OLOT.UZ | Rasmiy kanal
Photo
ZULFIYA MUKOFOTI: OLOTLIK IQTIDORLI QIZLAR SARALANDI
Mamlakatimizda iqtidorli, bilimli va tashabbuskor qizlarni qo‘llab-quvvatlash, ularning iste’dodini yuzaga chiqarish hamda yutuqlarini munosib rag‘batlantirishga qaratilgan “Zulfiya” nomidagi davlat mukofotining tuman bosqichi bo‘lib o‘tmoqda.
Bugun tuman Ma’naviyat va ma’rifat maskanida tashkil etilgan tanlov yosh qizlarning ilm-fan, ta’lim, adabiyot, san’at, madaniyat, sport va jamoatchilik faoliyatidagi salohiyatini namoyon etishlari uchun muhim maydon bo‘ldi.
Tanlov tuman Oila va xotin-qizlar bo‘limi, Axborot-kutubxona markazi, Respublika Ma’naviyat va ma’rifat markazi tuman bo‘linmasi hamda Maktabgacha va maktab ta’limi bo‘limi hamkorligida tashkil etildi.
Unda turli yo‘nalishlarda 41 nafar 14-30 yoshdagi xotin-qizlar o‘z bilimi, iste’dodi, ijodiy yondashuvi va faoliyati bilan ajralib turgan qizlar o‘zaro bellashdilar. Ishtirokchilar o‘zlarining ijodiy ishlari, ilmiy izlanishlari, loyihalari, sahna chiqishlari, sportdagi yutuqlari va jamoatchilik faoliyati orqali hakamlar hay’atiga o‘z salohiyatlarini namoyish etdilar.
Mazkur nufuzli mukofot yosh avlod vakillarini bilim olishga, yangilik yaratishga, ijod qilishga va jamiyat hayotida faol ishtirok etishga undashi bilan alohida ahamiyatga ega. Tanlov davomida qizlarning Vatanga sadoqati, ma’naviy dunyosi, intellektual salohiyati va kelajakdagi ezgu maqsadlari yaqqol namoyon bo‘ldi.
Har bir ishtirokchi o‘z yo‘nalishida erishgan yutuqlari, izlanishlari va tashabbuslari bilan e’tiborga loyiq ekanini ko‘rsatdi. Zero, bugungi bilimli, iqtidorli va qat’iyatli qizlar ertangi kun taraqqiyotiga munosib hissa qo‘shadigan, yurtimiz ravnaqini yangi marralarga olib chiqadigan avloddir.
Tanlov yakunida 10 nafar faol va iqtidorli ishtirokchilar diplom hamda esdalik sovg‘alari bilan taqdirlandi. G‘oliblar endilikda viloyat bosqichida Olot tumani sharafini himoya qilish uchun bellashuvni davom ettiradilar.
Shubhasiz, “Zulfiya” nomidagi davlat mukofoti tanlovining tuman bosqichi yosh qizlarning o‘z imkoniyatlariga bo‘lgan ishonchini mustahkamlash, ularni yangi marralar sari ruhlantirish va iste’dodlarini ro‘yobga chiqarishda muhim qadam bo‘ldi.
https://t.me/olottumani
Mamlakatimizda iqtidorli, bilimli va tashabbuskor qizlarni qo‘llab-quvvatlash, ularning iste’dodini yuzaga chiqarish hamda yutuqlarini munosib rag‘batlantirishga qaratilgan “Zulfiya” nomidagi davlat mukofotining tuman bosqichi bo‘lib o‘tmoqda.
Bugun tuman Ma’naviyat va ma’rifat maskanida tashkil etilgan tanlov yosh qizlarning ilm-fan, ta’lim, adabiyot, san’at, madaniyat, sport va jamoatchilik faoliyatidagi salohiyatini namoyon etishlari uchun muhim maydon bo‘ldi.
Tanlov tuman Oila va xotin-qizlar bo‘limi, Axborot-kutubxona markazi, Respublika Ma’naviyat va ma’rifat markazi tuman bo‘linmasi hamda Maktabgacha va maktab ta’limi bo‘limi hamkorligida tashkil etildi.
Unda turli yo‘nalishlarda 41 nafar 14-30 yoshdagi xotin-qizlar o‘z bilimi, iste’dodi, ijodiy yondashuvi va faoliyati bilan ajralib turgan qizlar o‘zaro bellashdilar. Ishtirokchilar o‘zlarining ijodiy ishlari, ilmiy izlanishlari, loyihalari, sahna chiqishlari, sportdagi yutuqlari va jamoatchilik faoliyati orqali hakamlar hay’atiga o‘z salohiyatlarini namoyish etdilar.
Mazkur nufuzli mukofot yosh avlod vakillarini bilim olishga, yangilik yaratishga, ijod qilishga va jamiyat hayotida faol ishtirok etishga undashi bilan alohida ahamiyatga ega. Tanlov davomida qizlarning Vatanga sadoqati, ma’naviy dunyosi, intellektual salohiyati va kelajakdagi ezgu maqsadlari yaqqol namoyon bo‘ldi.
Har bir ishtirokchi o‘z yo‘nalishida erishgan yutuqlari, izlanishlari va tashabbuslari bilan e’tiborga loyiq ekanini ko‘rsatdi. Zero, bugungi bilimli, iqtidorli va qat’iyatli qizlar ertangi kun taraqqiyotiga munosib hissa qo‘shadigan, yurtimiz ravnaqini yangi marralarga olib chiqadigan avloddir.
Tanlov yakunida 10 nafar faol va iqtidorli ishtirokchilar diplom hamda esdalik sovg‘alari bilan taqdirlandi. G‘oliblar endilikda viloyat bosqichida Olot tumani sharafini himoya qilish uchun bellashuvni davom ettiradilar.
Shubhasiz, “Zulfiya” nomidagi davlat mukofoti tanlovining tuman bosqichi yosh qizlarning o‘z imkoniyatlariga bo‘lgan ishonchini mustahkamlash, ularni yangi marralar sari ruhlantirish va iste’dodlarini ro‘yobga chiqarishda muhim qadam bo‘ldi.
https://t.me/olottumani
Telegram
OLOT.UZ | Rasmiy kanal
https://t.me/NargizaNematova
👍2⚡1👏1💯1