Jasorat — eng asosiy diniy fazilatdir, qolgan barchasi ikkinchi darajalidir. Agar jasoratli bo‘lmasangiz, rostg‘oy bo‘la olmaysiz; jasoratli bo‘lmasangiz, seva olmaysiz; jasoratli bo‘lmasangiz, ishonch bildira olmaysiz; jasoratli bo‘lmasangiz, haqiqatni tadqiq qila olmaysiz. Shuning uchun avvalo jasorat bo‘lishi kerak, qolgan barchasi undan keyin keladi.
​Faqat jasorat tufayligina muhabbat mumkindir. Faqat jasoratgina sizni mutlaqlikni izlashga unday oladi. Bu — uzun yo‘l, noma’lumlikka qilingan sayohat. Qo‘rqoqlar bu sohildan ketishga qodir emaslar. Din bu — shu yerdan ko‘rinmaydigan boshqa bir sohilga bo‘lgan intilish va qumsash demakdir.

@Paruk_Pilo

Jamiyatning bor kuch-g'ayrati yurakka qarshi qaratilgan — jamiyat aql-idrokni charxlaydi, aql-idrokni tartibga soladi va aql-idrokka ta'lim beradi. Jamiyat yurakni nazardan qochiradi, uni e'tiborsiz qoldiradi, chunki yurak — xavfli hodisa. Aql — bu mashina. Mashina isyon ko'tarishga qodir emas, u shunchaki mavjud bo'lishga ham qodir emas. Mashina buyruqlarni so'zsiz bajaradi. Mashinalarning qulayligi shundaki, ular bo'ysunuvchandir.
​Mana nima uchun jamiyat, cherkov, davlat, ota-onalar — barchasi sening aqlingdan manfaatdor. Sening aqling hamma uchun qulay. Yurak esa noqulay — u status-kvoni buzadi, o'rnatilgan tartibga xavf soladi va tikilgan sarmoyalarni xatarga qo'yadi. Aql mantiqqa tayanib ishlaydi. Uni ishontirish mumkin, uni xristian, musulmon, hindu qilish mumkin, uni kommunist, fashist yoki sotsialistga aylantirish mumkin. Aql bilan xohlagan narsangni qilish mumkin. Buning uchun ustomonlik bilan tuzilgan ta'lim tizimi va ayyorona strategiyaning o'zi kifoya. Aql kompyuter kabi dasturlashtiriladi, u ichiga nima yuklangan bo mezon bo'lsa, o'ylab o'tirmasdan shuni takrorlayveradi. U hech qachon betakror va asl bo'la olmaydi.
​Yurak muhabbat bilan yashaydi, muhabbatni esa dasturlab bo'lmaydi. Mana shuning uchun ham yurak har doim isyonkordir. Muhabbat seni qayerga yetaklashini bilolmaysan; u — kutilmagan, to'satdan sodir bo'ladi, u hech qachon o'tmishni takrorlamaydi, u hozirgi lahza bilan yashaydi. Yurak hozirgi zamonda yashaydi, aql esa o'tmishda yashaydi. Shuning uchun aql har doim an'anaga tayanadi, yurak esa har doim inqilobiy va isyonkor. Sen faqat yurak va muhabbat tufayligina g'alaba qozonishing mumkin, hamda hech qachon aql va mantiq evaziga g mezon zafarga erisha olmaysan. Sen olomonga qarshi isyon ko'tarishni boshlaganingda, mustaqil bo'lganingda mo'jiza yuz beradi — sen koinot bilan bir ekaningni, u bilan yakdil ekaningni anglab yetasan.

@Paruk_Pilo

"Эволюция" дейишга лойиқ ягона эволюция — бу роҳат-фароғат ва бахтиёрлик (блаженство) эволюциясидир. Агар бахтиёрлик ортиб бормаётган бўлса, демак, сиз ривожланмаяпсиз. Агар бахтиёрлик ортиб бормаётган бўлса, демак, жамият ривожланмаяпти. Сўзининг чинини айтганда, одамлар "эволюция" деганда тушунадиган нарса — бу мутлақ сафсатадир. Цивилизациянинг ривожланиши — бу умуман эволюция эмас. Цивилизация — ўта юзаки ҳодиса.
​Сизда техника, асбоб-ускуналар кўпайиши мумкин, лекин ўзингиз ўша-ўша одамлигингизча қолаверасиз. Сиз Ойга, балки кунлардан бир кун юлдузларгача етиб боришингиз мумкиндир. Лекин Ойда ҳам Ер очида қилган ишингизни қилаверасиз. Агар бу ерда сигарета чеккан бўлсангиз, у ерда ҳам чекасиз; агар қарта ўйнаган бўлсангиз, Ойда ҳам қарта ўйнайсиз. Агар пиво ичган бўлсангиз, Ойга ҳам пиво судраб борасиз. Ортиқча илож йўқ, акс ҳолда у ерда нима қилишни билмай қоласиз. Агар инсон аввалгидек қолаверса — бу эволюция эмас. Биз сохта эволюцияни, ўринбосар эволюцияни бошдан кечиряпмиз, ривожланишимиз ҳақида сохта тасаввурларга эгамиз. Асрлар давомида инсон умуман эволюцияга учрамади. Фақат айрим якка шахсларгина ривожланди, холос.
​Эволюция ҳақида бахтиёрлик даражасига қараб ҳукм чиқариш мумкин, бахтиёрлик эса англаш (осознание) ортиб бориши билан ўсади. Булар бир танганинг икки томонидир. Англашни ривожлантириб, тобора бахтиёрроқ бўлиш мумкин ёки бахтиёрликни орттириб, тобора англовчироқ бўлиш мумкин. Нимадан бошлашни хоҳласангиз, шундан бошланг — хоҳ бахтиёрликдан, хоҳ англашдан — ва сиз ўсасиз. Фақат шу йўл билангина инсон чексиз салоҳиятга эга эканига, инсон энг юқори чўққига эриша олишига ишонч ҳосил қиласиз.
​Ошо
@Paruk_Pilo

Assalomu alaykum yaxshimisiz Ustoz
Meni olganimga ancha bo‘ldi lekin natija yozmagandim chunki hissiyotlarim ag'dar to'ntar bb ketdi ichimda bir g'alayon bo‘lardi bir sokinlashardim
Va oxiri bir birimizga moslashdik juda ajoyib ishlagan paytim energichniman uxlasam uyqim tinch tiniqib uyg‘onaman
Ancha omadli bb ketdim😍😁👍
Raxmat ustoz rudrashka uchun

Har bir qilayotgan ishingizni to‘liq va chin dildan bajaring. Faraz qiling, sayr qilishni yoqtirasiz — juda soz, sayrga chiqing. Hatto hech kim sizga hamroh bo‘lmasa ham.
​Lekin to‘satdan bunga bo‘lgan ishtiyoq va xohishingiz so'nganini his qilsangiz — bu ham yaxshi. "Boshqalar men haqimda nima deb o‘ylaydi?" demang. Darhol o‘tiring. Yuragingiz xohishiga qarshi hatto bitta ham qadam tashlamang.
​Qalbingiz nidosiga quloq tuting, unga tayanib ish tuting va bundan rohatlaning. O‘zingizga hech narsani majburlab tiqishtirmang.
​Agar gapirgiringiz kelsa, gapiring. Agar jim bo‘lishni istasangiz, jim turing. Shunchaki his-tuyg'ularingizga ergashing. Hech qachon, hatto bir lahzaga bo‘lsa ham, o‘zingizga majburan biror narsani yuklamang va manfaatlar (moslashuvchanlik/manfaatparastlik) asosida ish tutmang.
​Chunki o‘zingizga biror narsani majburlab tiqishtirganingizda, ikki qismga bo‘linib qolasiz. Ikkiga ajralasiz va bu barcha muammolarning boshlanishidir. O‘shanda butun hayotingiz ikkilanib qoladi: bir yarmingiz o‘zi kabi bo‘lishni xohlaydi, ikkinchi yarmingiz esa manfaat va mulohazalar sabab chinakam his-tuyg'ularini bostiradi.
​Dzen ta’limotida ajoyib bir maqol bor:
O‘tirganingda — shunchaki o‘tir,
Yurganingda — shunchaki yur,
Va eng muhimi — ikkilanma...

@Paruk_Pilo

Assalomu alaykum barchaga
Endilikda 108talik Rudraksha 7 kunda keladi.
Braslet va tutatqi 12 kunda keladi.
Bts pochta orqali barcha viloyatga jo'natib beriladi.
108talik Rudraksha tasbexi 350ming
Braslet 250ming
Tutatqi 150ming
Murojat uchun @Isyonkor_bot
@Rudraksha_uz

Rudraksha baxtsiz hodisalar, dushmanlar, kasalliklar va hatto bevaqt o‘limdan himoya qiladi. Shuningdek, rudraksha o‘z egasini turli xil xudbinlik holatlaridan asraydi, niyatlarni poklikka undaydi.

@Rudraksha_uz

Koʻchada odamlarni kuzat, shunda ularning mutlaqo zerikkanini koʻrasan. Hamma zerikkan, oʻluday zerikkan.
​Ularning yuzlariga qara, unda xushnudlikning hech qanday asorati yoʻq. Ularning koʻzlariga qara, chang bosgan, ichki quvonchdan biror nur ham yoʻq.
​Idoradan uyga borishadi, uydan idoraga... Uzluksiz takrorlanish va bir kun kelib oʻlishadi... Odamlar deyarli har doim yashamay turib oʻlishadi.
​Bu zerikishning sababi — takrorlanishni anglashdir. Hayvonlar oʻtmishni eslay olmagani uchun zerika olishmaydi. Ular oʻtmishni yodga ololmaydi, shuning uchun takrorlanishni his qila olmaydi.
​Buyvol (suv sigʻiri) har kuni oʻsha oʻtni oʻsha-oʻsha lazzat bilan yeydi. Lekin sen har kuni bir xil ovqatni yeya olmaysan. Qanday qilib har kuni bir xil ovqatni oʻsha-oʻsha lazzat bilan yeyishing mumkin? Qanchalik mazali boʻlmasin, baribir joningga tegadi.
​Shuning uchun odamlar oʻzgartirishga harakat qilishadi. Yangi uyga koʻchishadi, yangi mashina xarid qilishadi, eski eridan ajrashib, yangi munosabat boshlashadi... lekin erta-indin bu yangi narsa ham takrorlanishga aylanadi.
​Uyni almashtirish, hayotiy sherikni almashtirish, odamlarni va munosabatlarni almashtirish hech narsani hal qilmaydi. Qachonki jamiyat oʻta zerikib ketsa, odamlar bir shahardan boshqa shaharga, bir ishdan boshqa ishga, bir turmush oʻrtoqdan boshqa turmush oʻrtoqqa oʻtib yurishadi.
​Lekin erta-indin xuddi shu narsalar yangi ayol, yangi erkak, yangi uy va yangi mashina bilan yana qayta takrorlanayotganini anglab yetishadi. U holda nima qilish kerak?
​Ogahroq (hushyorroq) boʻl... Masala vaziyatlarni oʻzgartirishda emas, oʻzingni oʻzgartir... Ogahroq boʻl... Agar ogahroq boʻlsang, har bir lahza yangi ekanini koʻra olasan. Lekin buning uchun juda ulkan energiyaga, ogahlik (anglash) energiyasiga ehtiyoj bor.

​Osho 🌱
@Paruk_Pilo

Chiroyli Rudraksha himoya brasleti
Narxi 290ming
12 kunda keladi.
Murojat uchun @Isyonkor_bot

Rudraksha aktivlashtirish.
Savol javoblar

Murojat uchun @Isyonkor_bot
@Isyonkor_ruh
@Paruk_Pilo

​Baʼzi tasavvufiy anʼanalarda shogirdlar yilning bir kunini yoki, zarurat tugʻilganda, butun bir dam olish kunini uylaridagi buyumlar bilan muloqot qilishga bagʻishlaydilar.
​Ular har bir buyumga qoʻl tegizib, baland ovozda soʻraydilar: "Menga bu haqiqatan ham kerakmi?"
​Kitoblarni javondan olib: "Bu kitobni qayta oʻqiymanmi?" — deb soʻrashadi.
​Har bir esdalik buyumini koʻzdan kechirib: "Ushbu buyum yodimga soladigan lahza men uchun hali ham muhimmi?" — deya oʻylanadilar.
​Barcha javonlarni ochib: "Bu kiyimni oxirgi marta kiyganimga qancha boʻldi? Menga u haqiqatan ham kerakmi?" — deydilar.
​Ustoz shunday deydi: "Har bir buyum oʻz energiyasiga ega. Agar ulardan foydalanilmasa, ular uyda ijobiy energiyani yutib yuboradigan turgʻun va salbiy energiya qora tuynugiga aylanadi...
​Shuning uchun ogoh boʻling va energiyaning erkin oqishiga yoʻl qoʻying. Agar eskilarni ushlab tursangiz, yangilari namoyon boʻlishi uchun joy topolmaydi."

@Paruk_Pilo

Eshitishimcha, bir kishi mashinasini o‘rmonning o‘rtasiga haydab borib, yonidagi ayol bilan ishqibozlik qila boshlabdi. Lekin ayol debdi: "Hey... to‘xta... sen rostdan ham mening kimligimni bilmaysanmi? Men fohishaman va narxim ellik dollar."
​Kishi unga ellik dollar beribdi va u bilan birga bo‘libdi. Ishi tugagach, u so‘zsiz, harakatsizcha rul orqasida o‘tirib olaveribdi. Ayol so‘rabdi: "Nega endi bu yerda turibsan? Kech bo‘ldi, men uyga qaytishim kerak."
​Kishi debdi: "Kechirasan-u, lekin senga aytishim kerak, men taksi haydovchisiman va ortga qaytish narxi ellik dollar!"
​Sizning, masalan, oshiqona munosabatlaringizda ham ayni shu narsa yuz beradi. Biri fohisha, ikkinchisi esa taksi haydovchisi — sizning barcha soxta "sevgi"laringiz shunchaki bir savdo-sotiq, xolos. Bu doimiy zidriyatdir. Juftliklarning uzluksiz urushib-tortishib yashashiga sabab ham shunda.
​Ular bir-biri bilan urushsalar-da, bir-birini vos kecha olishmaydi, ajralib ham keta olishmaydi. Aslida, hech kim boshqasini tashlab ketolmasligi uchun ham urushishadi. Shu tariqa nikohning butun kulfatini tushunib yetasan.
​Inson hayron qoladi: agar bu juftliklar birga baxtli va xursand bo‘lishmasa, nega bu tragediyaga chek qo‘ya qolishmaydi? Ular ne birga tinch-totuv va baxtli yashay olishadi, ne bir-biridan ajrala olishadi.
​Hatto er yoki xotin ajrashishni istagan taqdirda ham, boshqasi qochib keta olmasligi uchun bir-birini shunday qaram va falaj qilib qo‘yishadi. Ular bir-birini shunday ma'suliyatlar va shunday axloqiy qoidalar bilan shunchalik og‘ir yuklashadiki, hatto er yoki xotinning xayoliga ajrashish fikri kelsa ham, o‘zini aybdor his qiladi, vijdoni qiynaladi va qilayotgan ishi noto‘g‘ri ekanligini aytib, ich-etini yeydi.
​Shu tariqa ular birga qolishadi va umr bo‘yi narx ustida tortishib yashashadi. Sizlar "nikoh" va "oshiqona rishta" deb ataydiganingizning jamiki kulfati va fojiasi mana shundadir.
​— Osho 🌱
@Paruk_Pilo

​Bilib qoʻy, hayotingga iztirob va azob kirib kelganda — bu sen uchun uygʻonish, oʻz ahmoqliklaringdan xalos boʻlish imkoniyatidir. Iztirob hayotingning qaysidir nuqtasida xatoga yoʻl qoʻyganingni koʻrsatib bermoqchi boʻladi, lekin sen undan qochasan. Uning boʻlmasligini xohlaysan, azoblaringni unutish uchun seni ganshitadigan, karaxt qiladigan narsani qidirasan.
​Ehtimol, oʻsha banj — jinsiy aloqadir, ehtimol spirtli ichimlikdir, ehtimol puldir yoki siyosiy hokimiyatdir. Yoki boshqalar bilan boʻlgan maʼnosiz va ahmoqona munosabatlarga shoʻngʻishdir. Sen hech qachon azoblaring bilan yuzma-yuz kelishga jurʼat etmaysan va baxtsizliklaringning ildiziga, sababiga qarashni xohlamaysan. Har doim oʻzingni nimadir bilan band qilasan. Seni ogohlikdan yiroq tutadigan va band qilib qoʻyadigan har qanday narsa — bu ogʻudir.
​Giyohvand modda faqat geroin, mefedron (shisha), hashish yoki kokaindan iborat emas. Seni muhim boʻlmagan narsalar bilan ovutadigan, seni hushsiz va ehtirosli (ambitsioz) mavjudotga aylantiradigan har bir narsa — giyohvand moddadir. Ambitsiya esa insonlarni gʻofil va ahmoq holatda ushlab turadi. U odamlarni soyalar va seroblar ortidan yugurishga majbur qiladi.
​Bunday gʻofillik va xayolot ichida, agar seni band qilib turadigan biror narsang boʻlsa, oʻzingni yaxshi his qilasan. Bormoqchi boʻlgan, orqasidan yuguradigan, seni ovutadigan va ahmoqliklaringdan qochishingga yordam beradigan hech vaqong boʻlmasa — oʻzingni yoʻqotib qoʻygandek his qilasan. Oʻzingda "xumor" alomatlarini tuyasan va darhol yangi bir mashgʻulot yaratasan. Boshqa bir ichkilik...
​Azoblaringdan qochish uchun har doim bir ichkilikdan boshqasiga oʻtib yurasan, lekin hech qachon iztiroblaring sababini davolashga urinmaysan. Asrlar davomida Buddalarning kuzatuvlari shuni koʻrsatadiki: iztirob kelganida, ichingda oʻsha xumorlik tuygʻusi boshlanganda — bu Yarataganning "Vaqt keldi, uygʻon..." degan ishorasidir.
​Lekin sen bu iztirobni karaxt qiluvchi dori bilan bostirasan. Jufting dunyodan oʻtadi va sen koʻp spirtli ichimlik ichishni yoki qimor oʻynashni boshlaysan. Yoki boshqa bir ayolga koʻngil qoʻyasan. Vaholanki, bu — bu hayot va undagi munosabatlar abadiy emasligini, oʻzing ham oʻsha navbatda turganingni va bir kun navbat senga ham kelishini anglash uchun bir imkoniyat edi.
​Lekin sen uygʻonmaysan... Boshqa bir juft aralashuvini izlashni boshlaysan. Kasodga uchraysan, lekin baribir uygʻonmaysan. Aksincha, avvalgidan ham ochkoʻzroq boʻlib, pul haqida yangi bir xayolotni qurishni boshlaysan. Magʻlub boʻlasan, lekin baribir (uygʻonmaysan). Yana ham katta shiddat va kuch bilan izlashda va qidirishda davom etasan, ushbu muvaffaqiyatsizliklardan tugʻilgan iztiroblardan doim qochasan — uning ortida yashiringan saboqni esa hech qachon oʻrganmaysan.
​Osho🌱
@Paruk_Pilo

Budda aytadi:
​Agar boshqa birovning ayoli bilan birga bo'lsang,
Bosh-boshdoqlik va dard-balo bilan birga bo'lgansan.
Uqubatingdan uyqung bo'linadi,
Shar-u sharafingni yo'qotasan,
Zulmat tubiga qulaysan.
​Budda bu so'zga yuzaki qaramaslikni, uning tub ma'no-mohiyatiga yetish lozimligini uqtiradi. Masalaning asliyati umuman boshqa birovning ayolida emas...
​Hozirgi kunda guvohi bo'layotganimizdek, hatto o'z jufting (er yoki xotining) ham – agar o'sha haqiqiy idrok va anglashga yetib bormagan bo'lsang – butun hayotingni ostin-ustun qilishga yetib ortadi.
​Buddaning so'zidagi tub ma’no shundan iboratki...
Hali ham bu hodisaning asl mohiyatini anglab yetmadingizmi?
O'z hayoting seni hushyor torttirishga yetmayaptimi?
Yoki o'z ering yetarlicha sabab bo'lmabdimiki, bir-biringizga qo'yayotgan o'sha bema'ni talablaru intilishlar o'yiniga chek qo'ysangiz? Bular shunday intilishlarki, hech qachon qanoat topmaydi va oxiri ko'rinmaydi...
​Lekin ong tinmay o'z deganida turib oladi.
Ong pichirlaydi: "Bu ayol yaxshigina emas, balki boshqasi yaxshidir? Kim biladi deysiz? Balki bu ayol bilan fe'limiz mos kelmayotgandir, boshqasi bilan mos kelar-u baxtni totib ko'rarman".
​Ammo bilib qo'yki, sen hech kim bilan baxtli bo'la olmaysan, chunki baxtning boshqa birovga aslo aloqasi yo'q. Baxt – bu sen o'z ichingda yaratishing kerak bo'lgan ne'matdir.
​Baxtingni boshqa birov bilan bo'lishishing mumkin, ammo uni o'zgalardan talab qila olmaysan.
Budda aytmoqchiki, agar baxtni boshqasidan qidirsang, har doim boshing dard-balodan chiqmaydi.
​Qachonki o'z baxting uchun boshqa birovga qaram bo'lsang, demak o'zingga dard-balo tilagansan, o'shanda qaram bir mavjudotga aylanasan. Qaramlik esa – buning o'zi bir darddir. O'shanda dard-balo bilan quchoqlashgan bo'lasan...
​Ana o'shanda o'sha inson sening jahannamiga aylanadi va unga bog'lanib qolishing ila sen oddiy qulga aylana qolasan... Mana shu tariqa uyqung bo'linadi,
Huzur-halovating barbod bo'ladi,
Orasta oroming yo'qoladi,
Hayoting uzluksiz bir tartibsizlikka aylanadi.
​Chunki sen o'z xohish-istaklaringni qondirish yo'lida boshqasidan foydalanishga urinasan, narigi taraf ham sendan foydalanishga intiladi. Ana o'sha onda izzat-nafsing, qadr-qimmating, viqoring, go'zalliging va samimiyating poymol bo'ladi.

@Paruk_Pilo

Hushyor bo‘lki, agar senga bitta eshik yopilsa, darhol boshqa o‘nta eshik ochiladi. Bu falsafiy gap emas, sof haqiqatdir.
​Lekin sen o‘z qo‘rquv va bog‘liqliklaring ichidasan, shu bois ochilayotgan boshqa eshiklarni ko‘ra olmaysan. Hatto boshqa eshiklar borligiga ham ishona olmaysan.
​Faqat bitta eshikni taniysan, unga ko‘nikib qolgansan, unga bog‘lanib qolgansan... Mana, o‘sha eshik yopildi va sening ichingda ulkan og‘riq, qo‘rquv hamda azob paydo bo‘ladi.
​Azob eshik yopilganidan emas, balki sening tor, cheklangan va bog‘lanib qolgan nigohingdan kelib chiqmoqda. Boshqa biror joyni ko‘ra olmaysan, faqat bir nuqtaga qadalgan, yopiq nigohing bor.
​Ko‘zlaring biroz ochilishiga ruxsat ber. Yodingda tut, U senga o‘nta eshik ochmaguncha aslo biror eshikni yopmaydi. Shunday ekan, atrofga qara va ularni top, bunchalar qo‘rquvga tushaverma...
​Osho🌱
@Paruk_Pilo

Ishga bo'lgan eng yaxshi munosabat – unga sho'ng'ib ketmaslik va u butun hayotingizga aylanib qolmasligidir... Ko'ring-chi, siz ishlash uchun yashayapsizmi yoki yashash uchun ishlayapsizmi?
​Kuniga olti-sakkiz soat ishlang-u, keyin ish haqidagi hamma narsani unuting. Hech bo'lmaganda ikki soatni botiniy (ichki) o'sishga, bir necha soatni esa munosabatlarga bag'ishlang... Sevgi izhor qilish, farzandlar, do'stlar va jamiyatingizga...
​Sizning kasbingiz hayotingizning faqat bir qismi xolos, u hayotingizning barcha jabhalarini egallab olmasligi kerak. Bir shifokor odatda yigirma to'rt soatlik shifokorga aylanib qoladi. U faqat ishi haqida o'ylaydi va u haqda gapiradi. Hattoki ovqat yeganda ham u hamon shifokorligicha qoladi va bu — aqldan ozishdir.
​Mening butun harakatim sizga dunyoda bo'la turib, ayni paytda solik (ma'naviy izlanuvchi) bo'lib qolishingizga yordam berishdan iborat. Albatta, bu qiyin vazifa; chunki ko'plab vaziyatlar va sinovlar yuzaga keladi.
​Shifokor bo'lish yoki izlanuvchi bo'lish oson, ammo bir lahzada ham shifokor, ham izlanuvchi bo'lish qiyindir; chunki bu bir-biriga zid vaziyatlarni keltirib chiqaradi. Albatta, inson aynan shunday qarama-qarshi vaziyatlarda ulg'ayadi.
​Tashvishlarda va ziddiyatlarning har bir zarbasida butun bir kamolot o'sadi. Qarama-qarshiliklar o'rtasida muvozanatni saqlay olish qobiliyati insonga voyaga yetishish (yetuklik) bag'ishlaydi.
​Sizga kuniga yetti-sakkiz soat ishlashni, so'ngra boshqa narsalar: uyqu, musiqa, she'riyat, tafakkur (mraqaba), sevgi yoki hatto masxarabozlik (hazil-huzil) bilan shug'ullanishni tavsiya qilaman, ha... masxarabozlik ham kerak.
​Agar kishi o'ta andishali (juda oqil) bo'lib, hazil-mutoyiba qila olmasa, og'ir va o'ta jiddiy bo'lib qoladi. U shu tariqa hayotda yutqazadi...
​Osho 🌱

@Paruk_Pilo

"Bizning shayximiz (Mansur Halloj) yor diydoriga mushtaq edi.
Yorining uyiga yetib keldi.
Lekin bo'yi derazaga yetmadi.
U o'z boshini kesib, oyog'i ostiga qo'ydi
va bo'yi yetdi...
Ma'shuq esa buni tomosha qildi..."

Tazkirat ul Avliyo kitobidan.
@Paruk_Pilo

Tasavvur qiling: Bir oshiq yigit o'z sevgilisining uyiga boradi. Lekin deraza juda balandda bo'lgani uchun sevgilisini ko'ra olmaydi. Shunda u o'z kibrini, manmanligini va "men" degan g'ururini boy berib, o'zini butunlay baxshida qiladi (boshini kesib, oyog'i ostiga qo'yadi). Shundagina bo'yi me'yoriga yetib, sevgilisining jamolini ko'radi. Sevgilisi esa uning bu sadoqatini kuzatadi.
​💡 Har bir ramz nimani anglatadi?
​Derazaga bo'y yetmasligi: Inson ichida kibr, g'urur, "men zo'rman" degan tushuncha bor ekan, u hech qachon chinakam haqiqatga yoki Allohning visoliga yetisha olmaydi.
​Boshini kesib, oyog'i ostiga qo'yishi: Bosh — bu insonning manmanligi, aqli va kibri ramzi. Boshni kesib oyoq ostiga qo'yish — "Men g'ururimdan, kibrimdan va manmanligimdan voz kechdim" degani.
​Bo'yining yetishi: Inson kibrini yengib, kamtar bo'lsagina, ruhiy jihatdan o'sadi va oliy maqsadga erishadi.

@Paruk_Pilo