#qabul

Xalq bilan ochiq muloqot: muammoga yechim uni eshitishdan boshlanadi

Odamlarni tinglash, ularning dardi va tashvishlarini chuqur anglash, muammolariga amaliy yechim topish — bugungi davlat siyosatining muhim va ustuvor yo‘nalishlaridan biridir.

Toshkent viloyati hokimi Zoyir Mirzayevning viloyat Xalq qabulxonasi binosida o‘tkazilgan navbatdagi kengaytirilgan qabuli ayni shu maqsadga qaratildi.

Unda viloyatning tegishli soha rahbarlari, tuman va shahar hokimlari, boshqarma va tashkilotlar rahbarlari, bank hamda moliya muassasalari mas’ullari ishtirok etib, fuqarolarni bevosita hamda videokonferensaloqa orqali qabul qildilar.

Qariyb 7 soat davom etgan ochiq muloqotda 300 nafardan ortiq fuqaroning uy-joy, yer munosabatlari, bandlik, tadbirkorlik, elektr ta’minoti, yo‘l infratuzilmasi, ijtimoiy himoya va boshqa masalalarga oid murojaatlari ko‘rib chiqildi.

Eng muhimi, qabul jarayonida 100 ga yaqin murojaat joyida, tegishli soha mas’ullari ishtirokida hal etildi.

Fuqarolarning murojaatlarini ortga surmasdan, imkon qadar shu yerning o‘zida yechim topishga alohida e’tibor qaratildi.

Qo‘shimcha o‘rganishni talab qiladigan masalalar yuzasidan ishchi guruhlar shakllantirilib, ularni joyiga chiqqan holda o‘rganish, muammolarning kelib chiqish sabablarini aniqlash va amaliy yechim ishlab chiqish bo‘yicha aniq vazifalar belgilandi.

Shuningdek, topshiriqlar ijrosini nazorat qilish, murojaatlarni shunchaki ko‘rib chiqish bilan cheklanib qolmasdan, har bir masala bo‘yicha yakuniy natijaga erishish zarurligiga alohida e’tibor qaratildi.

Darvoqe, fuqaro o‘z murojaatiga befarq qaralmaganini, muammosi ortidan mas’ullar kelib, uni hal etishga harakat qilayotganini ko‘rsa, davlat e’tiborini amalda his qiladi.

Qabul yakunida mas’ullarga fuqarolar murojaatlarida ko‘tarilgan masalalarni manzilli va natijador hal etish, belgilangan vazifalarning o‘z vaqtida va sifatli bajarilishini ta’minlash yuzasidan tegishli ko‘rsatmalar berildi.

✅Telegram 🌐Website 📹YouTube✅Facebook 🕊Twitter🌐Instagram

Samarqandda “C5+1”: mintaqaviy hamkorlik va yangi istiqbollar

Bugun Samarqand shahrida “C5+1” formatidagi tashqi ishlar vazirlari uchrashuvi bo‘lib o‘tdi. Unda mintaqaviy hamkorlikni mustahkamlash, savdo-iqtisodiy va investitsiyaviy aloqalarni rivojlantirish masalalari muhokama qilindi.

Tadbir doirasida Prezidentimiz Shavkat Mirziyoyev Turkmaniston Vazirlar Mahkamasi Raisi o‘rinbosari – tashqi ishlar vaziri Rashid Meredov, Qozog‘iston tashqi ishlar vaziri Muxtar Tleuberdi, Qirg‘iz Respublikasi tashqi ishlar vaziri Jeenbek Kulubayev hamda Tojikiston tashqi ishlar vaziri Sirojiddin Muhriddinni qabul qildi.

Muloqotlarda yaxshi qo‘shnichilik, strategik sheriklik va ittifoqchilik munosabatlarini mustahkamlash, oliy darajada erishilgan kelishuvlarni amalga oshirish masalalariga alohida e’tibor qaratildi.

Shuningdek, o‘zaro savdo va yuk tashish hajmining ortib borayotgani, sanoat, energetika, transport, qishloq va suv xo‘jaligi sohalarida qo‘shma loyihalar amalga oshirilayotgani qayd etildi. Hududlararo hamda madaniy-gumanitar aloqalarni yanada kengaytirish muhimligi ta’kidlandi.

🕊Telegram 📸Instagram 📺YouTube 🌍 Linkedin 🌍Veb sayt

🇺🇿🇺🇿🇺🇿🇺🇿🇺🇿

Piskentda 160 nafar yoş iştirokida ochiq muloqot ötkazildi

Yoş bandligini ta’minlaş, ularning taşabbuslarini qöllab-quvvatlaş, muammolarini örganis va har bir yoş uçun munosib imkoniyatlar yaratiş maqsadida Piskent tumanida keng qamrovli oçiq muloqot taşkil etildi.

Unda Toshkent viloyati hokimining birinchi örinbosari O. Tursunov, viloyat hokimining örinbosari O. Sultonbekov, Piskent tumani hokimi M. Aripov, Piskent tumani Içki ishlar bölimi boşliği hamda Toshkent viloyati Soliq boshqarmasi boşligining birinçi örinbosari R. Tursunboyev istirok etdi. Oçiq muloqotga jami 160 nafar yosh jalb qilindi.

🕊Telegram 🌐Facebook 📱Instagram 📺YouTube