Иран аймақтағы АҚШ-тың базаларына жаңа типтегі ауыр зымырандарды ата бастағанын мәлімдеді.

Ливан. Бейрут қаласына Израиль ұшақтары жойқын соққы жасауда.

Axios: Трамп бір жылдың ішінде бірнеше ел аумағына соққы жасауға бұйрық берген. Ол кемі 7 елге соққы жасауға бұйрық беріп, агрессивті ұстанымын көрсеткен.

БАӘ мен Катар Трампты Иран мәселесінде ымыраға келуге және операцияны тоқтатуға жасырын түрде көндіруге тырысуда — Bloomberg.

Бұл елдер аймақтық шиеленістің өршуін және энергия ресурстары нарығындағы ұзаққа созылатын баға дағдарысын болдырмау үшін жанжалды тезірек дипломатиялық жолмен реттеу мақсатында кең коалиция құруға күш салуда. Олар АҚШ президенті Дональд Трампты ымыраға келуге көндіру үшін одақтастардың қолдауына ие болуға жасырын әрекет етіп жатыр.

БАӘ мен Катар жедел түрде өздерінің әуе шабуылына қарсы қорғаныс (ӘШҚ) жүйелерін күшейтуге тырысуда. Дереккөздердің хабарлауынша, егер қазіргі қолданыс қарқыны сақталса, Катарда Patriot жүйелеріне арналған ұстап алушы зымырандардың небәрі төрт күндік қоры қалған.

Иран Ормуз бұғазын жапқанын айтты. Өткен кемелерге соққы жасаймыз дейді.

Парсы шығанағындағы елдер осы Ормуз бұғазы арқылы мұнай тасиды. Әлемнің 20 пайыз мұнайы осы жерден өтіп жатыр. Сәйкесінше, енді мұнай бағасы күрт өсуі тиіс…

БАҚ: Бағдатта түнде шииттік топтар АҚШ елшілігін басып алуға тағы әрекет жасады. Күштік құрылымдар оларды шегіндіріп тастады. Қаза тапқандар бар.

“Хезболла” Иранды қолдап, операцияға ресми қосылғанын мәлімдеді. Израиль аумағына дрон, зымыран жіберіп, минометтермен атқылап жатыр.

АҚШ Иранмен келісімге келу мүмкін емес деп тапты!

АҚШ президентінің арнайы өкілі Стив Уиткофф екінші кездесуден кейін-ақ Иранмен мәмілеге келу мүмкін емес деген қорытынды жасалғанын мәлімдеді.

Оның айтуынша:

Келіссөздер барысында Иран тарапы 60%-ға дейін байытылған 460 кг ураны бар екенін жасырмаған, тіпті мұны мақтанышпен жеткізген.

Бұл көрсеткіш 11 ядролық бомба жасауға жеткілікті екені айтылды.

Келіссөздердің үшінші кезеңі «соңғы талпыныс» болғанымен, ешқандай нәтиже бермеді.

Иран Израильдің бірнеше Hermes-900 дронын атып түсіргенін айтты.

Ирак. Түнде Эрбильдегі қонақ үйге және АҚШ базасына дрондармен соққы жасалды.

Мұнай бағасы ақырындап көтеріліп келеді. Brent 85 долларға жетті.