កម្មវិធីសំណេះសំណាល និងពិសាអាហារសាមគ្គីរវាងគណៈគ្រប់គ្រង ដែលជាតំណាងដ៏ខ្ពង់ខ្ពស់របស់លោក ជំទាវ ហ៊ុន ម៉ាណា អគ្គនាយិកាក្រុមហ៊ុនអ័រគីដេ និងបុគ្គលិកក្រុមហ៊ុន ជាមួយបងប្អូនកម្មករ កម្មការិនី ក្រុមជាងដែលនៅបម្រើការនៅគម្រោង Orkide The Botanic City ដោយផ្ទាល់នាល្ងាចថ្ងៃទី 10 ខែសីហា ឆ្នាំ 2024នេះ។

គណៈគ្រប់គ្រងបុរីអ័រគីដេ បានពាំនាំប្រសាសន៍ផ្តាំផ្ញើរសួរសុខទុក្ខពីសំណាក់លោកជំទាវអគ្គនាយិកាក្រុមហ៊ុន និងថ្លែងអំណរគុណ និងលើកទឹកចិត្តដល់ក្រុមជាង កម្មករ កម្មការិនី ដែលតែតែប្រឹងប្រែងខិតខំបំពេញការងារបានយ៉ាងល្អប្រសើរ ដើម្បីទទួលបានជោគជ័យថ្មីៗបន្ថែមទៀត និងបន្តខិតខំយ៉ាងណាអោយគំរោងសាងសង់ផ្ទះជូនអតិថិជនអោយបានឆាប់ៗក្នុងពេលខាងមុខ ហើយព្រមទាំងមានគុណភាពខ្ពស់ដើម្បីផ្តល់ជូនអតិថិជន។

តំណាងក្រុមជាង កម្មករកម្មការិនី ក៏បានថ្លែងអំណរគុណដល់លោកជំទាវអគ្គនាយិកាព្រមទាំងគណៈគ្រប់គ្រងនិងបុគ្គលិកក្រុមហ៊ុន ដែលបានរៀបចំពិធីសំណេះសំណាល និងពិសាអាហារសាមគ្គីនេះឡើង និងទទួលបានការណែនាំថ្មីៗបន្ថែមទៀតពីគណៈគ្រប់គ្រងដោយធ្វើយ៉ាងណាជំរុញអោយការសាងសង់កាន់តែមានប្រសិទ្ធភាពខ្ពស់ និងរីកចម្រើនទៅមុខ ព្រមទាំងសុវត្ថិភាពក្នុងពេលបំពេញការងារ។