⚡️Жорий куз-қиш мавсумида мамлакатимизда табиий газ тармоқларига уланмаган ҳудудлар аҳолисини суюлтирилган газ билан узлуксиз таъминлашга катта эътибор қаратилмоқда. Хусусан, Ўзбекистон Республикаси Президентнинг жорий йил 12-сентябрдаги «Аҳолини суюлтирилган газ билан таъминлаш тизимини ислоҳ қилиш ва бозор механизмларини босқичма-босқич жорий этиш чора-тадбирлари тўғрисида» қарори билан соҳани ислоҳ қилиш, газ ресурсларидан самарали фойдаланиш ва аҳолининг ижтимоий ҳимояга муҳтож қатламини қўллаб-қувватлашнинг аниқ механизмлари белгилаб берилган.

Лекин, халқ манфаатидан кўра шахсий манфаатини устун қўйган айрим соҳа ходимлари баъзи фуқаролар билан тил бириктириб, давлат томонидан ажратилган газ баллонларни асоссиз равишда қиммат нархларда сотиб, даромад топишга уринишмоқда.

Ана шундай салбий ҳолатларга чек қўйиш ҳамда давлат томонидан кўрсатилаётган ижтимоий қўллаб-қувватлашнинг манзиллилиги ва шаффофлигини таъминлаш мақсадида Давлат хавфсизлик хизмати, Ички ишлар вазирлиги, Бош прокуратура, Фавқулодда вазиятлар вазирлиги ҳамда “Ўзэнергоинспекция” ходимлари томонидан жойларда рейд тадбирлари ўтказилмоқда.

Электрон ҳужжатлар қуйидаги ҳолатларда қабул қилинади:
➖ Банкларда — банк хизматларидан фойдаланиш ва айрим молиявий операцияларда шахсни тасдиқлаш учун;
➖ Нотариусларда — тегишли нотариал ҳаракатларни амалга оширишда;
➖ Аэропортларда — Ўзбекистон ичидаги авиарейсларга рўйхатдан ўтишда;
➖ Алоқа хизматлари ва ломбардлар билан шартнома тузишда.

Шунингдек, электрон ҳужжатлардан қон топширишда шахсни тасдиқлаш, ҳарбий рўйхатга олиш, уруш қатнашчиларига компенсация бериш ва тиббий-ижтимоий муассасаларда пуллик хизматлар кўрсатишда ҳам фойдаланиш мумкин.

Ўзгаришлар 33 та идоравий ҳужжатга киритилган. Тегишли ҳужжатлар Адлия вазирлигида 2026 йил 20 октябрда 3958 ва 3959-сонлар билан давлат рўйхатидан ўтказилган.