Аятолланың өлгенін тікелей эфирде хабарлаған жүргізуші еңкілдеп жылап жіберді.

Аятолланың өлімінен кейін, Ирандағы толық билік үштіктің қолына өтеді. Яғни президент, Жоғары сот басшысы және Сақшылар корпусының бір діни қызметкері елді уақытша басқарады.

Ал мынау Катар аспаны. Түні бойы Иранның зымырандарын қағып тастаумен болды. Бірнеше зымыран әуе қорғаныс жүйесінен сытылып өтіп, соққы жасаған.

Ақпарат көздері Иранда бірнеше ірі тұлғаның қаза тапқанын айтуда. Олар:

Әли Шамхани — Ислам Республикасының Жоғарғы көшбасшысының қауіпсіздік мәселелері жөніндегі жеке кеңесшісі, Иран Қауіпсіздік кеңесінің хатшысы. Ол елдің қауіпсіздік саласындағы шешім қабылдаушы негізгі тұлғалардың бірі саналды.

Азиз Насирзаде — Иранның қорғаныс министрі. Сонымен қатар ол Иран Әуе күштерінің қолбасшысы және Қарулы күштер Бас штабы бастығының орынбасары сияқты бірқатар маңызды қызметтерді атқарған.

Мохаммед Пакпур — Ислам революциясы сақшылар корпусының (КСИР) бас қолбасшысы. Ол бұл қызметке 2025 жылдың маусым айында, 12 күндік соғыс кезінде өзінен бұрынғы басшы қаза тапқаннан кейін тағайындалды. Қаңтардағы наразылықты басып-жаншуда негізгі рөл ойнады.

Салех Асади — «Хатам әл-Анбия» барлау басқармасының (төтенше жағдайлар жөніндегі қолбасшылық) басшысы және Иран күштерінің Жоғарғы қолбасшылығының жоғары лауазымды барлау офицері болды.

Мохаммед Ширази — 1989 жылдан бері Иран Жоғарғы көшбасшысының Әскери басқармасының басшысы.

Хоссейн Жабал Амелиан — Қорғаныс инновациялары мен зерттеулер ұйымының (SPND) төрағасы. Бұл ұйым ұзақ жылдар бойы ядролық, биологиялық және химиялық қаруға қатысты жобаларды дамытумен айналысқан еді.

Реза Мозаффари— SPND-ның бұрынғы төрағасы, ядролық қару жасау бағытындағы бастамаларды ілгерілеткен тұлғаның бірі саналады.

Трамп: “Иран бүгін бұрын-соңды болмаған аса жойқын соққы жасайтынын айтуда. Алайда олай етпегендері жөн. Егер олар соққы жасаса, онда біз бұрын олар көрмеген деңгейде соққы жасаймыз”, - дейді.

The War Zone: АҚШ әскери операция ауқымын кеңейтіп, Иран аумағына B-2A Spirit ұшақтарымен жаппай соққы жасауы мүмкін.

Бахрейн астанасы Манаманың орталығындағы қонақ үйге соққы жасалды. Иран жіберген зымыранның қонақ үйге түскені айтылуда.

WSJ: Саудияның тақ мұрагері мен Израиль премьері Трампқа ұдайы қысымды арттырып, Иранға тезірек соққы жасауды талап етумен болған.

Fars: Аятолла Хаменейдің қызы, немересі, келіні, күйеу баласы қаза тапты.

Жалпы кейде керек кезде телефонға жауап бермейтіндер болады…

Ресейлік Z-арналардағы көңіл-күй…

БАҚ: Пәкістандағы АҚШ елшілігіне шабуыл жасау барысында онға жуық адам қаза тапты.

Иракта Иранды қолдайтын мыңдаған адам АҚШ елшілігіне жетуге тырысуда. Күштік құрылымдар наразы топқа көзден жас ағызар газ атып, резеңке оқтарды қолдануда.

Иранда қаралы ту тігілді. Ал Кум қаласында кектің қызыл туы көтерілмек.