“Пентагон” мен бірқатар араб елдері украиндық антидрон дрондарды сатып алуға қызығушылық танытуда. Антидрондардың бағасы арзан, тиімділігі жоғары. Ал Таяу Шығыста АҚШ пен араб елдері қолданып жатқан әуе қорғаныс жүйелерінің зымырандары тым қымбат.

Аракчи Шри-Ланка маңында шабуылға ұшыраған Иран фрегатына қатысты айтты.

Ол фрегатта 130-дан астам сарбаз болғанын, халықаралық су айлағында ескертусіз шабуылға ұшырағанын айтып, АҚШ-ты бұл ісі үшін қатты өкіндіретінін айтты.

Ирандағы Бендер-Аббас портты қаласына бірнеше күн қатарынан соққы жасалуда. Бұл қалада Ирандағы ең ірі порт орналасқан.

Нахычеван әуежайы. Әзербайжан арналары кемі екі дрон соққы жасағанын айтуда.

Иран. Жерасты бункеріне соққы жасалған сәт.

Иран Катардағы АҚШ-тың Әл-Удейд базасына соққы жасады.

Кувейттегі қонақ үйге Иранның дроны соғылды. Иран тарапы қонақ үйде АҚШ-тың барлау қызметі өкілдері болғанын айтты.

Ирандағы жағдай ұзақ мерзімде Қазақстанға қауіп төндіруі мүмкін бе? Мәжіліс депутаттарының жауабын видеодан көріңіз

Песков: “Иран тарапынан бізге қандай да бір өтініш болған жоқ”, - дейді.

Ешқандай көмек сұраған жоқ дегені ғой…

Mehr агенттігі: Иранның әуе қорғаныс жүйесі АҚШ-тың F-15 ұшағын ел аумағында атып түсіргенін айтты.

Алматыда “Халық үні” тәуелсіз бақылаушылар тобы бүгін баспасөз жиынын өткізді. Тілшілер алдында атқарылған және атқарылатын шаралар жайлы айтып, “алдағы референдумның таза, әділ болуы маңызды” деп атап өтті. Олар ел аумағы бойынша бірнеше қалада, өңірде бақылаушылық жасамақ. Жиын барысында сайлау комиссиясы дауыс берудің ашық, әділ өтуіне мүдделі болу керектігін қадап айтқан.

Ирактағы порт маңында теңіз дроны мұнай танкеріне соғылды. Танкер отқа оранған.

Франция Таяу Шығысқа “Шарль де Голль” ұшақтасушысын жіберді. Бірнеше күнде аймаққа жетуі тиіс және қорғаныс миссиясын атқармақ.

The Sun: Кипрдағы Ұлыбританияның әскери базасына екі күн бұрын Иран дроны шабуыл жасаған еді. Дрон U-2 ұшақтары орналасқан ангарды тесіп өткен. Ангардың ішкі бөлігіне қаншалықты зақым келгені белгісіз.

Әзербайжан Президенті Ильхам Әлиев:

«Бүгін Иран тарапынан Әзербайжан аумағына, Әзербайжан мемлекетіне қарсы террорлық акт жасалды. Нахичеван Автономиялық Республикасының аумағы Иран мемлекеті тарапынан дрондарды қолдану арқылы атқыланды. Шабуылдың нысаналары азаматтық объектілер болды. Соққыға Нахичеван халықаралық әуежайы, оның терминалы, мектеп және басқа да нысандар ұшырады. Әзербайжан мемлекеті бұл лас террорлық актіні батыл түрде айыптайды. Оны жасағандар дереу жауапкершілікке тартылуы тиіс. Иран тарапы Әзербайжанға түсініктеме беріп, кешірім сұрап, кінәлілерді қылмыстық жауапкершілікке тартуы қажет!

Бұл дақ олардың лас бетінен ешқашан өшпейді. Дипломатиялық арналар арқылы барлық қажетті шаралар қабылданатын болады. Біздің Қарулы күштер — Қорғаныс министрлігі, Мемлекеттік шекара қызметі және барлық арнайы бөлімшелер толық жауынгерлік дайындық жағдайына келтірілді және кез келген операцияға дайын болуы тиіс», - деп мәлімдеді.