АЛМАТЫ ҚАЛАЙ ӨЗГЕРУДЕ?

Алматыда Розыбакиев көшесінің 6,4 шақырымдық бөлігінде көркейту жұмыстары жалғасуда.

Бүгінге дейін 22 мыңнан астам бұта мен 183 ағаш егіліп, жүргінші жолдарын жарықтандыруға арналған 130 бағана орнатылды.

Қазір жүргінші және велосипед жолы салынып, тротуар плиткалары төселіп, автоматты суару жүйесі орнатылуда.

Жұмыс барысында жасыл желектерді сақтауға, жүргіншілердің қауіпсіздігі мен қолайлылығына ерекше көңіл бөлінуде. Көркейту кезінде тұрғындардың жүріп-тұруына мүмкіндік сақталған.

БАҚ: Ресейдің "Рассвет" спутниктер тізбегіндегі (Starlink баламасы ретінде шығарған) екі спутник жерге жақындап келеді. Қос спутник күніне 1,5-4 шақырымға жуық биіктікті жоғалтуда. Осылайша екі спутник жақын аралықта орбитада жанып кетуі мүмкін.

Сарапшылардың пікірінше, 2026 жылы Қазақстан мұнай өндіруші 10 елдің қатарына кіруі мүмкін. Таяу Шығыстағы жағдайға байланысты Кувейтте мұнай өндіру және экспорттау көлемі азаюда дейді мамандар.

Хуситтердің Йемен үкіметінің жасақтарын талқандаған сәті. Ашық алаңда шабуылға шыққан үкімет жасақтары тас-талқан болыпты. Хуситтер миномет, пулемет, танкке қарсы қарумен күтіп алыпты. Ақпарат көздері Йемен үкіметі ондаған сарбаз бен бірнеше бронды техниканы жоғалтқанын айтуда.

Қос тарап та ескі әдіспен соғысыпты. Тіке шабуылдау және қарсылық таныту. Дәл мына ұрыста заманауи техника, дрон байқалмайды.

Ресей Киевті баллистикалық зымырандармен атқылады. Тағы да, дәл кешегідей дабыл жүйесі іске қосылмаған. Өйткені “зымыран қаупі жайлы АҚШ тарапы Киевке ақпарат бермеді” дейді Украина билігі.

Reuters: Хуситтер Саудиядағы Saudi Aramco компаниясының штаб пәтеріне соққы жасады. Бұл Саудиядағы басты мұнай өндіруші компания саналады.

Украин әскерилерінің мәліметінше, Маск Украина үшін Starlink-тің әскери пакетінің жылдамдығын шектей бастаған. Дрон сағатына 60-70 шақырымнан артық ұшатын болса, байланыс үзіліп қалуда дейді. Салдарынан Украина бірнеше соққы жасау операциясын іске асыра алмаған.

Сбербанк өзінің дата орталығына шабуыл жасалғанын растады

Ресейдің Саратов облысы Балаково қаласындағы Сбербанктің дата орталығына дрон шабуылы жасалғанын қаржы мекемесі растады.

“Деректерді өңдеу орталығына шабуыл болғанын растаймыз. Сбербанктің барлық жүйесі және барлық қызметі қалыпты жағдайда істеп тұр” деді банктің басқарма төрағасының орынбасары Александр Ведяхин ТАСС агенттігіне.

Өткен аптада Украина Yandex-тің үш дата орталығына шабуылдаған. Компанияның жалпы алты дата орталығы бар.

Бұған дейін Саратов облысының губернаторы Роман Бусаргин Балаково қаласында дрон шабуылы салдарынан бірнеше тұрғын үй бүлінгенін, бір адам қаза болғанын хабарлаған.