Ирандағы мемлекеттік телеарна жүргізушісі эфирде Аятолла Әли Хаменеидің өлімін жылап хабарлады. Кадр сыртында оператордың да жылағаны естіледі.

Израиль мен АҚШ Тебриздегі әуежайға соққы жасады.

Путин Пезешкианға хат жазып, көңіл айтты. “Аятолланың қазасы үлкен қайғы, біз оны ұлы мемлекеттік қайраткер ретінде ұмытпаймыз” дейді.

Иранның Кум қаласындағы Жамқаран мешітінде “кектің қызыл туы” көтерілді. Бұл “кек аламыз” деген мағынаны білдіреді.

Бұған дейін Иранда қаралы қара ту көтерілген еді…

Иранның бұрынғы президенті Махмуд Ахмадинежадтың қаза тапқаны айтылуда. Кеше зымыран соққысының астында қалған дейді ақпарат көздері.

БАҚ: Иран АҚШ-тың Abraham Lincoln ұшақтасушысына қарай 4 зымыран атқанын айтуда.

БАҚ: Израиль Иранның жойғыш ұшақтары тұрған базаларға соққы жасаған. Ұшуға дайын тұрған ұшақтарды және ангарларды соққы астына алған.

Абу-Дабидегі француз теңіз-әскери базасына соққы жасалды. Шабуылды Иран жасағаны айтылуда.

Хуситтер Иран мен Газаны қолдап ауқымды митинг өткізуде.

Иран БАӘ-ге тиесілі мұнай бұрғылау платформасына соққы жасады. Платформада өрт шыққан.