❓Пассив чекишнинг қандай
зарарлари бор?

✅ Бошқа инсон чеккан тамаки тутунидан нафас олишга пассив чекиш дейилади.

❗️Чекмайдиган инсон бошқа бир чекадиган инсоннинг тамаки тутунидан ҳамда чекувчи одам нафас олиб қайта чиқараётган тутундан нафас олиши оқибатида пассив чекувчига айланади.

🔷 Тамаки тутуни ёпиқ бинолар ҳавосини заҳарловчи асосий манба ҳисобланади. Тамаки таркибида 4000 дан ортиқ кимёвий воситалар бўлиб, улардан жуда кўпчилиги заҳарли таъсир кўрсатади.

✅ Пассив чекиш кўплаб касалликлар ривожланишига олиб келади. Аёлларда пассив чекиш оқибатида ўпка раки ривожланиш хавфи 25 фоизга ошади.
✅ Юрак ишемик касаллиги, миокард инфаркти, сурункали бронхит каби касалликлар ҳам кўп учрайди.
✅Пассив чекиш астма ривожланиш хавфини 40-60 фоизга, инсульт хавфини эса 80 фоизга оширириши исботланган.
✅ Кўзларда таъсирчанлик, бош оғриғи, йўтал, бош айланиши, кўнгил айниши кабилар пассив чекувчиларнинг асосий шикоятлари ҳисобланади.
https://t.me/OnlineDoctorUz

❓Ҳомиладорлик тести қанчалик ишончли?

🔷 Ҳомиладорлик тести - бу аёлда ҳомиладорликнинг эрта даврида ҳомила бор йўқлигини кўрсатувчи белги ҳисобланади. Бу усул орқали қон ёки сийдикда ОХГ гормони аниқланади. Ҳомиладорлик тестининг аниқлик кўрсаткичи 91% га тенг.

🔷 Қуйидаги ҳолатларда ҳомиладорлик тести "ёлғон мусбат" натижа кўрсатиши мумкин:

🔖 Таркибида ОХГ гормони сақлаган препаратлар қабул қилиш.
🔖 Жинсий аъзоларнинг ўсма ва бошқа касалликлари.
🔖 Ҳомила ўз-ўзидан тушганда.
🔖 Абортдан сўнг кам вақт ўтганда.

🔶 "Ёлғон манфий" чиқиши мумкин бўлган ҳолатлар:

🔹Бу амалиёт жуда эрта ўтказилганда.
🔹Қандсиз диабет, буйрак касалликлари, айниқса ОХГ гормонини сийдик билан кам ажралганда.
🔹Кўп суюқлик ичиш ёки тест ўтказишдан олдин сийдик ҳайдовчи препаратларни қабул қилганда.
🔹Амалиётни нотўғри бажарганда.
https://t.me/OnlineDoctorUz

❓Бронхиал астма касаллиги нима ва унинг сабаблари қандай?

🔵 Бронхиал астма касаллиги нафас йўлларининг сурункали ноинфекцион касалликдир.

✅ Сабаблари:
🔺Наслий факторлар
🔺Касбий факторлар
🔺 Семизлик
🔺 Нотўғри овқатланиш
🔺 Микроорганизмлар, ўсимлик, ҳайвон, китоб чанглари
🔺 Тозаловчи воситалар.

🔵 Бу касалликда ҳансираш, нафас олишнинг қийинлашуви, йўтал, кўкрак қафасида қисилиш ҳиси, ҳуштаксимон хириллашлар мавжуд бўлади.

✅ Диагностика қилиш ва даволаш касалликнинг келиб чиқиш сабаби ҳамда касаллик даражасига қараб шифокор аллерголог ҳамда терапевт томонидан тайинланади.

🔶 Тавсиялар: аллергик маҳсулотлардан тийилиш, тоза ҳаволи жойда яшаш, касбингиз сабабли келиб чиқаётган бўлса, касбингизни ўзгартириш, уйда ва ишхонада ҳар хил чанглардан эҳтиёт бўлиш тавсия этилади.
https://t.me/OnlineDoctorUz

❓Қон босими юқори бўлган инсонлар самолётда учиши мумкинми?

🔵 Қон босимининг юқори бўлиши бу гипертония касаллиги дейилиб, систолик босим 140 мм.с.у. дан ошиши, диастолик босимни эса 90 мм.с.у. дан ошишига айтилади.

❗️Агар беморда гипертониянинг оғир формаси бўлса, бемор инсульт ёки инфаркт, гипертоник кризис (қон босиминг ҳаддан ташқари кўтарилиб, бемор ўзини жуда ёмон ҳис қилиши) ўтказган, юрак етишмовчилиги аниқланган бўлса, самолётда учиш тавсия қилинмайди.

☑️ Агар беморда гипертониянинг енгил даражаси бўлса, шифокор кардиолог ҳамда психолог кўригидан ўтгандан сўнг, қон босимини туширувчи дори воситалар билан самолётда учиш мумкин.
https://t.me/OnlineDoctorUz

❓Юракка стент қўйгандан кейин нималарга эътибор бериш керак?

❤️ Стентлаш амалиёти ўтказилгандан кейин ҳам юрак ишемик касаллигини даволашда ишлатиладиган дори воситаларини тўхтатиш мумкин эмас. Стентлашдан кейин шифокор ёзиб берган дори воситаларни қатъий тартиб асосида ичиб юриш зарур.
💚 Жисмоний фаоллик – стентлашдан кейин бир ой мобайнида спорт билан шуғулланиш мумкин эмас, лекин енгил машқлар бажариш мумкин.
🧡 Рационда ҳайвон ёғлари, углевод маҳсулотлари, ширинликлар ва туз камроқ бўлиши керак. Кофе ва кофеин сақловчи бошқа маҳсулотларни чеклаш керак.
Аксинча, ўсимлик ёғлари, мева ва сабзавотлар балиқ маҳсулотларини кўпроқ истеъмол қилиш касаллик қайталанишини олдини олади.
💙Амалиётдан кейин беморлар ҳолатига қараб одатий иш фаолиятига қайтишлари мумкин.
https://t.me/OnlineDoctorUz

❓ Витилиго наслдан наслга ўтадими?

🔷 Витилиго - бу тери касаллиги бўлиб, терида депигментланган (пигментацияланмаган) доғларнинг пайдо бўлиши. Келиб чиқиши бўйича турли назариялар бор, аммо аниқ сабаби аниқланмаган. Ер юзидаги аҳолининг 1-3 фоизида учрайди.

❇️ Витилиго қуйидагилар сабабли келиб чиқиши мумкин: қандли диабет, наслий, қалқонсимон без ва буйрак усти бези нотўғри фаолият бажарганда, жароҳатлар, стресслар, ҳомиладорлик вақтида болани бирор сабаб туфайли зарарланиши.

✅ Касалликни пайдо бўлиш хавф гуруҳига қуйидагилар киради:
🔻наслий мойиллик
🔻 қуёшда куйиш
🔻 заҳарланиш
🔻ҳаддан ташқари кўп зўриқиб ишлаш
🔻 ошқозон-ичак тракти органларининг сурункали касалликлари.
https://t.me/OnlineDoctorUz

❓Боламга таглик қўйганимда териси қизариб қоляпти, нима қилсам бўлади?

🔺 Тагликни 3-4 соатдан кўп вақт тақманг.
🔺Тагликни ечганингиздан сўнг 10-15 дақиқа шу ҳолатда қолсин. Тери тоза ҳаводан нафас олиши лозим.
🔺1 ҳафтада 3 марта болангизни чўмилтиринг, чўмилтиришдан аввал сувга череда ҳамда мойчечак (ромашка) солинг.
🔺 Зарарланган соҳа учун ёғдан эмас, болалар кремидан фойдаланинг.
🔺Бола терлашини олдини олинг, сифати яхши, пахтадан тайёрланган кийимлар кийдиринг. Синтетик матолардан кийим кийдирманг.
🔺Хона ҳарорати 18-20 даражада эканлигига эътиборли бўлинг.
🔺Гипоаллерген тагликлар кийдиринг.

✅ Болалар териси нозик бўлганлиги ҳамда тери касалликлари тез ривожланганлиги сабабли шифокор педиатрга кўриниш тавсия этилади.
https://t.me/OnlineDoctorUz

🤱 ЭМИЗИКЛИ ФАРЗАНДИ БОР ОНАГА ТАВСИЯЛАР

🎯 Болани ҳар гал каравотдан ёки бешикдан олаётганингизда уни қўлтиғи остидан кўтариб туринг. Бу болага қоринда йиғилан дамлардан халос бўлишига ёрдам беради.
🎯 Агар бола кечаси чўчиб уйғонаётган бўлса, уни ухлатишдан олдин йўргаклаб ётқизган маъқул.
🎯 Йиғлаётган болани овқатлантириб бўлмайди. Аввал уни тинчлантириш лозим.
🎯 Агар ухлаётган бола оғзини очишини истасангиз, бармоғингизни унинг юқори лабига теккизишингизнинг ўзи кифоя.
🎯 Йиғлаётган болани тинчлантиришнинг энг осон йўлларидан яна бири – уни кўтариб, бағрингизга босишингиздир.
🎯 Агар озиқлантиришга онанинг сути етарли бўлмаса, болага ёшига мос қўшимча тарзда озиқлантирувчи маҳсулотлар беришингиз мумкин.
🎯 Боланинг бошини юваётганингизда олдиндар орқага қаратиб ювинг. Шунда унинг юзи ва кўзига совун тегмайди.
https://t.me/OnlineDoctorUz

Жинсий алоқадан сўнг қон келиши айрим ҳолларда физиологик ҳолат, яъни ҳайз билан боғлиқ бўлса, айрим ҳолларда бачадон, бачадон бўйни ва бачадон касалликлари билан боғлиқ бўлади. Хўш, бу қандай касалликлар?

Видео шу ҳақда.

https://youtu.be/rKoW2sttVzM

@OnlineDoctorUz

Инсулин инсон органида қандай аҳамиятга эга.

🧬 Инсулин - бу меъда ости бези гормони, у қондаги глюкоза миқдорини тартибга солади. Қандли диабетда унинг синтези бузилади.

🩸Биз истеъмол қиладиган барча овқатлар глюкоза шаклида қон оқимига киради. У тананинг барча ҳужайралари учун зарур бўлган энергияни ўз ичига олади. Аммо глюкоза қон оқимига кирганда, у фақат ҳужайра ичига кира олмайди. Бунинг учун унга «калит» керак. Инсулин бу калит сифатида ишлайди, у ҳужайраларни «очади» ва улар глюкозани ўзлаштиради ва унинг қондаги таркиби камаяди.
https://t.me/OnlineDoctorUz

❓Юрагим тез уриб, нафас олишим қийинлашади. Бу хавфли эмасми?

✅ Соғлом одамда юрак бир дақиқада 60-80 тагача қисқаради. Юрак уришининг тезлашишига нафақат касалликлар, балки кучли ҳаяжон, жисмоний машқлар, спиртли ичимликлар, тамаки маҳсулотлари, иссиқ ҳаво, аччиқ чой, кофе, энергетик ичимликлар ҳам таъсир кўрсатади. Физиологик юрак уришининг тезлашиши ўртача 5-7 дақиқада яна меъёрий ҳолатга қайтади.

📍Юрак уришининг тезлашиши юракка тушаётган зўриқишдан далолат беради. Бунга қалқонсимон без касалликлари, заҳарланиш, жароҳатлар, шок ҳолатлари, инфаркт, юрак ишемик касалликлари, стенокардия сабаб бўлади.

❗️Бунда зудлик билан шифокорга мурожаат қилиш ва даво муолажаларини бошлаш лозим.
https://t.me/OnlineDoctorUz

🚬 Электрон сигаретнинг зарари

🚫 Баъзи одамлар электрон сигарет оддий сигаретларга нисбатан хавфсизроқ деб билишади. Аслида, электрон қурилмалар ҳам танага катта зарар етказади

🧬 Электрон сигарет таркибидаги
- Глицерин

🩸 Қон томирларнинг ҳолатини ёмонлаштиради, қон айланишини бузади. Бу бактериялар ривожланиши учун қулай муҳит.
Чекиш-соғлик учун зарарли
https://t.me/OnlineDoctorUz

ИММУНИТЕТ ҚАНДАЙ ПАЙДО БЎЛАДИ?

👶🏻 Болалар касалликка қарши курашиш қобилиятини (иммунитет) ҳомила даврида онадан олади.
Иммунитет ҳар бир организмда индивидуал шаклланган бўлади.

👦🏻 Бир ёшгача бўлган чақалоқларда эса иммунитет она организмидан гўдакка она сути орқали ўтади ва шунинг натижасида болада табиий иммунитет ҳосил бўлади. Бу эса болани турли касалликлардан ҳимоя қилади.

🧒 Туғилгандан сўнг болада сунъий иммунитет ҳосил бўлиши учун бола профилактик тарзда эмланади. Натижада бола организмида турли хил инфекцион касалликларга қарши иммунитет пайдо бўлади.
https://t.me/OnlineDoctorUz

❓Псориаз қандай касаллик?

✅ Псориаз - сурункали ноинфекцион касаллик, асосан терини шикастлайдиган дерматоз. Одатда псориаз қизил, ўта қуруқ, теридан бироз кўтарилиб турадиган доғлар шаклланиши билан намоён бўлади. Псориазнинг нимадан келиб чиқиши тўлиқ ўрганилмаган. Аммо бу касаллик кучли стресс, эндокрин тизим бузилишлари, иммунитетнинг ўзгариши, кучли шок ва ирсий мойиллик сабаб юзага келиши тахмин қилинади.

❗️Бу касалликни даволаш учун дерматолог шифокорга мурожаат қилиш лозим. Даволаш беморнинг ёшига, жинсига, умумий ҳолатига, касбига (профессионал омилларнинг таъсири) боғлиқ.

👩‍⚕️ Ушбу касалликдан азият чекадиган инсонларга стресслардан узоқ бўлиш, витаминга бой маҳсулотларни кўпроқ истеъмол қилиш, зарарли одатлардан воз кечиш тавсия этилади.
https://t.me/OnlineDoctorUz

❓Қонни табиий усулда кўпайтириш мумкинми?

✅ Камқонлик (анемия) бугунги кунда кенг тарқалган касалликлардан бири ҳисобланади. Қонда гемоглобин миқдори камайганда таомномага темир микроэлементларига бой озиқ-овқатларни киритиш керак. Бунда шифокорлар томонидан гўшт маҳсулотлари кўпроқ тавсия этилади.

🟣 Гўшт узоқ вақт иссиқлик билан ишлов берилмаслиги керак. Бундан ташқари олма, лавлаги, сабзи шарбатлари, денгиз маҳсулотлари, қайнатилган тил, С витаминини ўз ичига олган мевалар: анор, апельсин, киви таркибида ҳам гемоглобинни кўтарувчи микроэлементлар мавжуд.

📌 Камқонликни узоқ вақт даволамаслик камқонлик асоратларининг келиб чиқишига сабаб бўлади. Қонда гемоглобин миқдорининг узоқ вақт камайган ҳолда бўлиши иммунитетнинг пасайишига, юрак урушининг тезлашиши ва юрак етишмовчилиги, ҳомиладорлик даврида эрта туғуруқ, ҳомиланинг ва болаларда ақлий, жисмоний ривожланишнинг ортда қолишига сабаб бўлади.
https://t.me/OnlineDoctorUz

❓ТОРЧ инфекцияси ҳомила учун қандай хавф туғдиради?

✅ ТОРЧ (toxoplasma, others, rubella, cytomegalovirus, herpes virus) - ҳомила ривожланишига салбий таъсир кўрсатувчи бир қанча ҳавфли инфекциялар гуруҳи бўлиб, касалликларнинг бош ҳарфларидан олинган қисқартма сўздир. Яъни герпес, цитомегалавирус, рубелла (қизилча), токсоплазма ва бошқалар.

🔻Касаллик асосан токсоплазма қўзғатувчиси билан зарарланган гўшт маҳсулотларини истеъмол қилиш орқали юқади. Бунда асосан мушуклар ташувчи ҳисобланади. Касалликнинг онага юқиши ва онадан ҳомилага ўтиши ҳомила ривожланишига жиддий хавф солади. Бунда ҳомила асаб тизими, юрак мушаклари ва бошқа аъзоларга салбий таъсир кўрсатади. Кўп ҳолларда биринчи триместрда ҳомила нобуд бўлиши кузатилади.

🔸Касалликни олдини олиш учун шахсий гигиена қоидаларига риоя қилиш, гўшт маҳсулотларни яхши пишириб истеъмол қилиш, мушуклар ва бошқа ҳайвонлардан эҳтиёт бўлиш тавсия этилади.
https://t.me/OnlineDoctorUz

❓Болаларда кузатиладиган бурун аденоидлари хавфлими?

✅ Аденоидлар - бурун-ҳалқум муртак безларининг катталашиши сабабли келиб чиқиб, асосан 3-14 ёшда кузатилади. Ушбу касалликка юқори нафас тизимининг ўткир ва сурункали касалликлари, қизамиқ, дифтерия, ангина, скарлатина сабаб бўлади.

🔹Беморларда оғиз орқали нафас олиш, эшитишнинг пасайиши, қулоқ ва бош оғриғи кузатилади.
Касалликни даволаш жарроҳлик амалиёти ёки дори воситалари билан амалга оширилади.

💢 Жарроҳлик амалиётидан кейин беморларга иссиқ ва қаттиқ овқатлар истеъмол қилмаслик, жисмоний машқлар билан шуғулланмаслик, иссиқ сувда чўмилмаслик тавсия этилади.
https://t.me/OnlineDoctorUz

❓ САВОЛ:
Илтимос, айтингчи, ўзимни яхши ҳис қилсам ҳам, ковид учун антибиотик ичишим мумкунми?

✅ЖАВОБ:
Мумкин эмас.
Ковид - бу вирусли касаллик, антибиотиклар кўрсатилмайди.

Антибиотикларнинг назоратсиз ишлатилиши глобал антибиотикларга қаршилик муаммосини ёмонлаштиради.
https://t.me/OnlineDoctorUz

Ҳомиладорликнинг 2% қисми ривожланмаслик билан якунланиши мумкин. Одатда фарзанд кутаётган жуфтлик учун бу ҳолат стресс бўлиши мумкин. Ҳомила ривожланмаса қанчадан кейин ҳомиладор бўлиш мумкин. Бунда нималарга эътибор қилиш керак.

Видео шу ҳақда.

https://youtu.be/BBpnM-xeNzg

@OnlineDoctorUz

❓Йўл-йўлакай овқатланишнинг ножўя таъсири қандай?

🔷 Инсон ўтирган ҳолатида ошқозон ҳажми бироз кичраяди. Турган ҳолатда эса бунинг акси кузатилади. Ички органлар эркин ҳолатда бўлади ва натижада кўпроқ овқат истеъмол қилинади. Бундай ҳолатда доимий овқатланиш семиришга сабаб бўлади.

🔘 Инсон йўл-йўлакай овқатланганда яхши чайнамай, тез-тез ютганлиги сабабли мия ўз вақтида тўйинганлик сигналини қабул қила олмайди ва натижада овқат истеъмол қилингани сари мия яна талаб қилаверади.

✅ Овқатни тез-тез, яхши чайнамай ютиш ошқозон-ичак касалликлари, жумладан гастритга ҳам сабаб бўлади. Овқатни камида 15-20 марта чайнаш тавсия этилади.
https://t.me/OnlineDoctorUz