Иранның бұрынғы президенті Махмуд Ахмадинежадтың қаза тапқаны айтылуда. Кеше зымыран соққысының астында қалған дейді ақпарат көздері.

БАҚ: Иран АҚШ-тың Abraham Lincoln ұшақтасушысына қарай 4 зымыран атқанын айтуда.

БАҚ: Израиль Иранның жойғыш ұшақтары тұрған базаларға соққы жасаған. Ұшуға дайын тұрған ұшақтарды және ангарларды соққы астына алған.

Абу-Дабидегі француз теңіз-әскери базасына соққы жасалды. Шабуылды Иран жасағаны айтылуда.

Хуситтер Иран мен Газаны қолдап ауқымды митинг өткізуде.

Иран БАӘ-ге тиесілі мұнай бұрғылау платформасына соққы жасады. Платформада өрт шыққан.

АҚШ Иранға қарсы операция барысында 3 сарбазының қаза тауып, бесеуінің жарақат алғанын айтты.

Пәкістан мен Ауғанстан арасында да атыс болып жатыр…Ақпарат үшін жазып қоялық. Оларға назар аударып жатқан ешкім жоқ сияқты…

БҰҰ басшысы Антониу Гутерриш кешелі-бері “Әй, жігіттер! Қойыңдар-ей, қойыңдар-ей!” деп бірнеше мәлімдеме жасады.

Гутерриштің сөзіне өзге тұрмақ, өз әйелі мен балалары да құлақ аспайтын сияқты…

💥Бұл суреттегі адам Әлиреза Арафи деген адам.

Қазір Хаменей қазасынан соң Аятолла статусын алды және Иранның уақытша билігіне жауапты үштіктің құрамына енді.

Қарапайым тілмен айтсақ: Хаменейден кейінгі Аятолла осы болды (уақытша).

Аятолланың өлімінен кейін, Ирандағы толық билік үштіктің қолына өтеді. Яғни президент, Жоғары сот басшысы және Сақшылар корпусының бір діни қызметкері елді уақытша басқарады.

Иранның Тебриз аймағы да жаппай соққыға ұшырауда. Әскери қоймалар, жерасты зымыран ату шахталары негізгі нысанаға айналған.

Трамп Иранға қарсы әскери операцияның өте сәтті жүріп жатқанын айтты. Ол бір соққымен, 48 басшының көзін жойдық дейді. Егер соққы жасамасақ, Иран екі аптада ядролық қаруға қол жеткізер еді деп отыр.