Бір қызығы осы оқиғаны Трамптан басқа ешкім айтқан емес. Үнемі Трамп айтады.

Әкелеріміз бас қосса, “баяғыда армияда болғанда” деп бастайтын, мың рет қайталайтын әңгімелері бар. Мынау да сол жанрға ұқсас сияқты…

Трамп: “Соғыс басталардан бір күн бұрын Украинада бұрын-соңды болмаған нөсер жауды. Жер лай болды. Батпаққа айналды. Сол себепті танктер балшыққа батты да қалды. Мен бұл жайлы айтып па едім?!”, - дейді.

Украин барлауы: Ресейдің әскери қорында 700-ге жуық баллистикалық зымыран, бірнеше мың қанатты зымыран және мыңдаған дрондар бар.

Трамптың рейтингі құлдырауын жалғастыруда.

Ақпарат көздері “Конгресс сайлауы қарсаңында дәл осындай төмен рейтингке ие болған президент соңғы 85 жылда болған емес” дейді.

Италия премьері Мелони Миланға әскер кіргізді.

Италия үкіметі наразылық акциялары барысында 200-ден астам тәртіп сақшысы жараланғанын айтты. Жалпы 350-ге жуық адам ұсталды, оның тең жартысы шетел азаматы болып шыққан.

Үкімет келтірілген шығынды бұзақыларға төлетпек. Егер дүкенді немесе басқа нысанды өртеген адам кәмелеттік жасқа толмаған болса, онда шығынды оның ата-анасы төлейтін болады. Бұзақылар 20 мың еуро айыппұл арқалайды немесе 5 жылға соттау жазасына кесілетінін де айтты.

Норвегияда кеше Украина делегациясымен келіссөз өткізген Трамптың арнайы өкілі Уиткофф Петерборға ұшып келді. Ол Путинмен кездеспек.

ОҚ ТАУСЫЛДЫ…

Франциядағы Лимож қаласының мэрі Гийом Герен бұзақылардың тарихи ғимаратты қалай өртегенін айтып берді.

“Мына кадрларды барлық адам көруі тиіс. Әсіресе сот процесін жүргізетін соттар да көрсін. Өйткені сот процесі міндетті түрде болады. Мен қазір өз елім үшін ұялып тұрмын. Сол күні, сағат 15:35-те полицияның оғы таусылды. Полиция резеңке оқты жаудыра отырып, 500-700 адамның шабуылынан кері шегінді. Олар Республиканы жек көретін, мемлекеттік институтты құртуды аңсайтындар тобы еді. Сенбі күні мемлекет Лиможда әлсіздік танытты. Мемлекет наразы топты көшелерде тоқтатуы тиіс еді, олай етпеді. Бұл өрттің алдын алуға болар еді. Егер полицияда резеңке оқтар жеткілікті болғанда, көзден жас ағызар газ болғанда, оларды тоқтатар еді”, - дейді мэр.

Ол мемлекет о баста қала көшелеріне әскер кіргізуі тиіс еді деген ойда.