Оқыған кітапқа шолу, талқы - рецензияны жаңа форматта жасаған екен 👍

сіз де оқып көріңіз

Ханафи мәзхабының артықшылықтарының бірі, бір тақырыпқа қатысты болған бірнеше хадистерді біріктіріп, сүйікті Пайғамбарымыздың (саллалаһу ъалейхи уә сәләм) бірде-бір хадисін тәрк етпеудің жолын қарастырады.

📓Дәлелденген мәселелер

وضع الشیء في غیر محله فهو ظلم

«Қайсыбір нәрсені өз орнында істетпеу ол зұлымдық»

📓Дәлелденген мәселелер

Алғашқы бетінде автордың "Құрметті оқырман, Алла дінде терең түсінік берсін!", - деген тілегі жазылған, мен үшін құнды болған кітаптардың бірі 📚

Бұл кітапты әрбір діни сауаты бар адам оқу керек.Әсіресе исламтанушы студенттерге пайдалы болары сөзсіз. Ол үшін кітаптың бірнеше ерекшеліктерін қысқаша айтып кетейін:

🏷Жалпы фиқһ кітап десе болады, тек ондағы барлық бапты толық қамтымай қазіргі таңда актуалды, әрі талас-тартысқа көп алып келетін мәселелерді тарқатып жазған. Мысалы: шұлыққа мәсіх тарту, әминді сырттай айту, намаз ішінде екі қолды көтеру т.б.

🏷Мәзхаб ұстанбаушылар мен Ханафи мәзхабының дәлелдерін сызбамен берген. Әр дәлелдің жеткізушілері, қай кітапта келгені, арабша мәтіні мен аудармасы толық жазылған.

🏷 Кітаптың жазылу стильі Азамат ұстазбен өтіліп жатқан Имам Тахауидың "шарх мағаниль әсар" кітабына қатты ұқсайды. Яғни екі тараптың да дәлелдерін түгел келтіріп, соңында қорытынды жасап, қайсысы дұрыс және не үшін қуатты дейтінімізді егжей-тегжейлі баяндап береді 📌

🏷Мусталахуль хадис оқығандар болса, қорытындыдан дәлелдердің не үшін әлсіз екендігінің себебін де көре алады. Тізбектегі хадис алынбайтын адамдардың есімдері келіп, қай хадис дағиф, қай хадис мудтариб екендігіне тоқталады

🏷Усуль фиқһ қағидаларынан да біраз нәрсе тілге тиек етілген.

🏷Мәзхаб ұстанбаушылардың өз "Шейхтарының" кітаптарынан алынған өздеріне қарсы келетін пәтуалары да жоқ емес 🌝🌝🌝

🏷Тек талас-тартыс мәселесімен ғана шектелмей "қосымша ақпарат" деген бөлімдерді қосып, сол мәселеге қатысты ерекше мәліметтер жазған 💡

Автор Алтынбек Хусаинов (хафизаһуллаһу) бұл кітап біреуді қаралау, айыптау мақсатында жазылмағанын ескертіп, бәлки казақ бауырларымыздың жат ағым етегінде кетіп қалмауы мақсат етілгендігін айтады.

🎈Егер сіз де кітапты оқып, жасап жүрген амалдарыңызға қатысты іліміңізді арттырғыңыз келсе 87053802271 номеріне жазып, сатып ала аласыз. Бағасы: 2000 ₸

أین هم وأین نحن؟ سبحان الله 🥺🥺🥺

https://youtu.be/Fm49wY8hU7E

- поездға мінуді не үшін жақсы көресің?
- рахаттанып кітап оқуға мүмкіндік болғаны үшін 😹

#alaakx

Ғылыммен шұғылданған адам оның пайдасын бірден көрмеуі мүмкін. Есесіне ол уақытын босқа шығын қылмай, өзін мәнсіз нәрселерден сақтайды. Осының өзі оған жеткілікті.

📒Уақыттың қадірі

👋🏻 Әссаляму ъалейкум, құрметті мұсылман бауырлар!
⠀
📚Осыдан бір жыл бұрын "Әйел және Ілім" атты шағын кітабымыз оқырманға жол тартқан еді. Онда қозғалған тақырыптар:
1. Әйел және ілім
2. Ғұлама аналардың өмірбаяны.
3. Ана - тәрбие тұтқасы.
⠀
Кітап жалпы оқырманға, әсіресе ілім алуға қызуғышылық танытқан нәзік жандыларға арналады. (медресе, нмуда оқитындар оқыса нұр үстіне нұр)

Осы уақытқа дейін кітапты 200 - ге жуық адам оқып, пікір қалдырып, алғыстарын білдірген болатын.Ал бүгіннен бастап бұл кітап сатылмайды. Барынша көп адамға пайда беру мақсатында pdf нұсқасын тегін бөлісемін деп шештім

Ықыласты оқырмандардан авторға, оның ата-анасына дұға қып қоюын үміт етеміз

Раббымыз осы еңбегімізді өз құзырында қабыл етіп, халқымызға, дүние мен ақыретке пайдалы еткей! 🤲🏻

___

Бөлісуге болады 🎀

"Мир студента - это его библиотека"

© Шейх Али Тантави

Үйге сырттан келген адамдар "мына Құранның бәрін нестейсің? Мешітке бермейсің бе, басқалар да оқысын" деген кездер көп болған.)

😅

Көп томды кітаптар шәкіртті үнсіздікке, өз орнын білуге және өзгелерге баға беруге асықпауға тәрбиелейді екен.

🤓

«Білім алуға мүмкіндігі болғанымен, онымен айналыспаған адам – қиямет күні өте қатты қайғырады».

Хафиз Ибн Асакир رحمه الله تعالى

____

Ілім талап етушілер ғана емес, қандай да бір білімнің курсына жазылып, бірақ ақысын бермей жүргендер де ойлансын... Қазіргі заманда мүмкіндік көп екенін аузымыз талмай айтамыз. Ал оны пайдаланушылар ше?

«Читай мало, но с наслаждением; будешь выглядеть более начитанным, чем те, кто читает много, но без удовольствия».

📙О.Памук "Черная книга"

Білім іздеушіде үзіліс болмауы керек (сондықтан оқушыларға жазғы демалыста дәрістерін қайталау міндет).
Білім жолындағы үзіліс – үлкен апат.

Біздің ұстазымыз Ислам шейхы Бурһануддин (рахматуллаһи алейһи): «Менің дәрістес серіктерімнен биік болуым, білім алу кезінде демалысқа шықпауымда», – деген екен.

[Тәлімгер тағылымы, 43-бет]

әл Хасан ибн АбдулЛаһ әл-Әскаридің (رحمه الله) «әлфуруқ әллуғауия" кітабы 📚

Бір каналдан осы кітап жайлы жазылған жазбаны көріп оқуға қатты қызыққан едім. (расымен қызығуға әбден тұрарлық кітап) Сөйтіп пдф нұсқасын жүктеп, оқып шықтық, бірақ бірден емес. Әр бапты, асықпай...

Кітапта сыртқы мағынасы ұқсас көрінетін 2,3 синоним сөзді алып келіп, олардың асылында айырмашылығы бар екенін, әрі ол айырмашылықтарға тоқтап толығырақ баяндап береді 🖌

Мысалы استفهام мен سؤال екеуі де бір мағынаны білдіретін сияқты. Бірақ олардың айырмашылығы, истифхәм - сұраушы адамның мүлде білмейтін не күмәнданып тұрған мәселесінде ғана қолданылса, سؤال - сұраушы білетін де білмейтін де мәселеде қолданыла береді

Сол секілді ъилм мен маърифа,тиләуа мен қиро'ә, тахара мен нәзофа, әсәр мен ъаляма, кәмәл мен тәмәмның айырмашылығын білгіңіз келсе, бұл кітап сіз үшін 📖

Сонымен қатар ол сөздің Құранда қалай келгенінен мысал келтіріп, фақиһтар мен мутакаллимдердің де көзқарасына тоқталған. Әрі жалпы адамдар арасында қолданылу аясын да тыс қалдырмаған.Тіпті сөздің сырын ашуға қосымша өлең шумақтары да әдемі келтірілген ✨

Кітап жалпы 30 баптан тұрады. Оның ішінде маған ерекше қызық болғандары – ақидада көп келетін сөздерді қамтыған 9-бап, ғибадат құлшылыққа қатысты 18-бап, әр түрлі сифаттарға қатысты 14-бап және тағы басқа баптардағы сөздер. Жалпы барлығынан пайда алдық🌻

Қысқасы, кітапты аяқтаған соң араб тілінің ерекшелігіне тағы бір мәрте тәнті болып, оны үйренуге деген ықыласымыз одан сайын артты десе болады 🤍

➖➖➖
P/s: жоғарыда кітаптың фотосы тұру керек болған, оны жіберуге интернетіміздің күші жетпеді.) 😹

"... Бала шәкірт (Абай) оқудан келген бойы, ең алдымен өзінің шешесін көріп, соған қарай жүре беріп еді, шешесі анадай жерде тұрып: – Әй, шырағым балам, әуелі ар жағыңда әкең тұр... Сәлем бер! - деді. Абай жалт қарап барып жаңа көрді. Анадай жерде қонақ үйдің сыртында әкесі Құнанбай тұр екен. Ыңғайсыздықпен қысылып қалған бала, шешесінің сондайлық салқын сабырының мәнін ұқты да, әкесіне қарай тез бұрылды."

Көрегендік...

"Ұлжан да көп әңгіме білуші еді.Және ол көбінесе өлең сөзді жиі айтады. Оқымаған шешесінің әлі күнге ұмытпай, білдірмей сақтап жүрген зейініне таң қалады. Нелер ескі заман жырларын, айтыс, өсиет әзілдерін де көп айтып береді."

Зеректік...

"... Талай үлкеннің ішінен сөзін осындай байсалды қып айтқан, сондай өтімді, салмақты қып айтқан кісіні Жиренше бұрын көрмегендей болды. Ұлжанның жай, салқын айтқан сөзі бұған ұрысқаннан да, ұрғаннан да жеңіл тиген жоқ".

Сөз салмақтылығы...

"... Ұлжан тартымды болумен қатар, сыншыл да ана."

Сыншылдық...

📚"Абай жолы". 1 - том

Мектеп кезде Абайдың анасы әңгімешіл ана екенін ғана естігенбіз ғой 😅 Ал Абай жолын оқысаңыз ананың түрлі оқиғада танытқан даналығын біліп, кескін келбеті мен мінезінің шебер суреттеліп жазылғанын оқып бейнесін де елестете аласыз. Жоғарыдағылар бірінші томдағы сипаттаулардың бір бөлігі ғана. Соның өзінде үлгі аларлық тұсы көп. Әзірге мен үшін сүйікті кейіпкер де осы Ұлжан ана 🤍

أنت تحاول والله یراك وهذا یکفي.

Білімсіз адам - майы жоқ жілік сияқты.

Жүсіп Баласағұн "Құдатғу білік"