Иран: “Бүгін Нетаньяхудың офисіне соққы жасадық. Оның қазіргі тағдыры белгісіз”.

Иран Бахрейндегі АҚШ-тың базасына соққы жасау барысында спутниктік барлау терминалы мен әскери қойманы жойған.

БРИКС-тан не хабар? Иран толыққанды мүшесі ғой. Мәлімдеме жасалды ма? Бірақ БАӘ де мүшесі. Оны Иран атқылап жатыр. Сонда не болды?…

БРИКС-тың ортақ валютасынан хабар бар ма?…

Израиль. Беэр-Шева. Зымыран түсті.

Оман жағалауында танкерге зымыран тиіп, өрт шықты. Бір адам қаза тапқан. Ақпарат көздері танкерді Иранның атқылағанын жазуда.

АҚШ Кувейтте 3 ұшақтың құлағанын растады. F-15E ұшақтарын қателесіп атып алғаны айтылуда.

Ливан билігі екі жыл бойы президент таңдай алмап еді. Өйткені Парламентте партиялар келісе алмады. Келісе алмаған себебі, партиялар діни және ұлттық сипат бойынша бөлініп алып, қажетті дауысты жинай алмады. Сөйтіп елді екі жыл үкімет басқарды, бірақ ол Ливанның дамуын тежеді. Халықаралық келісімдер толық жасалмады. Осы дағдарыстың себебін сарапшылар діни, ұлттық партиялардың өзара қырқысынан деп түсіндіреді.

Тағы бір оқиға. Украинада «ОПЗЖ» деген партия болды. Соны Виктор Медведчук басқарды. Бірақ Ресейден қаржыландырылып отырды. Ол ресейлік саясатты насихаттады. Кейін партияны сол бағытқа бұрды. Соғыс басталған кезде Украина оны тұтқындады. «Медведчук елде төңкеріс жасап, ресейшіл билікті әкелмек болды» деп айыптады. Артынша Украина едел-жедел партияларды сырттан қаржыландыру жүйесін қайта қарай бастады.

Айта берсе мысалы көп. Қазіргі ұсынылып отырған Ата заң жобасында мынандай бап бар: «Басқа мемлекеттің саяси партиясы мен кәсіптік одағының, діни негіздегі саяси партияның қызметіне жол берілмейді, сондай-ақ саяси партия мен кәсіптік одақты шетелдік заңды тұлғаның, шетел азаматы мен азаматтығы жоқ адамның, шетелдік қатысуы бар заңды тұлғаның, шет мемлекет пен халықаралық ұйымның қаржыландыруына жол берілмейді», - деп жазған. Бұл төбедегі айтылғандай көптеген қауіпті ескере отырып, жасалған қадам деуге болады. Дұрыс бап.

Осыны сынап жатқан кейбір діни адамдар бар. «Діни партия неге болмайды» дегендей айтуда. Кез келген діни партия мемлекеттің зайырлы принципіне қайшы ғой, оның үстіне мемлекеттік саясатқа да діннің терең араласуына ықпал етер еді. Бұл сыртқы саясатқа да әсер ететіні анық. Сол үшіне де тыйым салынып отыр.

Қазақстандағы партияларды Қазақстанның азаматтары басқаруы тиіс. Қаржыландыру көздері де сырттан емес, іштен болуы шарт. Діни сипаттағы партиялардың ашылуына да тыйым салынғанын түсінуге болады. Әлемдік тәжірибеде көптеген мысал бар ғой. Алыс бармай жаңағы Ливан соның бір мысалы.

Пәкістан Ауғанстандағы ірі қару қоймаларын жойғанын айтты. Олар да соғысып жатыр негізі.

Иран Катардың Рас-Лаффандағы мұнай өңдеу зауытына соққы берді!

Рас-Лаффан — Катардың сұйытылған табиғи газ (СТГ/LNG) экспортының жүрегі. Бұл соққы әлемдік газ және мұнай бағасының күрт өсуіне әкеп соғуы әбден мүмкін.

Қазақстан Республикасы Сыртқы істер министрлігінің Ресми өкілі Ерлан Жетібаевтың мәлімдемесі.

Соңғы қайғылы оқиғалар салдарынан бейбіт тұрғындардың, оның ішінде балалардың, сондай-ақ Ислам Республикасының жоғары басшылығы өкілдерінің қаза болуына байланысты Иран халқына қайғырып көңіл айтамыз.

Қазақстан достық пен жан-жақты ынтымақтастық қатынастарын дәйекті түрде дамытып келе жатқан және Иранға қарсы соғысқа қатыспайтын араб мемлекеттерінің азаматтық нысандарына жасалған соққыларға байланысты өкініш білдіреді.

Халықаралық гуманитарлық құқық нормаларын сақтау қарулы қақтығыстар кезінде азаматтық нысандар мен бейбіт халықты ерекше қорғауды талап етеді. Қазақстан Халықаралық гуманитарлық құқыққа саяси бейілділікті күшейту жөніндегі жаһандық бастаманы ұсынушылардың бірі ретінде қарулы қақтығыстар жағдайында адамгершілікті сақтаудың маңыздылығын атап өтеді.

Қазақстан халықаралық даулар мен қақтығыстарды халықаралық құқық нормалары мен БҰҰ Жарғысын қатаң сақтай отырып, тек саяси-дипломатиялық жолмен реттеу қажеттігі жөніндегі өзінің қағидатты ұстанымының өзгермейтінін растайды.

Өңірдегі зорлық-зомбылықтың одан әрі ушығуына жол бермеу мақсатында барлық тараптарды барынша ұстамдылық пен жауапкершілік танытуға шақырамыз.