Yoshlar markazida obodonlashtirish ishlari va yaratilayotgan imkoniyatlar ko‘zdan kechirildi

Olmazor tumani hokimi Kudratilla Tulyaganov “Yoshlik” talabalar shaharchasidagi Yoshlar markaziga tashrif buyurib, bu yerda olib borilayotgan obodonlashtirish ishlari hamda yoshlar uchun yaratilayotgan shart-sharoitlar bilan tanishdi.

Tashrif davomida markaz hududini yanada obod qilish, yoshlarning mazmunli vaqt o‘tkazishi hamda bilim va salohiyatini oshirishi uchun yaratilayotgan imkoniyatlarga alohida e’tibor qaratildi.

Telegram|Instagram|Facebook|YouTube|Web-site

“Shifokorlar” mahallasida ta’mirlash ishlari amalga oshirildi

Olmazor tumani “Shifokorlar” mahallasida joylashgan 29-sonli ko‘p qavatli uyning kirish yo‘laklari ta’mirlanib, aholi uchun yanada qulay sharoitlar yaratildi.

Mazkur ishlar turar joylarda yashash sharoitlarini yaxshilash hamda uy-joy infratuzilmasini obodonlashtirishga qaratilgan.

Telegram|Instagram|Facebook|YouTube|Web-site

🔥 «Shon-Shuhrat» MFYda issiqlik tizimi modernizatsiya qilinmoqda

Olmazor tumani hokimi Kudratilla Tulyaganov Beshqurg‘on-1 dahasida issiqlik ta’minotini yaxshilash bo‘yicha olib borilayotgan ishlarni joyida o‘rgandi.

Muhim nuqtalar:
• Zamonaviy tizim: Havo orqali o‘tgan 3 000 metrlik issiqlik quvurlari yangi PPU qoplamali izolatsiyaga ega quvurlarga almashtirilib, yer ostiga o‘tkazilmoqda.
• Bosqichlar: 4 bosqichli loyihaning 3 ta bosqichi to‘liq yakunlandi, so‘nggi bosqich ishlari olib borilmoqda.
• Barqaror ta’minot: Dahadagi 18 ta ko‘p qavatli uyda yashovchi aholi hozirda issiqlik va issiq suv bilan to‘liq ta’minlangan.

📍 Aholimiz uchun munosib va qulay turmush sharoitlarini yaratish ishlari izchil davom ettirilmoqda.

Telegram|Instagram|Facebook|YouTube|Web-site

⚡️ KUZ-QISH MAVSUMIGA TAYYORGARLIK ISHLARI O‘RGANILDI

Olmazor tumani hokimi Kudratilla Tulyaganov mas’ul tashkilotlar rahbarlari bilan birgalikda tumanda kuz-qish mavsumiga tayyorgarlik jarayonlarini joyida o‘rgandi.

O‘rganishlar davomida:
▪️ "Veolia Energy Tashkent" MCHJ HK Olmazor tumani bo‘limi faoliyati, zaxira uskunalarining mavjudligi va avariya-tiklash brigadalarining shaylik holati ko‘zdan kechirildi.
▪️ "Olmazortumangaz" gaz ta’minoti bo‘limi tomonidan mavsumga tayyorgarlik ko‘rish, gaz tarmoqlarini tartibga keltirish hamda zaxira qismlari va uskunalar bilan ta’minlanganlik darajasi tekshirildi.

Tuman hokimi mas’ullarga mavsumni behafost va barqaror o‘tkazish, aholiga uzluksiz issiqlik hamda tabiiy gaz yetkazib berish bo‘yicha tegishli topshiriqlarni berdi.

Telegram|Instagram|Facebook|YouTube|Web-site

Olmazor tumani Xalq qabulxonasida tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari J. Mahmudjonov tomonidan fuqarolarning shaxsiy qabuli o‘tkazildi.

Qabul davomida fuqarolar tomonidan bandlik, pensiya, subsidiya asosida uy-joy olish hamda boshqa iqtisodiy masalalarga oid murojaatlar bildirildi.

Bildirilgan murojaatlarning ayrimlari joyida ijobiy hal etildi. Qolgan murojaatlar yuzasidan tegishli mas’ul tashkilotlarga topshiriqlar berilib, ularning ijrosi nazoratga olindi.

Telegram|Instagram|Facebook|YouTube|Web-site