Украина энергияны үнемдеу үшін бүгіннен бастап жарықты сағаттап беру режиміне көшпек. Бұл өндіріс ошақтарына да қатысты шешім.

Ресей Украинаның Волынь аймағындағы қоймалар желісін соққылады. Жергілікті билік екі елді-мекеннің (ауылдың) халқын эвакуациялануға шақырды. Өйткені қоймадағы өрттен химиялық түтін ауаға тарауда дейді.

Кейде карма деген бірден әсер етеді…Дүкен иесі теріс батасын берсе керек, сұлап түсті…

СЫЙҒА ТАРТЫПТЫ...

KNUS жайлы жастардың көбі біледі. Қазақ ұлттық спорт университеті осыдан 5 жыл бұрын құрылды. О баста 150-ге жуық студент білім алса, бүгінде 5 мың студент осы оқу орнында түрлі мамандықты игеріп жатыр екен.

Университеттің негізін Нұрасыл Медеу деген жігіт қалаған еді. Ол 5 жылдың ішінде инвестиция тартып, өз қаражатын құйып, университетті жан-жақты дамытуға үлес қосады. Халықаралық әріптестіктер орнатады. Студенттер әлемдік сайыстарда жүлде алуда. Мысалы, әлгінде ғана Жапонияда өткен Азия ойындарына KNUS-тың 17 студенті қатысып, 14-і жүлде иеленіпті. БАҚ солай дейді. Жақсы жетістік.

Енді осы оқу орнын Нұрасыл Медеу тұтастай мемлекетке сыйға тартыпты. Бұл туралы өзі айтты. Өзі негізін қалап, уақытын, қаржысын, энергиясын сарп еткен, жан-жақты дамытқан университетті мемлекетке еш өтеусіз беремін дейді. «Туған еліме жасаған өтеусіз сыйым осы болсын», – депті Нұрасыл Медеу.

Университеттің студенттер алдындағы міндеттемелері сақталады дейді. Ішкі білім беру гранттарын да сақтап қаламыз деп отыр.

Жалпы ол меценаттықтың жаңа үлгісіне жол ашқан сияқты. Бұған дейін азаматтардың қаржы аударғанын, млрдтап қайырымдылыққа бергенін көріп келдік. Бірақ өзі құрған жобасын мемлекет иелігіне беру біздің елде бірінші рет болып тұрған сияқты. Мүмкін болған болар, мен білмейтін шығармын.

Әлемдік тәжірибеде бұндай мысалдар бар. Мысалы 1941 жылы Ford компаниясы бұрын автомобиль өндірген Сиэтлдегі зауыттың меншігін АҚШ федералдық үкіметіне сыйға тартты. Мемлекет оны соғыста әскери-логистикалық мақсатта қолданды дегендей. АҚШ пен Еуропада осындай бірнеше мысал бар. Енді сол тәжірибе бізге де ақырындап келетін сияқты. Алғашқы мысалы осы KNUS болса қажет.