⚽️ “Sabah” – “Barselona” oyununun biletləri satışa çıxarılıb

🎟️ Qarşılaşma üçün biletlərin qiymətləri 15, 40, 50, 75, 120, 500 və 750 manat təşkil edir.

🎬 Kino Agentliyindən “44” filmi ilə bağlı xəbərdarlıq

📢 Mədəniyyət Nazirliyi yanında Kino Agentliyi tamaşaçılara müraciət edərək filmin seanslar zamanı mobil telefon və digər cihazlarla çəkilməsinin, görüntülərin icazəsiz yayılmasının yolverilməz olduğunu bildirib.

⚖️ Qurumun verdiyi məlumata görə, bu cür hərəkətlər müəlliflik hüquqlarının pozulmasına səbəb ola bilər.

🚫 Agentlik xəbərdarlıq edib ki, qanun pozuntusu aşkarlanacağı təqdirdə təqsirli şəxslər barəsində qanunvericiliyə uyğun tədbirlər görüləcək.

Bir qrup energetik təltif edilib - Sərəncam

Ətraflı 👉 operativmm.az

🇷🇺🇮🇷 Rusiyanın xarici işlər naziri Sergey Lavrov İrana səfər edib.

🤝 Lavrov Tehranda İran rəsmiləri ilə ikitərəfli münasibətləri, mövcud razılaşmaların icrasını, regional və beynəlxalq məsələləri müzakirə edəcək.

📍 Səfər çərçivəsində onun İran Prezidenti Məsud Pezeşkianla görüşü də nəzərdə tutulub.

✅Oktyabrın 20-də respublika üzrə pensiyaların tam ödənilərək yekunlaşdırılması nəzərdə tutulub.

🚨 Fransada etirazlar sosial böhranı yenidən gündəmə gətirib

🇫🇷 Dörd həftədir davam edən aksiyalarda əməkhaqqı və pensiyaların artırılması, bahalaşmanın təsirlərinin azaldılması, təhsil və ictimai xidmətlərin maliyyələşdirilməsinin genişləndirilməsi tələb olunur.

📢 Etirazlara tələbələrlə yanaşı, fermerlər, həmkarlar ittifaqları və “sarı jiletlilər” də qoşulub.

⚖️ Aksiyaların miqyası, polislə toqquşmalar və hökumətin reaksiyası Fransada sosial siyasət ətrafında müzakirələri gücləndirib.

🚨 Masazırda avtomobilləri yandıranlardan daha biri saxlanılıb

📍 Masazır qəsəbəsində 4 avtomobilin yandırılmasını təşkil etməkdə şübhəli bilinən şəxs Gürcüstandan Özbəkistana gedərkən Dövlət Təhlükəsizliyi Xidməti (DTX) tərəfindən saxlanılıb.

⚖️ Şəxs Azərbaycana gətirilib və barəsində həbs qətimkan tədbiri seçilib.

⚡️ Dövlət əleyhinə çağırışlar və dini nifrət məzmununa görə 7 nəfər beynəlxalq axtarışa verilib

📌 Dövlət əleyhinə açıq çağırışlar və dini nifrət məzmunlu materialların yayılması ilə bağlı daha 7 nəfər barəsində beynəlxalq axtarış elan edilib.

🔎 Axtarışa verilən şəxslər bunlardır:

▪️ Rıdvan Kaya
▪️ Zəkəriyyə Cəran (Abdullah İmamoğlu)
▪️ Fatih Tezcan
▪️ Ahmet Şanlı
▪️ Fahrettin Taşkaya Saral
▪️ Abdurrahman Tumer
▪️ Alparslan Tanrıkulu

🇦🇿İlham Əliyev: Sülh hələ də kövrəkdir, onu qorumaq və möhkəmləndirmək lazımdır.

"KARABAKH DISCOVER" layihəsi ilk dəfə Azıx mağarasının içərisindən görüntülər təqdim edib.

🇦🇿Bu gün Zəngilanın azad edilməsindən altı il ötür.

⚽️🇦🇿 “Sabah” bu gün “Borussiya” ilə qarşılaşacaq

🏆 “Sabah” UEFA Çempionlar Liqasının əsas mərhələsində III tur oyununa çıxacaq. Bakı təmsilçisi Almaniyanın “Borussiya” (Dortmund) komandası ilə üz-üzə gələcək.

📍 Qarşılaşma Bakı Olimpiya Stadionunda keçiriləcək və saat 20:45-də başlayacaq.

👨‍⚖️ Matçın baş hakimi ispaniyalı FIFA referisi Xavyer Alberola Roxas olacaq.

🚨 AQTA “Çıraq Palace” şadlıq sarayında nöqsanlar aşkarlayıb

📍 Mediada qonaqlara istehlaka yararsız ət məhsullarının təqdim olunması ilə bağlı yayılan məlumatlardan sonra AQTA şadlıq sarayında plandankənar yoxlama keçirib.

⚠️ Yoxlama zamanı ət məhsullarının miqdarı ilə baytarlıq sənədlərindəki göstəricilərin uyğun gəlmədiyi, ətlərin lazımi temperatur rejimində saxlanılmadığı və donunun açılması prosesinin qida təhlükəsizliyi tələblərinə uyğun aparılmadığı müəyyən edilib.

🔎 Həmçinin qonaqlara təbii “qırmızı kürü” adı altında süni kürü təqdim edildiyi aşkarlanıb.

⚖️ Faktlarla bağlı inzibati protokol tərtib edilib. Nöqsanlar aradan qaldırılanadək dondurucu anbarda işlərin görülməsi və xidmətlərin göstərilməsi dayandırılıb.

🇫🇷📚 Fransada etirazlar zamanı kitab mağazasını bağlamadı: “Açığıq” yazısı qoydu

📍 Fransada etirazlardan sonra küçələrdə yaranan qarışıqlıq fonunda bir kitab mağazasının sahibinin davranışı diqqət çəkib.

🪧 Ətrafı tüstü, zibil və qutularla dolu olan mağazanın sahibi iş yerini bağlamayıb. O, mağazanın qarşısına “Xoş gəlmisiniz / Açığıq” yazısı qoyaraq müştərilərini gözləyib.

📚 Mağazanın içində kitabların səliqəli şəkildə qalması və şüşələrin salamat olması da diqqət çəkib. Sahib müştəriləri içəri dəvət etsə də, heç kimin mağazaya daxil olmaması maraqlı mənzərə yaradıb.

🌧 Azərbaycanda leysan, dolu və qar gözlənilir

📍 Oktyabrın 21-də əsasən dağlıq və dağətəyi rayonlarda, 22-23-də isə bəzi ərazilərdə fasilələrlə yağış yağacağı gözlənilir.

⛈ Milli Hidrometeorologiya Xidmətindən verilən məlumata görə, ayrı-ayrı yerlərdə intensiv leysan, şimşək və dolu ehtimalı var. Yüksək dağlıq ərazilərdə qar yağacağı, oktyabrın 22-də isə bəzi yerlərdə yağıntıların güclənəcəyi gözlənilir.

⚠️ Yağıntılar nəticəsində çaylarda sululuğun artacağı, Böyük Qafqazın və Naxçıvan Muxtar Respublikasının bəzi çaylarından qısamüddətli daşqın və sel keçəcəyi ehtimal olunur.

Yaşadığınız yerin havasını öyrənmək üçün daxil ola bilərsiniz 👉 https://operativmm.az/az/hava

⚡️İsveçin Azərbaycandakı səfiri Luis Morsinq Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyevlə görüşüb.

🇦🇿Gəncə Memorial Kompleksi Mədəniyyət Nazirliyinin tabeliyinə verilib - Sərəncam