Қырғызстанда кең талқыланып жатқан видеоның бірі. Оқиға ақпан айында болған. Вебкам студияларды құрды деп айыпталып, сотталған Даниэль Ажиев есімді азамат түрмеден шыққан екен және оны тікұшақпен алып кеткен.

2024 жылы сот Ажиевті 9 жылға соттаған. Оны бірнеше айыппен кінәлі деп таныған еді. Оны ақпан айында Жапаров кешірген болатын.

Жапаров былай деген еді: “Ажиевтің анасы менің WhatsApp нөмірімді тауып алыпты. Маған звондады. Келінім төрт баламен қиын жағдайда, бір немерем мүгедек. Балама рақымшылық жасаңызшы деді. Жүрегім кең адаммын. Сол күні 75 сотталушыны кешірдім”, - дейді.

Айтпақшы, тағы былай деді: “Оның тікұшақпен ұшып шыққанын біліп, дереу қайта қондырдым. Сөйтіп ол көлігімен кетті”, - деген болатын.

Енді ақпарат көздері Ажиевті бүгін қайта ұстады деп жатыр. Қоғам шулап кетті ғой. Ұстаса ұстаған болар…

Жапаров WhatsApp нөміріне хабарласқанның бәріне жауап берсе, расымен “кең жүрек” екен…Менің көп танысым бөтен нөмір көрсе бірден блокқа жібереді ғой…

Венгрия мен Украина арасы тағы ушықты...

Венгрия Украинаның 7 адамын тұтқындады. Олар - «Ощадбанктің» жеті қызметкері.

Банк мәліметінше, автокөліктерде шамамен 40 млн доллар, 35 млн еуро және 9 кг алтын болған. Олар Австриядан Украинаға транзитпен бара жатқан.

«Іс жүзінде бұл Венгрия біздің адамдарымызды кепілге алып, ақшамызды ұрлады деген сөз. Егер Орбан мырза айтқан „күш“ осы болса, онда бұл — қылмыстық топтың күші. Бұл — мемлекеттік терроризм және рэкет», — деп мәлімдеді Украина Сыртқы істер министрі Андрей Сибига.

Иранның оппозициялық арналары Тегеранға бүгін жасалған соққының видеосын жариялауда.

Украина мен Ресей 300/300 форматында тұтқын алмасты. Кеше 200/200 форматында тұтқын алмасқан еді. Осылайша Украина 2 күнде тұтқындағы 500 сарбазын қайтарды.

Трамп Ираннан толық капитуляцияны талап етті. Кейін Иранмен келісім жасап, оның экономикасын көркейтеміз дейді.

Brent мұнайының бағасы 90 долларға жетті.

Daily Mail-дің жазуы бойынша, “Құдыс” күштерінің қолбасшысы Исмаил Кааниді Иран билігі өлтіріп тастаған көрінеді. Ол туралы бірнеше басылым “Моссад тыңшысы” деп мақала жазған еді.

АҚШ Ирандағы Илам қаласына соққы жасауда. Қала халқы 200 мыңға жуық. Негізінен күрдтер мен лурлар тұрады. Парсылар мен арабтар да қоныстанған.

Кувейттегі АҚШ-тың Камп-Әрифжан базасы. Соққыға дейін және кейін. Базадағы радарлар жүйесі жойылғаны айтылуда.

БАҚ: Ормуз бұғазында Mussafah 2 контейнертасушысына зымыран және теңіз дроны соғылды. Бұл БАӘ-ге тиесілі кеме. Кеме Safeen Prestige атты екінші кемеге бара жатқан сәтте шабуылға ұшыраған. Safeen Prestigе кемесі 4-наурызда шабуылға ұшыраған. Экипажы құтқарылды. Ал кеме ашық теңізде қаңтарылып тұр.