БАҚ: Украина дрондары екі күн бұрын «Дорогобуж» химиялық кешеніне соққы жасады. Кешен жарылғышқа арналған қосындыларды шығарады. Бүгін сол операцияның мән-жайы толық белгілі болды. Шабуылдан зауыт толық істен шыққаны айтылуда. Соққы салдарынан 7 адам қаза тапқан, 10 адам жарақат алған.

Израиль әскері Ливандағы “Хезболла” күштеріне соққы жасауда.

БАҚ: Пәкістан мен Ауғанстан арасындағы шекаралас аймақта қиян-кескі шайқас басталды. Пәкістан әскері Ауғанстан аумағына ұшақтармен соққы жасаған. Ал тәлібтер бронды техниканы шекараға жақындатып, ұрыс салуда. Тараптар бір-бірін артиллерия, миномет, пулеметтермен атқылап жатыр.

Пәкістан мен Ауғанстан (тәлібтер) арасында шекара маңында шайқас жалғасуда. Екі тарап та қарсыластың ондаған сарбазын жойғанын айтуда.

Кабул соққы астында: Пәкістан операциясы туралы не белгілі?

Пәкістанның әуе соққысынан кейін Кабулда Ауғанстан президенті сарайының маңында атыс басталды. Соққылар талибтердің әскери нысандарына бағытталған.

Пәкістанның PTV телеарнасының мәліметінше, 72 ауған әскери қызметкері қаза тауып, тағы 120-сы жараланған. Оқ-дәрі қоймасы мен 30-дан астам техника бірлігі жойылғаны хабарланды.

Соққылар астанадан бөлек Қандағар, Пактия және Нангархар провинцияларындағы нысандарға да жасалған.

Ауған тарапы шекарадағы ұрыстарда 55 пәкістандық әскеридің қаза тапқанын, 11-і жараланғанын және 19 блокпосттың басып алынғанын мәлімдеуде.

Пәкістан Қорғаныс министрі Хаваджа М. Асиф талибтерді террористерге қолдау көрсетті және Үндістанның мүддесі үшін жұмыс істеді деп айыптады.