CBS News: АҚШ-тың әскери қолбасшылығы Трампқа Иранға соққы жасауға дайын екенін айтты. Пентагон осы демалыста шабуылды бастауға толық дайын болмақ. Трамп әзірге нақты шешім қабылдаған жоқ.

Х(Туиттер) әлеуметтік желісі талқылап жатқан туынды. Қытайлық Seedance 2.0 от ByteDance нейрожүйесі арқылы бір күнде жасалған мини-фильм екен. Көп тұста қазіргі таңда бар әртістердің кейпін рұқсатсыз қолданғаны айтылуда.

“Бұрын адамдар айлап уақыт құртатын өнімдерді, ЖИ әп-сәтте жасауда. 5 жылда адамзаттың өмірі қатты өзгереді”, - дейді сарапшылар.

Президент Тоқаев АҚШ-қа барды. Трамптың ұйымдастыруымен “Бейбітшілік кеңесінің” ресми алғашқы отырысы өтпек. Кеңеске мүше елдер қатысады.

Осы сәтте The National Interest-ке Қазақстан президентінің мақаласы шықты. Мақалада Қазақстанның АҚШ-пен әріптестікті кеңейтуге мүдделі екені, Трамптың Газадағы соғысты тоқтатып, бейбітшілікті орнатуға талпынып жатқанын қолдайтынын айтқан.

Қазақстан мен АҚШ түрлі салада әріптестікті арттыруға тырысатын болады дейді. Стратегиялық маңызға ие байланыстарды арттырудың маңыздылығы да қамтылған.

Жалпы АҚШ-пен қатынасты арттыру керек. Әсіресе жоғары технология, инвестиция бойынша байланысты күшейтіп, нақтылы келісімдер жасасу маңызды. Қазақстанның бұл тұрғыдан мүмкіндігі бар. Трамптың “Бейбітшілік кеңесі” мен “Ибраһим келісімдеріне” қосыла отырып, инвестициялық жобаларды да алға жылжытуға болады дейді сарапшылар.

Мысалы АҚШ-тың Cove Capital инвесткомпаниясы бізде вольфрам өңдеуді бастайды. Бұл жобаға біздің көршілер қызыққан еді. Алайда АҚШ-пен келісім жасалды дегендей.

WSJ: АҚШ 2003 жылы Иракқа соғыс ашқан кезеңнен кейінгі ең ауқымды армадасын Таяу Шығысқа топтастырды. Жүздеген ұшақ, жүздеген зымыран мен ондаған кеме аймаққа келіп жетті. Бұл күш соғыс басталса бірнеше апта бойы Иранға үздіксіз соққы жасауға жетеді.

Балқашта апатты деп танылған үйдің бір қыры опырылып түсіпті. Үй тұрғындары бірнеше күн бұрын эвакуацияланған екен. Видео Qumash арнасынан.

БАҚ: Оңтүстік Кореяның бұрынғы президенті Юн Сок Ель өмір бойына сотталды. Ол мемлекетте төңкеріс жасамақ болды деп айыпталды.