АҚШ Иранға қарсы операция барысында 3 сарбазының қаза тауып, бесеуінің жарақат алғанын айтты.

Пәкістан мен Ауғанстан арасында да атыс болып жатыр…Ақпарат үшін жазып қоялық. Оларға назар аударып жатқан ешкім жоқ сияқты…

БҰҰ басшысы Антониу Гутерриш кешелі-бері “Әй, жігіттер! Қойыңдар-ей, қойыңдар-ей!” деп бірнеше мәлімдеме жасады.

Гутерриштің сөзіне өзге тұрмақ, өз әйелі мен балалары да құлақ аспайтын сияқты…

💥Бұл суреттегі адам Әлиреза Арафи деген адам.

Қазір Хаменей қазасынан соң Аятолла статусын алды және Иранның уақытша билігіне жауапты үштіктің құрамына енді.

Қарапайым тілмен айтсақ: Хаменейден кейінгі Аятолла осы болды (уақытша).

Аятолланың өлімінен кейін, Ирандағы толық билік үштіктің қолына өтеді. Яғни президент, Жоғары сот басшысы және Сақшылар корпусының бір діни қызметкері елді уақытша басқарады.

Иранның Тебриз аймағы да жаппай соққыға ұшырауда. Әскери қоймалар, жерасты зымыран ату шахталары негізгі нысанаға айналған.

Трамп Иранға қарсы әскери операцияның өте сәтті жүріп жатқанын айтты. Ол бір соққымен, 48 басшының көзін жойдық дейді. Егер соққы жасамасақ, Иран екі аптада ядролық қаруға қол жеткізер еді деп отыр.

Нетаньяху: “Иранға қарсы соққыларды алдағы күндері тек үдететін боламыз”, - деді.

Ақпарат: Иранның уақытша аятолласы Әлиреза Арафи болған ғимаратқа соққы жасалды. Арафидің тірі/өлісі әзірге белгісіз.

Бахрейнге тағы соққы жасалды…

Иран Ормуз бұғазы маңында үш танкерге шабуыл жасағанын айтты. Танкерлер АҚШ пен Ұлыбритания компанияларына тиесілі дейді.

АҚШ ұшақтары Иранның Чахбехар қаласындағы портқа соққы жасауда.

Тегеранға бүгін жасалған шабуылдан бір көрініс деседі…

Ирак, Эрбиль. АҚШ-тың базасына зымыран соққысы жасалды.

Трамп Иранның 9 үлкен кемесін жойдық дейді. Қалған кемелерін де жақында су түбіне жібереміз деп отыр.