Ресей Ровно қаласын атқылауда. Реактивті дрондармен шабуыл жасауда.

Украина реактивті дрондарды қағып түсіретін дронқаққыштарды қолдана алмай жатқанын айтуда. Өйткені Starlink жылдамдығы 160 шақырымда шектеулі тұр.

БАҚ: АҚШ түнде Украинаға Ресейдің баллистикалық шабуылы жайлы кезекті мәрте ескерткен жоқ.

БАҚ: Демократтар Конгрессте басымдыққа ие болса, Трампқа қатысты бірнеше тексеріс өткізбек. Қор нарығын құбылту арқылы жеке пайда табу, сыртқы саясатта АҚШ-тың мүддесіне қайшы әрекеттер жасау, “Эпштейн ісі” бойынша жариялымдарды толық жарияламау себебін анықтау және басқа.

Венгрияда Петер Мадияр мен Виктор Орбан арасындағы "айқас" күшейді. Петер Мадиярдың сөзінше, Орбан оппозиция өкілдерін билікке қарсы қарулы көтеріліс жасауға үндеген. Ал Орбан бұл мәлімдемені жоққа шығарып, "менің сөзімді бұрмалап тұрсың" деді. Мадияр "қарулы көтеріліс жасаудың жазасы 5 жылдан бастап өмір бойына дейін сотталуға әкелмек" деп сес көрсетті.

Айтпақшы, Трамп кеше Зеленскийді айыптап, тағы да табақтай етіп пост жазды. "Мен соғысты аяқтау үшін барымды салудамын. Ресей қазір Иранға көмектесіп жатқан жоқ. Есесіне әлемге арзан дизель шығаруда. Осы сәтте Зеленский Ресейдің МӨЗ-дерін соққылап, дизель бағасын шарықтатып жіберді. Бұл әлемге, АҚШ-қа зиянды әрекет. Жалпы Зеленский соны біле тұра өз әрекетін жалғастыруда. Зеленский соғысты аяқтағысы келмейді. Ешқашан аяқтауды ойламаған да болар. Ол осыдан екі жыл бұрын өзіне тиімді шарттармен соғысты аяқтай алар еді, олай етпеді. Мен соғысты аяқтауды қалаймын", - деді қысқасы.

WSJ: Путин Трамппен телефон арқылы сөйлескен сәтте, үш жақты саммит өткізуді ұсынды. Яғни, АҚШ, Қытай және Ресей арасындағы саммит. Саммитті 18-19 қарашада, Қытайда өтетін АТЭС жиыны аясында ұйымдастыруға болады дейді. Сарапшылар осы жиында Путин Украинадағы соғысты өзіне тиімді шартпен аяқтау жолдарын ұсынбақ деп топшылауда. Әзірге саммиттің өту/өтпеуі нақтыланған жоқ. Алайда тараптар бұл мәселе бойынша келіссөздер жүріп жатқанын растауда.