⚡️Қазақстандық оқушылар Гонконгте робототехника жарысында топ жарды

🇰🇿Қазақстандық оқушылар халықаралық FIRST LEGO League Hong Kong Championship 2026 чемпионатында ел намысын абыроймен қорғап, жоғары нәтижелерге қол жеткізді.

🌍 Биылғы чемпионатқа әлемнің 30-дан астам елінен 120 үздік команда, 900-ден астам оқушы қатысты. Халықаралық білім беру және робототехника саласындағы беделді алаңдардың біріне айналған жарыста Алматы қаласынан қатысқан екі команда жүлделі орындарға ие болды.

🔖PhysTech School Almaty мектебінің «PEAK» командасы чемпионаттың ең жоғары марапаттарының бірі – 1st Runner-Up атағын жеңіп алды. Сонымен қатар команда ең инновациялық көрме аймағы үшін берілетін Most Innovative Booth Award арнайы жүлдесімен марапатталды. Robot Game санатында 6-орын иеленіп, әлемнің үздік командаларының қатарына енді.

🤝Команда құрамында Бектемиров Ерасыл, Хегай Виктор, Орман Ануар, Пак Ильсон, Хайрулла Айкен және Стяжкина Тамина болды. Команданың жаттықтырушысы – Берікпол Мақсат Асқарұлы.

🔖Ал «Future Axions 218» командасы Invitational санатында 2nd Runner-Up нәтижесін көрсетіп, халықаралық командалар арасында екінші орынға ие болды.

🤝Команда құрамында №218 келешек мектебінің оқушылары Заманбек Ринат пен Қалиасқар Іңкәр, сондай-ақ №24 лицейдің оқушылары Тұрсын Медина Сәбитқызы мен Тұрсынбек Әдия Жанболатқызы өнер көрсетті. Команданың менторы – Қарағол Бақкелді Бегжанұлы.

🤖Қазақстандық оқушылардың халықаралық деңгейдегі бұл жетістігі елімізде STEM-білім беру мен робототехника бағытын дамыту бойынша жүргізіліп жатқан жүйелі жұмыстардың нәтижесін көрсетеді. Бүгінде мектептерде робототехника кабинеттері ашылып, инженерлік және цифрлық дағдыларды дамытуға бағытталған білім беру бағдарламалары кеңінен енгізілуде.

❗️Оқушылардың халықаралық жарыстардағы табыстары олардың жоғары дайындық деңгейін, шығармашылық және инженерлік ойлау қабілеттерін айқындап, қазақстандық білім беру жүйесінің әлеуетін халықаралық деңгейде танытуға мүмкіндік береді.

_____________________

📱instagram📱facebook📱tiktok📱website

⚡️Казахстанские школьники стали призерами международного чемпионата по робототехнике в Гонконге

🇰🇿Казахстанские школьники достойно представили страну на международном чемпионате FIRST LEGO League Hong Kong Championship 2026, добившись высоких результатов.

🌍 В этом году в чемпионате приняли участие более 120 сильнейших команд и свыше 900 школьников из более чем 30 стран мира. На престижной международной площадке в сфере образования и робототехники две команды из Алматы завоевали призовые места.

🔖Команда «PEAK» школы PhysTech School Almaty стала обладателем одной из высших наград чемпионата - 1st Runner-Up. Кроме того, команда была удостоена специальной награды Most Innovative Booth Award за самый инновационный выставочный стенд. В категории Robot Game школьники заняли 6-е место, войдя в число лучших команд мира.

🤝В состав команды вошли Ерасыл Бектемиров, Виктор Хегай, Ануар Орман, Ильсон Пак, Айкен Хайрулла и Тамина Стяжкина. Тренер команды - Берикпол Максат Аскарулы.

🔖Команда «Future Axions 218» заняла 2nd Runner-Up в категории Invitational, показав второй результат среди международных команд.

🤝В составе команды выступили ученики школы «Келешек мектебі» №218 Ринат Заманбек и Инкар Калиаскар, а также учащиеся лицея №24 Медина Турсын Сабиткызы и Адия Турсынбек Жанболаткызы. Ментор команды - Карагол Баккелди Бегжанулы.

🤖Достижения казахстанских школьников на международной арене являются результатом системной работы по развитию STEM-образования и робототехники в стране. Сегодня в школах открываются кабинеты робототехники, широко внедряются образовательные программы, направленные на развитие инженерных и цифровых компетенций.

❗️Успешные выступления школьников на международных соревнованиях подтверждают высокий уровень их подготовки, творческого и инженерного мышления, а также демонстрируют потенциал казахстанской системы образования на мировой арене.
_____________________

📱instagram📱facebook📱tiktok📱website

🇰🇿Бес алтын – Қазақстан білімінің тарихи жетістігі

⚡️Алматы халықаралық әуежайында 56-шы Халықаралық физика олимпиадасының (IPhO-2026) жеңімпаздарын салтанатты қарсы алу рәсімі өтті. Оған Оқу-ағарту министрі Жұлдыз Сүлейменова қатысып, оқушыларды тарихи жетістіктерімен құттықтады. Министр ұлттық құраманы жоғары деңгейде дайындауға және тарихи нәтижеге қол жеткізуге үлес қосқан педагогтер мен тәлімгерлерге алғысын білдірді.

🤝Салтанатты кездесу ерекше жылы әрі мерекелік көңіл күйде өтті. Жеңімпаздарды гүл шоқтарымен, ыстық ықыласпен және Қазақстанның әлемдік зияткерлік аренадағы абыройын асқақтатқан жетістіктері үшін шынайы алғыс сөздерімен қарсы алды.

🥇Салтанатты кездесудің басты кейіпкерлері Халықаралық физика олимпиадасының бес алтын медаль иегерлері - Нұргүл Егенбергенова, Әмірбек Азатбеков, Ілияс Қазымбек, Роман Черемнов және Дамир Құрман болды. Олармен бірге елге ұлттық құраманы дайындау жөніндегі жетекші Гүлия Нұрбақова, сондай-ақ команда жетекшілері Самат Мақсұтов пен Әлішер Еркебаев оралды.

❗️Халықаралық физика олимпиадасы 4-12 шілде аралығында Колумбияның Букараманга қаласында өтті. Беделді білім бәйгесіне әлемнің 85 елінен 381 оқушы қатысты. Нәтижесінде Қазақстан құрамасы өз тарихында алғаш рет бес алтын медаль жеңіп алды.

✅Бұл тарихи жетістік қазақстандық оқушылардың жоғары дайындық деңгейі мен педагогтердің кәсібилігінің айқын көрінісі болды. Сонымен қатар ол Мемлекет басшысы Қасым-Жомарт Тоқаевтың зияткерлік әлеуетті нығайту жөніндегі тапсырмаларын іске асыру, дарынды жастарды қолдау және білім беру жүйесін дамыту бағытындағы жүйелі жұмыстың нәтижесін көрсетті.

👏Оқу-ағарту министрлігі жеңімпаздарды, олардың тәлімгерлері мен ата-аналарын тарихи жетістікпен құттықтайды. Ұлттық құраманың тарихи жеңісі - барша қазақстандықтар үшін зор мақтаныш әрі жас ұрпаққа шабыт беретін жарқын үлгі.
_____________________

📱instagram📱facebook📱tiktok📱website