2026–2027 оқу жылына дайындық бөліміне құжат қабылдау басталды.

📌 Құжаттарды қабылдау: 5 тамыз – 5 қыркүйек
💬 Сұхбаттасу: 10–15 қыркүйек

Қазақстанда білім алуға ниетті шетелдегі этникалық қазақтарды дайындық бөліміне шақырамыз!

Толық ақпаратпен танысып, ЖОО тізімін қарау үшін жылжытыңыз 👉

@otandastar

Қандастан алғыс

Ангомма Садыққызы 2020 жылы Ауғанстанның Мазаршариф қаласынан Қазақстанға қоныс аударған. Бүгінде Шымкент қаласында тұрады, медицина саласының маманы.

Туысқандарына әлеуметтік көмек алу мәселесімен «Отандастар қорының» Фронт-офис сарапшысы Рысбеков Бегалыға хабарласқан.

Қандасымыз қолдау көрсеткені үшін Отандастар қорына алғыс білдіреді.

@otandastar

Құрылтай сайлауы: 61 мемлекетте 79 сайлау учаскесі құрылды

Құрылтай депутаттарын сайлауға шетелде жүрген азаматтарымыздың конституциялық құқықтарының жүзеге асырылуын қамтамасыз ету мақсатында Қазақстанның шетелдегі мекемелері жанынан 61 мемлекетте 79 сайлау учаскелері құрылды. Бұл туралы Сыртқы істер министрінің орынбасары Арман Исетов хабарлады, деп жазады Egemen.kz.

Тіркелген сайлаушылардың жалпы саны – 11 402 адам.

Сағат 08:00-дегі жағдай бойынша шетелде 26 сайлау учаскесі ашылды. Алғашқы болып дауыс беруді Токио мен Сеул қалаларындағы отандастарымыз бастады (Астана уақытымен сағ. 03:00-де).

@otandastar

Қандастан алғыс

Жазира Арыстанбекова 2004 жылы отбасымен бірге Өзбекстанның Жизақ облысынан Түркістан облысы, Ордабасы ауданына қарасты Шұбарсу елді мекеніне көшіп келген. Қазір ол – Қазақстан Республикасының азаматы, көпбалалы ана.

Жазира Арыстанбекова ұзақ жылдар бойы ата-енесімен бірге Қазақстан азаматтығын рәсімдей алмай жүргенін айтып, «Отандастар қорының» фронт-кеңсесіне көмек сұрап жүгінген. Қоғам мамандары отбасының құжаттарын ретке келтіруге көмектесті. Сонымен қатар, енесінің мүгедектігі бар балаларды тәрбиелеп отырғанын ескеріп, «Харекет» қорына хабарласып, отбасының Шұбарсу елді мекенінен баспана алуына ықпал етті. Жергілікті әкімдік тарапынан отбасы отын және сумен қамтамасыз етілді. Бүгінде отбасының құжаттары реттеліп, балалары мемлекет тарапынан тағайындалған әлеуметтік көмекті алып отыр.

@otandastar

«Бұл саяхат тарихи Отаныммен терең рухани байланысты сезінуге мүмкіндік берді».

«Бір Қазақстан – мың оқиға» жобасының кезекті кейіпкері – Ресейдің Самара қаласынан, «Самара қазақтары» қоғамдық ұйымының басқарма төрайымы Айгүл Жалелова.

Алматы облысына сапары барысында ол Шарын шатқалы мен Қара шатқалды аралап, қазақ даласының қайталанбас табиғатын тамашалап, ұлттық дәстүрлерімізбен жақынырақ танысты.

Сіз де Қазақстанға жасаған сапарыңыздан бейнеролик түсіріп, бізге жолдаңыз! Бәлкім, «Бір Қазақстан – мың оқиға» жобасының келесі кейіпкері өзіңіз боларсыз! ✨

📢: Жоба кейіпкерінің оқиғасы “Отандастар қоры” қызметкерімен дыбысталған

@otandastar