Qarg’ish tegishichi?

“Shuncha gapni yozdingiz, lekin ota-bobolarga qarg’ish tegkan bo’lsachi? Hozir ko’pchilik odamlarda aynan manashu gap ko’p takrorlanyapti, bu ham yo’q narsami?” degan savol ham bo’lishi tabbiy. Mayli javobini aytaman, lekin biroz qattiq tegishi mumkin. Bu uchun avvaldan sizdan gapirish uchun ruhsat, og’ir so’zlar uchun esa uzur so’rayman.

Do’stim, ukam, opam, singlim!

O’zingiz eplolmagan, qilolmagan, qo’lingizdan kelmagan narsaga bahona topishga enangizni qarg’ishidan boshqa narsa qolmadimi?

Aytdik 10 avlodda 2046 ta odam bor. Hop kimdir qarg’ish oldi. Nega undan keyingi hamma avlod barbod bo’lmadi? Hammasi kambag’al bo’lmadi? Hammasi kasalvand bo’lmadi. Har bir oilada 5 ta farzand bo’lsa 5 hil dunyo, 5 hil yashash, 5 hil dunyo qarash.

Hop Qaysidir 5-bobongiz qarg’ish oldi.
Qarg’iz o’zi nima? Bu sizga nisbatan, siz qalbini nohaqdan og’ritgan, yoki siz zulm qilgan insonni sizga qilingan, eshittirib, ichida yoki sizni ortingizdan qilgan yomon duosi. (Mundoq o'ylab qarasa hozirgi kunda har kuni bir necha marta qarg'ish olamiz. Ocherddan o'tib ketsa, birovni yo'lda siqib ketsa, birovni kidat qilsak hammasiga qarg'ish olamiz)

Bu kimga ta’sir qiladi?

Buni javobni aytishdan oldin sizga mantiq bo’yicha bir-ikki savollarim bor.
- Birovni tahorratiga namoz o’qisa bo’ladimi yoki sizni tahoratingizga boshqa namoz o’qiy oladimi?
- Bironi cho’nchagidan qilingan sahiylikdan sizga foyda bo’ladimi yoki birov sizdan foydalanib sahiylik qilsa unga foyda bo’ladimi?
- Birovni og’zi bilan ovqatlanib bo’ladimi yoki birov yeganga siz to’yasizmi?
- Ayolingizga yaqin bo’lmasangiz bola bo’ladimi yoki siz bormasdan bola bo’lsa sizniki bo’ladimi?

Endi yana o’sha gap. Qaysidir 5-bobongiz qarg’ish oldi, demak jazovni kim oladi? O’sha bobongiz. Qiynalsa u qiynaladi yoki maksimum o’zini qilgan ishi bolalaridan qaytadi, yana azobni o’zi ko’radi. Uni kamiga qabrda azobini tortadi. Lekin siz emas.

Hop 5-bobongiz qarg’ish olgan ekan, dadangiz normalniyku. Amakingizni farzandlari yahshi yashaydiku. Undan avvalgilarda bunaqa muammolar bo’lmaganku. Balki o’zingizni tahoratsiz yurishingizga 367 yil avval o’lgan bobongizni ayblashni to’xtatib suvni olib yuvib chiqish vaqti kelgandir?

Vashshe dumalab qoladigan bitta gap bor. Qotib qolaman har gal eshitsam.

“Sizni bitta 5-momongiz betayin bo’lgan. SIZ O’SHANI UMRINI YASHAYAPSIZ…”

O’zinikichi? O’ziniki qani? Alloh har bir insonni alohida yaratmadimi? Ularni ruhi alohida yaratmadimi? Alloh har bir insonni bir vazifa bilan yubormaydimi? O’zi taqdirini tozmaganmi? Kelgan muammolar sabab agar to’g’ri yo’lga yursa gunohini kechirib to’g’ri yo’lga yo’llab qo’ymaydimi?

Bizda nima bo’lyapti hoy insonlar. Ozgina ko’zingizni oching.

Men diniy ta’limni tarqatish niyatim yo’q, bunga huquqim ham yo’q. Aslida har bir gapimga Oyatlardan, Hadislardan, Ulamolrni ijmolaridan dalil keltirishim mumkin, lekin oddiy fikrlar, kundalik ma’lumotlar, mantiqiy misollar, amaliy ishlarda tushintirishim sizlar uchun osonroq, men uchun tinchroq.

Ha aytgancha, Iqtisodiyotni o’qiyotgan. vaqtimda bir fikr ko’p aytilar edi: “Halqi qashshoq mamlakatlarda LOTOREYA o’yini rivojlangan bo’ladi” deb. Ya’ni reallik qolib odamlar bo’lmaydigan narsadan umidi ko’payib ketadi.

O’sha maqolga ozgina qo’shimcha qilamiz shekilli.
“Odamlar o’z hayoti va hatti harakati uchun masuliyatsiz bo’lgani sari bo’lmag’ur ta’limotlarda ergashishi kuchayib boraveradi.”

Qavs ichida kichkina qilib yozaman, odamlar ko’pib qolib yana battar bir narsalar boshlanmasin. (agar foydasi bo’lganida siz 3-4-5 yildan beri hech qanday natijasiz qaytanga yanayam chalkashgan holatda yurmas edingiz).

Assalomu Alaykum.

Hurmat va extirom ila Muslim Holdarov. (hali davomi bor…)

@rovitalk

https://t.me/YaqinOzbek