Reuters: Хуситтер Саудиядағы Saudi Aramco компаниясының штаб пәтеріне соққы жасады. Бұл Саудиядағы басты мұнай өндіруші компания саналады.

Украин әскерилерінің мәліметінше, Маск Украина үшін Starlink-тің әскери пакетінің жылдамдығын шектей бастаған. Дрон сағатына 60-70 шақырымнан артық ұшатын болса, байланыс үзіліп қалуда дейді. Салдарынан Украина бірнеше соққы жасау операциясын іске асыра алмаған.

Сбербанк өзінің дата орталығына шабуыл жасалғанын растады

Ресейдің Саратов облысы Балаково қаласындағы Сбербанктің дата орталығына дрон шабуылы жасалғанын қаржы мекемесі растады.

“Деректерді өңдеу орталығына шабуыл болғанын растаймыз. Сбербанктің барлық жүйесі және барлық қызметі қалыпты жағдайда істеп тұр” деді банктің басқарма төрағасының орынбасары Александр Ведяхин ТАСС агенттігіне.

Өткен аптада Украина Yandex-тің үш дата орталығына шабуылдаған. Компанияның жалпы алты дата орталығы бар.

Бұған дейін Саратов облысының губернаторы Роман Бусаргин Балаково қаласында дрон шабуылы салдарынан бірнеше тұрғын үй бүлінгенін, бір адам қаза болғанын хабарлаған.

БАҚ: Starlink-тегі шектеу артып, жылдамдық нашарлаған соң, Украина майдан даласында бірнеше операцияны кейінге шегеруде. Логистикаға соққы жасау да азайды. Себебі дрондар сағатына 60-70 шақырым жылдамдықпен ұшуға мәжбүр. Ал оны ресейлік әуе қорғаныс жүйелері жылдам қағып түсіреді. Украина реактивті дрондарға қарсы дронқаққыштарды да ұшыруды тоқтатуы мүмкін. Дронқаққыштар сағатына 300-500 шақырым жылдамдықпен ұшады. Ал Starlink-тің жылдамдығы кей тұста 60-70 болғандықтан, дронққаққышты ұшыру мүмкін емес.

Ресейлік интернетте жаппай ақау байқалуда. Қосымшалар ашылмайды, банктың онлайн жүйесі қаржы аударымын шектеуде, сервистердің қызметі тоқтады. Интернеттегі ақаудың "Сбердің" дата орталығына жасалған шабуылмен қатысы бар-жоғы белгісіз.

Yandex-тегі ақаудан кейін, Құрылтай депутаттары азаматтардың жеке деректерінің басқа ел аумағында сақталу/сақталмауын тексеруді талап етті. Депутаттар деректер тек Қазақстан аумағында сақталуы шарт дейді.

17 қазанда Астанадағы Alem.AI халықаралық жасанды интеллект орталығында «Kazakhstan Prevention Days – 2026» жобалар көрмесі өтеді.

Онда құқық бұзушылықтың алдын алуға, балаларды қорғауға және цифрлық қауіпсіздікті күшейтуге арналған технологиялар таныстырылады.

Көрмеде балалардың қауіпті цифрлық ортаға тартылуын ерте анықтайтын «AiMap», хабар-ошарсыз кеткен адамдарды іздеуге көмектесетін «E-Bagdar» және жол ақауларын анықтайтын «JOLScan» жүйелері ұсынылады.

Шараға ІІМ, полиция департаменттері, әкімдіктер, жоғары оқу орындары, үкіметтік емес ұйымдар мен жастар әзірлеген 60-қа жуық жоба қатысады. Германия, Қырғызстан, Өзбекстан және Тәжікстан өкілдері де қауіпсіздік саласындағы тәжірибелерімен бөліседі.
Көрменің тағы бір бағыты – отбасындағы зорлық-зомбылықтың алдын алу және балалардың қауіпсіздігін қамтамасыз ету. Осы мақсатта «Біз жақынбыз 2.0», «Қауіпсіз отбасы – қауіпсіз қоғам», «AL-JAN» және «SENIM TECHNOLOGIES» жобалары таныстырылады.

БАҚ: Ыстамбұлдағы және Анкарадағы Әзербайжанның елшілігі алдында бір топ азамат жиналып, Әлиевті қатаң сынады. Олар Әлиевтің әрекеті дінге қарсы, ал өзі нағыз диктатор дейді. Оқушылар мектепке хиджабпен баруға тыйым салынбасын деп отыр. Наразылыққа келушілердің кейбірі діни ұрандар жазылған туларды ұстап келген.

Пашинян Әзербайжанға жер алмасуды ұсынды!

Армения премьер-министрі анклавтар мен эксклавтардан арылу үшін екі елдің шекарасын өзгерту бастамасын көтерді.

Пашинян не дейді?

▪️ Ауданы жағынан шамалас аумақтарды өзара алмасу.
▪️ Екі ел арасындағы барлық көлік бағыттарын ашу.
▪️ Территориялық
талаптардан бас тарту.

«Ереван мен Баку барлық мәселе бойынша — соның ішінде Қарабақ, Гардиан, Ширман, Нахичевань немесе Батыс Әзербайжанға қатысты да бір-бірін жайына қалдыруы тиіс», — деп мәлімдеді Пашинян.

2025 жылдың тамызында екі ел басшылары Трамптың делдалдығымен Вашингтонда бірлескен декларацияға қол қойған болатын. Құжат, соның ішінде, Армения арқылы Әзербайжанның негізгі аумағын Нахичеваньмен байланыстыратын көлік бағытын құруды қарастырады.