“Халисконың жаңа ұрпақтары” картелінің өкілдері әскерді тежеу үшін орманды алқаптарды және көлік тұрақтарын өртеуде.

Мексика билігі Халиско аймағының әуе кеңістігін уақытша жапты.

Билік қатаң шешім қабылдаған: “Қарсыласқанның бәрінің көзі жойылмақ” дейді арнайы жасақ өкілдері.

Ақпарат көздері “Халисконың жаңа ұрпақтары” картелінің өкілдері халықаралық әуежайға басып кіргенін айтуда. Әуежайда хаос басталған. Адамдардың бір бөлігі әуежайдан қашуға тырысса, енді бірі жасырынуға тырысқан.

БАҚ: Картель өкілдері қарымта соққы жасауда. Қылмыскерлер Халиско аймағындағы Ұлттық гвардия бөлімшесіне, түрмеге шабуыл жасап, бірнеше ойын-сауық орталығын өртеген.

Картель жасақтары жолды осылай бөгеуде. Көліктерді өртеп жатыр.

Мексика. Атыс-шабыс жалғасуда.

“Халисконың жаңа ұрпақтары” тобы - есірткі тасымалдау, қару-жарақ айналымы, бопсалау және басқа да ауыр қылмыстармен байланысты топ. Олар соңғы жылдары Мексикадағы ең ықпалды әрі қауіпті картельдердің біріне айналды.

Мексиканың әр түкпірінде әрекет етеді. Еуропа мен АҚШ-қа есірткі сатады. Ішкі нарықта заңсыз қару сатумен де айналысады.

Бұл қылмыстық ұйым әскери құрылымға ұқсас иерархиядан тұрады. Арнайы жасақтары да бар. Брондалған көліктерге, ауыр пулеметтер, камикадзе дрондарға ие. Ұйымға тікелей 1-3 мың адам мүше деген дерек бар. Ал жанама 10 мыңға дейін жетуі мүмкін дейді сарапшылар. Яғни, билік үшін осал қарсылас емес.