ក្រុមគ្រួសារសមាជិក ប្រជាពលរដ្ឋ អ្នកភូមិអ័រគីដេផ្លូវ ២០០៤បានចូលរួមជាស្មារតីសាមគ្គីជាតិសមរភូមិក្រោយ ជួយឧបត្ថម្ភគាំទ្រ និងលើកទឹកចិត្តដល់ កងយោធពលខេមរភូមិន្ទ ការពារព្រំដែនទាំងអស់ ដែលកំពុងឈរជើងការពារទឹកដីនៅសមរភូមិមុខតាមបណ្តោយព្រំដែន។

ព្រមទាំងបានថ្កោលទោសយ៉ាងដាច់អហង្ការចំពោះ ការផ្សព្វផ្សាយបែបបំភ្លៃការពិត ញុះញង់ សកម្មភាពឈ្លានពាន ទង្វើដ៏ព្រៃផ្សៃ ដែលជាការបំពាន និងរំលោភដែនអធិបតេយ្យភាពកម្ពុជាយ៉ាងធ្ងន់ធ្ងរបំផុត។

សូមបួងសួងដល់វត្ថុស័ក្តិសិទិ្ធក្នុងលោក បារមីព្រះមហាក្សត្រគ្រប់ជំនាន់ ដួងព្រលឹងមេទ័ពគ្រប់ជំនាន់ សូមជួយបីបាច់ថែរក្សាការពារបងប្អូនកងទ័ពខ្មែរជួរមុខទាំងអស់សូមជួបតែសេចក្ដីសុខ ឈ្នះអស់មារសត្រូវទាំងឡាយទាំងពួង។

#ប្រទេសថៃបាញ់កម្ពុជាមុន
#កម្ពុជាប្រើសិទ្ធិការពារខ្លួន
#ថៃជាអ្នកផ្តើមសង្គ្រាម
#DontThaiToMe

តបតាមការអំពាវនាវរបស់ សម្តេចតេជោ ហ៊ុន សែន ប្រធានព្រឹទ្ធសភា,
ក្រុមហ៊ុនអ័រគីដេ ឌីវែឡុបមុិន បានចូលរួមចំណែកឧបត្ថម្ភថវិកា ១,០០០,០០០ដុល្លារ (១លានដុល្លារ) ដល់ជនភៀសសឹក និង កងទ័ពជួរមុខកម្ពុជា ដែលឈរជើងនៅបណ្តោយព្រំដែនកម្ពុជា-ថៃ។

ការចូលរួមឧបត្ថម្ភថវិការបស់ ក្រុមហ៊ុនអ័រគីដេ ឌីវែឡុបមុិន គឺជាការចូលរួមចំណែកជួយដល់ជនភៀសសឹក និង កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

សូមឲ្យវិញ្ញាណក្ខន្ធវីរជនកម្ពុជាដែលបានពលីជីវិត ក្នុងបុព្វហេតុការពារបូរណភាពទឹកដីកម្ពុជា បានទៅកាន់ទីស្ងប់សុខ និង ខ្ពង់ខ្ពស់!
សូមគោរពដឹងគុណ 🙏🏻

ស្មារតីរួបរួមការពារបូរណភាពជាតិ!
សកម្មភាពរៀបចំជំនួយ ដែលទទួលបានការចូលរួមពីក្រុមគ្រួសារ និងសមាជិកអ្នកភូមិអ័រគីដេផ្លូវ ២០០៤ ដើម្បីត្រៀមដឹកជូនដល់កងទ័ព និងបងប្អូនប្រជាពលរដ្ឋជនភៀសសឹក។
លោក លោកស្រីក៏អាចរួមចំនែកបន្ថែមក្នុងការបរិច្ចាគបានដោយផ្ទាល់នៅទីស្នាក់ការលក់ខុនដូអ័រគីដេផ្លូវ ២០០៤។
យើងខ្ញុំក៏សូមថ្លែងអំណរគុណទៅដល់បងប្អូនរបស់យើងទាំងអស់គ្នា ដែលបានចូលរួមបរិច្ចាគទៅតាមសទ្ធាជ្រះថ្លា។ នេះពិតជាឆន្ទៈ និងកម្លាំងចិត្តយ៉ាងសំខាន់បន្ថែមទៀតទៅកាន់បងៗកងកម្លាំងជួរមុខ និងជនភៀសសឹក។

ក្រុមហ៊ុនអ័រគីដេ និង អ្នកភូមិអ័រគីដេផ្លូវ២០០៤
បាននាំយក អំណោយមនុស្សធម៌ជូនដល់វីរកងទ័ពជួរមុខ និងបងប្អូនភៀសសឹក។
ពីថ្នាក់ដឹកនាំ បុគ្គលិកគ្រប់ជាន់ថ្នាក់ និងអ្នកភូមិអ័រគីដេផ្លូវ២០០៤ នៅតែបន្តជួយជាកម្លាំង ជាសម្ភារៈ ឈរជាមួយបងប្អូនយើង ហើយប្តេជ្ញាជានិច្ចក្នុងការបម្រើប្រទេសរបស់យើង។
#JusticeForCambodia
#RespectCeasefireAgreement
#Cambodianeedpeace