The Wall Street Journal: АҚШ Иранмен келіссөз барысында қатаң талаптар қоюда. АҚШ тарапы Ираннан Фордо, Натанз, Исфахан ядролық кешендерін толық жоюды, барлық байытылған уран қорын АҚШ-қа беруді, келісімді мерзімсіз етуді, Иран аумағында уран байытуды толық тоқтатуды талап етуде. Бұл талаптарды Иран орындаса, АҚШ кей санкцияны жеңілдетеді.

БАҚ: Щучинск қаласындағы “Палау орталығы” кафесінде жарылыс болып, 6 адам көз жұмды. Оннан астам адам жарақат алған. Жарылыс газдан болуы мүмкін.

Пәкістанның Қорғаныс министрі: «НАТО Ауғанстаннан әскерін әкеткен соң, тәлібтер ішкі тұрақтылыққа және халықтың жағдайына назар аударады деп ойладық. Алайда тәлібтер Ауғанстанды Үндістанның отары етті. Олар әлемнің барлық аймағынан лаңкестерді жинап алып, терроризмді экспорттауда. Өз халқын негізгі адами құқықтардан айырды. Ислам діні ұсынатын құқықтарды әйелдерден тартып алды.

Пәкістан аймақтағы тұрақтылықты қамтамасыз ету үшін тікелей және жанама үлес қосты. Ауқымды дипломатиялық белсенділік таныттық. Алайда тәлібтер Үндістанның қолындағы қуыршаққа айналды.

Бүгін Пәкістанға шабуыл жасалып жатқан сәтте, Жаратушының қолдауымен қарымтасын берудеміз. Бұған дейін Пәкістан тек жағымды рөл ойнады. Біз 50 жылдың ішінде Ауғанстаннан 5 млннан астам халықты қабылдадық. Қазірдің өзінде біздің жерімізде жүздеген мың ауғандық нанын тауып, күнін көріп жүр.

Шыдамның да шегі бар. Енді бұл ашық айқас. Енді біз нақты шешімдер мен әрекеттерге көшеміз. Пәкістан әскері мұхиттың ар жағынан келген жоқ, біз сендердің шынайы жағдайларыңды жақсы білеміз», - дейді.