Трамп Израиль халқына үндеу жасады. Былай дейді:
 
«Израильдің ұлы халқына үндеу жасаймын!
 
Нетаньяху ұлы премьер-министр, жауынгер және ол «Израильге өлім! АҚШ-қа өлім! Кіші және Үлкен сайтанды жоямыз!» деп 51 жыл қатарынан ұрандатушы Иранға қарсы соғыста керемет одақтас болды.
 
Осындай мәлімдемелерге жол беріп, үнсіз қала берсе, қай ел аман қалмақ? Өйткені мұндай қоқан-лоққы түптің түбінде шындыққа айналуы мүмкін. Иранның осы қауіпті сөздерін іске асыруға талпынуы уақыт мәселесі ғана еді. Алайда оның әскери қуаты мен қаржылық мүмкіндіктеріне жүйелі түрде соққы берілді. Егер Тегеран саясатын тез арада өзгертпесе, біз бастаған ісімізді көп ұзамай аяқтаймыз.
 
Егер Израильдің тізгінін Бибиден басқа біреу ұстаса, онда бұл істі Америка өз қолына алып, өзі аяқтауға мәжбүр болады. Ал менің мұндай іске өз бетімше кірісуге ниетім жоқ.
 
Биби Нетаньяху орасан зор қарсылыққа, тіпті өз елінің ішіндегі қысымға қарамастан, қайсарлық, батылдық пен асқан табандылық танытты. Ол барлық қиындыққа төтеп беріп қана қоймай, айтарлықтай жетістікке де жетті!
 
Мен Бибидің ең ауыр кезеңдердегі әрекетін өз көзіммен бақыладым. Мұндай қысымға көп адам шыдай алмай, сағы сынар еді. Бірақ Биби мойымады. Қайта қайратына қайрат қосып, бүгінге дейін өз ұстанымынан таймай келеді.
 
Америка Құрама Штаттарына дәп қазіргі Израильдей серіктес қажет.
 
Осы мәлімдемем арқылы алдағы сайлауда Израиль премьер-министрі қызметіне қайта сайлануға үміткер Биби Нетаньяхуды толық әрі ешбір шартсыз қолдайтынымды жариялаймын.
 
БИБИ НЕТАНЬЯХУ СІЗДЕРДІ ЕШҚАШАН ЖЕРГЕ ҚАРАТПАЙДЫ!», - дейді Трамп.

Сайлау 27-қазанда өтеді. Кей сарапшылар оппозицияның мүмкіндігі жоғары дейді.
 
Гади Айзенкот — оппозицияның басты үміткерлерінің бірі. Оның «Яшар» партиясы соңғы сауалнамалардың бірқатарында жеке партиялар арасында алда келеді. Сайлаудағы негізгі бәсеке Нетаньяху мен оны алмастыруға ұмтылған оппозициялық күштер арасында болып жатыр.
 
Ал Биньямин Нетаньяху билікте қалуға тырысады. Дональд Трамп 18-қазанда оны ашық қолдады. Алайда сауалнамаларда Нетаньяху бастаған коалицияның парламенттік көпшілікке жетуі қиын болып тұр.
 
Израиль парламентінде үкімет жасақтау үшін 120 орынның кемінде 61-ін иелену қажет. Қазіргі сауалнамаларда екі тараптың да тұрақты көпшілік қалыптастыруы қиын. Сондықтан оппозиция көбірек орын алса да, Нетаньяхудың биліктен кететініне кепілдік жоқ.

Сарапшылар Трамптың Нетаньяхуды қолдайтын жазбасынан кейін, Нетаньяхудың билікте қалу мүмкіндігі артқанын болжауда. Себебі Израиль тарапы АҚШ-тың әскери қолдауынан айырылғысы келмейді дейді.

Ресей Ровно қаласын атқылауда. Реактивті дрондармен шабуыл жасауда.

Украина реактивті дрондарды қағып түсіретін дронқаққыштарды қолдана алмай жатқанын айтуда. Өйткені Starlink жылдамдығы 160 шақырымда шектеулі тұр.

БАҚ: АҚШ түнде Украинаға Ресейдің баллистикалық шабуылы жайлы кезекті мәрте ескерткен жоқ.

БАҚ: Демократтар Конгрессте басымдыққа ие болса, Трампқа қатысты бірнеше тексеріс өткізбек. Қор нарығын құбылту арқылы жеке пайда табу, сыртқы саясатта АҚШ-тың мүддесіне қайшы әрекеттер жасау, “Эпштейн ісі” бойынша жариялымдарды толық жарияламау себебін анықтау және басқа.

Венгрияда Петер Мадияр мен Виктор Орбан арасындағы "айқас" күшейді. Петер Мадиярдың сөзінше, Орбан оппозиция өкілдерін билікке қарсы қарулы көтеріліс жасауға үндеген. Ал Орбан бұл мәлімдемені жоққа шығарып, "менің сөзімді бұрмалап тұрсың" деді. Мадияр "қарулы көтеріліс жасаудың жазасы 5 жылдан бастап өмір бойына дейін сотталуға әкелмек" деп сес көрсетті.

Айтпақшы, Трамп кеше Зеленскийді айыптап, тағы да табақтай етіп пост жазды. "Мен соғысты аяқтау үшін барымды салудамын. Ресей қазір Иранға көмектесіп жатқан жоқ. Есесіне әлемге арзан дизель шығаруда. Осы сәтте Зеленский Ресейдің МӨЗ-дерін соққылап, дизель бағасын шарықтатып жіберді. Бұл әлемге, АҚШ-қа зиянды әрекет. Жалпы Зеленский соны біле тұра өз әрекетін жалғастыруда. Зеленский соғысты аяқтағысы келмейді. Ешқашан аяқтауды ойламаған да болар. Ол осыдан екі жыл бұрын өзіне тиімді шарттармен соғысты аяқтай алар еді, олай етпеді. Мен соғысты аяқтауды қалаймын", - деді қысқасы.