FT: Венгрия Украинаға ЕО атынан берілуі тиіс 90 млрд еуро несиені бұғаттап тастады. Соңғы сәтте Венгрия басшысы Орбан шешімін өзгертіп, Киев пен ЕО-ға соққы жасады.

Бұл ақшаға Украина 2026-2027 жылғы бюджетін жасақтап, әскери қажеттілігін өтемек еді. Киев бұл қаржыға сенім артқан болатын. Алайда енді Украина қиын жағдайда қалды. Венгрия 24-ші ақпанға жақын қалған сәтте, шешімге қарсы вето құқығын қолданды.

Соңғы айларда Орбан Украинаға қарсы әрекетін күшейтті. Киевті “басты жауымыз” деп атады. Жанармай беруді соңғы күндері тоқтатып тастады. Енді қаржыға вето қойып отыр.

Ақпарат: Түркия Tayfun Block
-4 зымыранын жаппай өндіруді бастайды. Block-4 нұсқасы 1000 шақырымға дейін ұшады деп болжануда.

Трамп соңғы наразылық акцияларында Иран билігінің 32 мың адамды өлтіргенін айтты және “Тегеран жылдам келісімге келуі керек” дейді.

Қиын жағдайдағы Кубаға гуманитарлық көмек жеткізу үшін халықаралық бір топ белсенділер бірігіп, Кубаға флотпен аттанбақ. Флоттың Кубаға аттануын Грета Тунберг қолдады және жарнамалауға дайын екенін айтты. Алайда өзі Кубаға аттануға ниетті емес. Флот 21-наурызда Куба жағалауына жетуі тиіс.

Грета бұған дейін Газаға екі мәрте аттанған еді. Екі жорығы да сәтсіз аяқталды…

Трамп әлемдегі барлық елге қосымша 10 пайыз тариф енгізді. Тарифтер 24-ақпан күні, сағат 12:01-де күшіне енеді.

Жәнібек Әлімханұлының титулына қатысты шешім шықты.

World Boxing Organization орта салмақтағы әлем чемпионы, қазақстандық Жәнібек Әлімханұлын мельдонийге тапсырған допинг сынамасы оң нәтиже көрсеткеннен кейін бір жылға дисквалификациялады. Дегенмен оның чемпиондық титулы сақталды.

Дисквалификация мерзімі ішінде қазақстандық боксшыға кез келген кәсіби және өзге жекпе-жектерге қатысуға тыйым салынады.

Ақпарат: Baq.kz

“Қоғамдық пікір” зерттеу институты ұсынылып отырған жаңа конституәия жобасы бойынша зерттеу жүргізіп, нәтижесін жариялады.

18 жастан асқан 1200 респонденттің қатысуымен жүргізілген телефондық сауалнама нәтижелері белгілі болды дейді. Зерттеу еліміздің 20 облысы мен республикалық маңызы бар 3 қаласын қамтыған екен.

Азаматтардың басым бөлігі жоба мазмұнымен белгілі бір деңгейде таныс немесе ол туралы естіген дейді сарапшылар. Сұралғандардың 22,5%-ы жаңа Конституциямен таныс емес екенін айтқан.

Жалпы алғанда Конституциямен қандай да бір деңгейде таныс респонденттердің 78,8%-ы құжатты қолдайды, оның ішінде 31,7%-ы толық қолдайтынын білдірсе, 47,1%-ы көбіне қолдайтынын атап өткен деген қорытынды шығарыпты.

Халық арасында ең көп талқыланатын үш негізгі тақырып келесідей дейді:      1. Азаматтардың құқықтары мен бостандықтары – 35,3%;      2. Әлеуметтік кепілдіктер (білім беру, денсаулық сақтау, зейнетақы) – 29,5%;      3. Экология мәселелері – 18%.

Сонымен қатар білім мен ғылым саласына (17,3%) да айтарлықтай көңіл бөлінген.

Яғни азаматтардың қызығушылық құрылымы ең алдымен олардың әлеуметтік жағдайы мен өмір сапасына тікелей ықпал ететін нормаларға бағытталған екен.

«2026 жылдың 15 наурызында жаңа Конституцияны қабылдау бойынша референдум өтеді. Сіз оған қатысасыз ба?» деген сұраққа респонденттердің 71,4%-ы оң жауап берген. Оның ішінде 32,9%-ы сайлау учаскелеріне міндетті түрде келетінін нақты айтса, 38,5%-ы дауыс беруге қатысуының ықтимал екенін жеткізген дейді.

Осындай сауалнама жүргізіліпті. Нәтижесін жариялап жатыр.

CNN: Қытай құпия түрде ядролық қару сынағын өткізуде. 2020 жылы Қытай билігі кемі бір мәрте құпия түрде Лоп-Нур полигонында сынақ өткізген. Бейжің 1996 жылдан бері ядролық сынаққа мораторий жариялаған еді. Қытай әуеде бірнеше бөлікке бөлінетін ядролық оқтұмсықтар мен кіші қақтығыстарда қолданылатын тактикалық ядролық зымырандар жасауға тырысып жатыр. Бейжің бұл ақпараттарды жоққа шығаруда.

Әскери сарапшылар Украинаның түнгі соққыларын талқылап жатыр. Соның ішінде Удмуртияға жасалған шабуылды жазуда. Бұл аймақ Украина шекарасынан 1500 шақырымда орналасқан. Түнде Воткин зауытына соққы жасалған. Бұл зауыт «Тополь-М», «Искандер-М», «Орешник» сынды қаруларға маңызды бөлшектерді шығарады. Соққы «Искандер-М» зымыранын жасайтын цехке жасалған. 11 адам жарақат алған. (Кей ақпарат көздері бірнеше адам жоғалғандар қатарында дейді)

Мамандар шабуылдың немен жасалғанын сөз етуде. Бірі “Фламинго” десе, енді бірі жаңа реактивті ауыр дрондар дегенді айтуда.

Трамп: “Роналду, сен адамзат тарихындағы ең ғажап ойыншысың. Сен Америкаға керексің”, - деген сарындағы мәлімдеме жасады. Трамптың мәлімдемесі ресми Тик-Ток парақшасында жарияланды. Ол өз үндеуін “Бір ұлының екінші ұлыға үндеуі” деп жазыпты.

Бұған дейін Роналду қараша айында Трамптың арнайы шақыртуы бойынша кешкі аста құрметті қонақ болған еді.

Көпшілік Трамптың бұл жолғы үндеуінің астарында не жатқанын талқылауда. Көбі бір бөлігі АҚШ-та өтетін футбол чемпионатына байланысты үндеу дейді.

ВВС: Ресей әскерінің құрамында 1000-нан астам кениялық соғысуда.

Трамп: “Мен билікке әкелген Сирия президенті өз жұмысын жақсы атқаруда. Ол Сирияны біріктіріп жатыр. Кеше онымен телефон арқылы сөйлестім. Аш-Шараа Сирия түрмелеріндегі қауіпті лаңкестерді бақылап отыр”, - дейді.

БАҚ: Иранда тағы да халықтың наразылығы күшеюде. Тегеранда екі университет студенттері “Аятоллаға өлім” деп ұрандатып, тәртіп сақшыларымен қақтығысты. Ал елдің батысында бірнеше тұста толқулар байқалуда.