына сенімдімін. Себебі нәзік жандыларға арналған психологиялық, тұлғалық дамуға қатысты кітаптар көп болғанымен, барлығы да ислами фильтрдан өткізуді қажет етеді. Ал бұл кітапты беймарал оқи берсе болады.)

Мұсылман қыздың кіммен қандай мәміледе болу керектігі, шариғатқа сай міндеттерін, әдептерін белгілі бір шектен шықпау қажеттігін әдемі межелермен белгілеп берген 👍

Тағы бір ұнаған тұсы: бір тақырыпта әңгіме өрбітіп жатып, "ол туралы толығырақ мына кітаптан оқып алсаң болады", - деп әртүрлі әдебиеттерге сілтеме берілуі. Ол оқырманды бұл кітаппен шектелмей ары қарай да білімін арттыруға, ізденіс жасауға деген бағыт бағдар болары сөзсіз.

Қыздар қауымы алып оқыса және де әпке-қарындасының тәрбиесіне жауапты болған тұлғалар алып оларға сыйласа "міні, мықты инвестиция" деп соны айтар едім. 🔥

Ендеше бисмилля, пайдалы білімнен құр қалмаңыздар)

Қайталау - аса маңызды. Не нәрсені үнемі, күнделікті жасасаңыз (тіпті бір күнде оған бірнеше сикунд қана бөлетін болсаңыз да) ми мұны маңызды әрекет қатарына қабылдап, нәтижесінде жасушаны жаңа мінез-құлық қалыптастыруға итермелейді 🧠

📓Кайзен философиясы

Кайзен философиясы.

Әрбір адамға оқуы керек болған мухим және ахамму нәрселер бар. (маңызды және маңыздырақ) Мен үшін қазір өз мамандығыма қатысты болған ілімдерді, әсіресе араб тілін оқу өте маңызды. Әрі ол күнделікті жүйеден түспеуі міндет. Десе де сол маңыздырақ болған оқуды жеңілдету, оңтайлы тәсілмен жүру үшін инструменталды кітаптарды қоса оқи жүруді жөн көремін. Бәлки, сол арқылы маңыздырақ нәрсеге жету жолы қысқарып, алар нәтиже де көбейе түсер)

Соның бірі осы кайзен филолософиясынан ақбар берген шағына ғана кітап. Тілі біраз күрделілеу, себебі ішінде бір әдістің өзіне медицина,психология, криминализм сияқты әртүрлі саладан факт, аргументтер келтіреді. Мысалдармен кайзен және индустрияның мүмкіндіктерін салыстырады 🔎

Кішкене ғана қадамдардың маңыздылығына баса назар аудару қажеттігін, сол арқылы адам нәпсісіне ауырлық салмай өзіңіз қалаған әдеттерді қалыптастырып, мақсатқа жету үшін Кайзен әдісін қолданып көруге шақырады

Бастысы нақты нұсқаулармен берілген, кәдімгідей іске асырып көретін кітап✅

ضوء المعالي📚

Хадис жаттау.

Осы уақытқа дейін хадис жаттауға қызығатын шәкірттерді көп байқадым. Алайда қалай жаттасам болады, неден бастаймын сынды сұрақтары да жоқ емес екен. Соған орай өзіміз қолданып көрген бір-екі әдісті кеңес етейін 🤓

1⃣ Бірінші курста Имам Науауидің "әт-тыбян фи әдәби хамалатиль Қур'ан" кітабын оқып бастаған болатынмын. Ол кітапта Құран оқу, оның абзалдығы, сауабы туралы өте көптеген хадистерді көрдім. Бұрын естіп жүрген қазақша хадистерді араб тілін біршама түсініңкіреп қалған кезде арабшасынан естісең басқаша сезім болады екен. Соған өте әсерленіп сол кітаптан Құран туралы біраз хадистер жаттадық)

✔️Түйін: Ең бірінші өзіңіз жақсы көретін тақырыпта, естіп жүрген хадистердің арабшасын жаттаудан бастап көріңіз.

2⃣Дәл солай, алдыңғы Рамазан айында 1 айға дедлайн қойып, бір танысыммен хадис жаттауға келістік. Күніге жатталу қажет болған максимум, минимум мөлшерді де белгілеуді ұмытпадық. Басында күніге бір хадис жаттасам мәз болып жүрген маған күніге 20-25 хадис жаттау мүмкін еместей көрінетін 😹 Алайда "бар болғаны бір-ақ айғо" деп өзімді көндіріп, нәтижесінде шамамен 700 ден аса хадиспен аяқтадық

✔️Түйін: Жаныңызға бірге хадис жаттайтын серік тауып көріңіз, отчет тапсырып, бірге жаттаған қызықты болары сөзссіз. Оның үстіне осындай игі істерде жарыспағанда қашан жарысасыз?))

3⃣Имам Науауидің "40 хадисін" жаттап біткен соң, оның шархын оқу да нәсіп болыпты. Бірақ шәкірт егер шарх кітапты өзі оқитын болса көп нәрсені кемеліне жетіп түсіне бермейді. Сол себепті ютубтан ұстазымыз Бауыржан Әлиұлының (Алла рақымымына алсын) осы кітаптан болған 63 сабақтан тұратын дәрістер топтамасын қарауды бастадым. Расымен де ғалымдар кітаптың біз байқамаған нәзік тұстарын қозғап, түсіндірмені кемеліне жеткізіп береді

✔️Түйін: Хадис жаттаудың рахаты бөлек иә. Бірақ оның шархын оқып асли мағынасын түсінгендегі хәлге жетпейді 🤍

🏷 Алда демалыс. Уақытымызды барынша Құранға, хадиске, ілімге арнауды жоспарлайық!

#хадисжаттау

Кітабың көп болғаны жақсы,
Бірақ көшіп-қонғанда өкінішке орай 🥲