WSJ: Қытай мен Ресей Иран үшін АҚШ-пен қақтығысқа түсуге дайын емес!

Бейжің мен Мәскеу Тегеранмен экономикалық және дипломатиялық байланыстарын нығайтты, бірақ АҚШ президенті Трамп Иранға соққы беру туралы бұйрық берген жағдайда, тікелей әскери көмек көрсетуге аса дайындық танытқан жоқ. Бұл туралы The Wall Street Journal басылымы жазды.

Басылымның атап өтуінше:

Ресей мен Иран Оман шығанағында шағын әскери-теңіз жаттығуларын өткізді және Қытаймен бірлескен жаттығулар жоспарланған.

Алайда, бұл күш көрсету әрекеттері АҚШ-тың аймақтағы әскери қатысуының артуымен салыстырғанда өте қарапайым көрінеді.

Сарапшылардың пікірінше, Қытай да, Ресей де Иран үшін Вашингтонмен текетіреске түсуді тәуекел етпейді. Олар Тегеранмен байланыстарын прагматикалық және өзара тиімді деп санайды, бірақ Иран үшін соғыс бастауды көздемейді.

БАҚ: Польша әскері алдағы 5 жылда Еуропадағы ең қуатты әскерге айналады. Қазірдің өзінде Польша танк саны бойынша алға шықты.

Пентагон B-21 Raider стелс-бомбалаушы ұшақтарының өндірісін жылдамдату үшін қосымша 4,5 млрд доллар бөлмек.

Соғыс алдында ресейлік ақпарат көздері мен саясаткерлері, пропагандистері не айтты?…

АҚШ әскері Кариб аймағында тағы бір есірткі тасыған қайықты жойғанын айтты.

Ресей енді бүйдеп сайрауда...

Ресейдің Сыртқы барлау қызметі: «Лондон мен Париж Киевті ядролық бомбамен қаруландыруға дайындалып жатыр. Олардың элиталары жеңіліспен келісуге дайын емес. Украинаны «вундерваффемен» (ғажайып қарумен) қамтамасыз ету керек деп есептейді. Олар егер Киевтің иелігінде атомдық немесе тым болмағанда «лас бомба» болса, соғыс қимылдарын аяқтаудың неғұрлым тиімді шарттарына мүмкіндік туады деп есептейді», - деп мәлімдеді.

Ал Ресей Думасының спикері Володин: «Украинаға ядролық қару беру – қылмыс. Оның соңы ядролық соғыс болады. Сондықтан, Париж бен Лондонның бұл ойын мүлде болдырмау керек. Бұндай қадамға Мәскеу бірден қарсы әрекетететін болады», - деп ойбайлауда.

Reuters: Иран Қытайдан кемеге қарсы зымырандарды сатып алу бойынша келіссөз жүргізуде. Әңгіме 290 шақырымға ұшатын CM-302 зымыраны жайлы болып отыр. Бұл зымырандар Иранның теңіздегі қуатын арттырар еді. Зымыранды сатып алу бойынша келіссөздер екі жыл бұрын басталған, алайда соңғы уақытта келіссөз қарқыны артты.

АҚШ Кариб аймағынан шығып, қашуға тырысқан тағы бір танкерді басып алды. Пентагон танкерді Үнді мұхитында тоқтатқан.

Bertha танкері Кук аралдарында тіркеліп, Иранмен байланыста болған.

БАҚ: Израиль Ливан билігі мен “Хезболлаға” дипломатиялық арналар арқылы қатаң ескерту жасады. Егер “Хезболла” Израиль мен АҚШ-тың Иранмен ықтимал қақтығысына араласатын болса, Израиль Ливан аумағына жойқын соққы жасайтынын айтты. Нысана ретінде Хезболланың базаларынан бөлек, Бейрут әуежайы және басқа маңызды нысандарды атқылауы мүмкін.

Ресейде Telegram иесі Дуровқа қарсы қылмыстық іс қаралып жатыр. Оны “лаңкестікке ықпал жасады” деп айыптауда.

Иран СІМ-і: “АҚШ-пен келісімге жылдам арада келуге дайынбыз. Бейбітшілік қақтығыстан жақсы, ал диалог бәрінен жоғары тұруы тиіс”, - деп мәлімдеді.

Ресейдің ақпарат көздері кеше түнде Мәскеуде болған жарылыстың видеосын жариялауда. 22 жастағы жігіт полиция көлігінің алдына келіп, өзін жарып жіберген еді. Салдарынан бір полиция қызметкері мен шабуылдаушы қаза тапты. Тағы бір адам жарақат алды.