🌧 Bakıda sabah yağış yağacaq

☔️ Oktyabrın 6-da Bakıda və Abşeron yarımadasında fasilələrlə yağış yağacağı gözlənilir. Gecə və səhər bəzi yerlərdə yağışın leysan xarakterli olacağı, şimşək çaxacağı ehtimalı var.

🌡 Paytaxtda temperatur gecə 13-17°, gündüz isə 19-22° isti olacaq.

🌧 Rayonlarda da bəzi ərazilərdə yağış, leysan və şimşək gözlənilir. Ayrı-ayrı yerlərdə dolu düşə, dağlıq ərazilərdə isə qar yağa bilər.

🌫 Gecə və səhər bəzi yerlərdə duman müşahidə olunacaq.

Yaşadığınız yerin havasını öyrənmək üçün daxil ola bilərsiniz 👉 https://operativmm.az/az/hava

🇦🇿🇲🇾 İlham Əliyev Malayziyaya səfərə dəvət olunub

🤝 Malayziyanın yeni səfiri Aznifah İsnariah Binti Abdul Qani etimadnaməsini Prezident İlham Əliyevə təqdim edərkən Malayziya Kralı Sultan İbrahim və Baş nazir Ənvər İbrahimin salamlarını çatdırıb.

✈️ Səfir həmçinin Prezident İlham Əliyevi Malayziyaya səfərə dəvət edib.

🇦🇿 Prezident dəvətə görə təşəkkür edərək onu məmnunluqla qəbul etdiyini bildirib.

🤝 İlham Əliyev öz növbəsində Malayziya Kralını və Baş nazirini Azərbaycana səfərə dəvət edib.

🚨 Xətaidə 18 yaşlı oğlan bıçaqlanaraq öldürülüb

🔪 Hadisə Bakının Xətai rayonunda, 56 nömrəli məktəbin qarşısında baş verib. 18 yaşlı oğlan bıçaqlanaraq öldürülüb.

🚑 TƏBİB-in məlumatına görə, hadisə yerinə təcili tibbi yardım briqadası cəlb olunub. Bir nəfərin həkiməqədər ölüm faktı qeydə alınıb.

👮‍♂️ Hadisəni törətməkdə şübhəli bilinən Q.Mahmudov polis əməkdaşları tərəfindən saxlanılıb.

🔎 Faktla bağlı araşdırma aparılır.

🇦🇿 Səhiyyə Nazirliyi: Rusiyada taunla bağlı məlumatları izləyirik, Azərbaycanda əlavə məhdudlaşdırıcı tədbirlərə zərurət yoxdur

Nazirlik bildirib ki, Azərbaycanda son 50 ildə taun hadisəsi qeydə alınmayıb və epidemioloji vəziyyət sabitdir.

Qeyd olunub ki, Rusiyadan gələn şəxslərlə bağlı sanitariya-epidemioloji nəzarət tədbirləri davam etdirilir. Hazırda ölkə əhalisi üçün xüsusi narahatlığa əsas yoxdur.

🚨🇹🇷🇦🇿 Türkiyə gəmisinə dron zərbəsi – heyətdə azərbaycanlılar da olub

🚢 Qarğıdalı daşıyan Türkiyə yük gəmisi neytral sularda iki Rusiya pilotsuz uçuş aparatının zərbəsinə məruz qalıb.

🇦🇿🇮🇳 Ukrayna Prezidenti Volodimir Zelenskinin sözlərinə görə, gəminin heyətində Azərbaycan və Hindistan vətəndaşları da olub.

⚠️ Hücum nəticəsində gəminin kapitanı həlak olub, bir ekipaj üzvünün taleyi isə məlum deyil. 11 nəfər xilas edilib, onlardan biri yaralanıb.

📢 Zelenski Qara dənizdə gəmiçiliyin təhlükəsizliyinin təmin olunması üçün tədbirlərin görülməsinə çağırıb.

🏠⚠️ Kirayə mənzil üçün müraciətlər sabahdan dayandırılır

📅 Azərbaycanda satmaq öhdəliyi ilə kirayə mənzil mexanizmi üzrə yeni müraciətlərin qəbulu sabahdan müvəqqəti dayandırılacaq.

🏦 İpoteka və Kredit Zəmanət Fondu bildirir ki, fasilə artan müraciətlərin daha operativ və şəffaf emalı, seçim imkanlarının yaxşılaşdırılması və elektron sistemin funksionallığının artırılması məqsədi daşıyır.

📊 Hazırda elektron sistem üzərindən hər gün 100-dən çox müraciət daxil olur. İndiyədək mexanizm çərçivəsində 10 mindən artıq kirayə müqaviləsi rəsmiləşdirilib.

📌 Dayandırılma indiyədək sistemdə qeydiyyata alınmış müraciətlərə və onların növbəliliyinə təsir etməyəcək.

👥 12 mindən çox vətəndaşa görüş günü barədə bildiriş göndərilib. Onlar bildirişdə göstərilən tarixdə 2 saylı ASAN Kommunal və ya Sumqayıt ASAN Xidmət mərkəzlərinə müraciətlərini rəsmiləşdirmək üçün yaxınlaşa bilərlər.

🔔 Müraciətlərin yenidən nə vaxt qəbul ediləcəyi barədə əlavə məlumat veriləcək.

🚨 Nizamidə məktəblilər arasında bıçaqlanma – şagird ölüb

🔪 Bakının Nizami rayonunda orta məktəblərdən birində 9-cu sinif şagirdi sinif yoldaşını bıçaqlayıb.

🕊 Ağır xəsarət alan məktəbli daha sonra vəfat edib.

👮‍♂️ Hadisəni törətməkdə şübhəli bilinən yeniyetmə polis əməkdaşları tərəfindən saxlanılıb.

⚖️ Faktla bağlı cinayət işi başlanılıb, araşdırma aparılır. Hadisənin səbəbləri və şagirdlər arasında əvvəlcədən münaqişənin olub-olmadığı hələlik açıqlanmayıb.

Pirallahı Sənaye Parkında dərman istehsalı müəssisəsinin açılışı.

🇦🇿🇺🇸 Ceyhun Bayramov Marko Rubio ilə telefonla danışıb

📞 Azərbaycanın xarici işlər naziri Ceyhun Bayramov ABŞ dövlət katibi Marko Rubio ilə telefon danışığı aparıb.

🤝 Tərəflər Azərbaycan-ABŞ strateji tərəfdaşlığının mövcud vəziyyəti və inkişaf perspektivləri, həmçinin Azərbaycan-Ermənistan normallaşma prosesini müzakirə ediblər.

📌 8 avqust 2025-ci ildə Vaşinqtonda keçirilən zirvə görüşündən sonra ikitərəfli münasibətlərdə əldə olunan irəliləyişlər qeyd olunub. Strateji Tərəfdaşlıq Xartiyasında müəyyənləşdirilən prioritetlər üzrə işçi qruplarının fəaliyyətinin əhəmiyyəti vurğulanıb.

⚡️ 2026-cı ildə enerji, investisiya, rəqəmsal texnologiyalar və ticarət sahələrində imzalanan sənədlərin əməkdaşlığın praktiki məzmununu genişləndirdiyi bildirilib.

🕊 Ceyhun Bayramov Azərbaycanın sülh gündəliyi, etimad quruculuğu və regional sabitliyin möhkəmləndirilməsi istiqamətində atdığı addımlar barədə qarşı tərəfə məlumat verib.

Cüdo üzrə dünya çempionatının açılış mərasimi

🇹🇷🇵🇰🇸🇦 Türkiyə və Pakistan hərbçiləri Səudiyyə Ərəbistanına yerləşdiriləcək

🪖 Türkiyə, Pakistan və Səudiyyə Ərəbistanı Məkkə Ortaq Müdafiə Sazişi çərçivəsində kollektiv müdafiə öhdəliklərinin icrasına başlayacaq.

📍 Birgə bəyanata əsasən, razılaşdırılmış hərbi qüvvələrin və imkanların Səudiyyə Ərəbistanına sürətlə yerləşdirilməsi ilə bağlı tədbirlər görüləcək.

🤝 Tərəflər hər üç ölkənin təhlükəsizliyinin bir-birinin kollektiv təhlükəsizliyinin ayrılmaz hissəsi olduğunu təsdiqləyiblər.

⚠️ Bəyanatda Məkkə və Mədinəyə yönəlmiş hücum cəhdləri, eləcə də Səudiyyə Ərəbistanındakı şəhərlərə, mülki və iqtisadi obyektlərə hücumlar pislənib.

🎖 Pakistanlı general-leytenant Nauman Mahmud isə Məkkə Müdafiə İttifaqının baş katibi seçilib.

‼️ Qaxda ağır qəza: 17 yaşlı yeniyetmə ölüb, 4 nəfər yaralanıb

Hadisə gecə saat 02 radələrində Qax rayonu ərazisində baş verib.

▪️Kamran Məmmədovun idarə etdiyi “Opel” əvvəlcə dirəyə, daha sonra divara çırpılıb.

▪️ Qəza nəticəsində 17 yaşlı Elcan Muxtarov ölüb.

🔻16 yaşlı Ziyad Şahmalıyev, 18 yaşlı Mürsəl Muxtarov, 20 yaşlı Şahmalı Abdulətif və 18 yaşlı Ərhan Əlizadə müxtəlif dərəcəli xəsarətlər alıblar.