PROFILAKTIK SUHBAT O'TKAZILDI

​🔥Tumanning “Turon” mahallasida yashovchi Z.B 2024-yil 12-dekabrdan 2025-yil 11-iyunga qadar “Pastdarg‘omtumangaz” gaz ta’minoti bo‘limi suyultirilgan gaz bo‘yicha xizmat boshlig‘i, 2025-yil 17-oktyabrdan esa ushbu bo‘lim bosh muhandisi lavozimida ishlab kelgan.

✅​U o‘z moddiy javobgarligidagi asosiy vosita va tovar-moddiy boyliklar yuzasidan tuzilgan hisobotlarga soxta ma’lumotlar kiritib, 2026-yilning aprel, may va iyun oylariga oid hisobotlariga aslida mavjud bo‘lmagan, umumiy qiymati 32 million 062 ming 500 so‘mlik 57 dona suyultirilgan uglevodorod gazi ballonlari qoldiqda mavjudligi haqida takroran yolg‘on ma’lumotlar kiritgan.

✅​Mazkur holat yuzasidan Pastdarg‘om tuman prokuraturasi tomonidan Z.Bga nisbatan O‘zbekiston Respublikasi Jinoyat kodeksining 228-moddasi 2-qismi “a” bandi (takroran soxtalashtirish) bilan jinoyat ishi qo‘zg‘atilgan.

​🔎Mazkur jinoyatning kelib chiqish sabablari, unga imkon bergan shart-sharoitlarni tahlil qilish hamda bu kabi holatlarning oldini olish maqsadi ochiq jinoyat muhokamasi o‘tkazildi.

👨‍💼​Unda tuman hokimi, tuman prokurori, tuman IIB boshlig‘i o‘rinbosarlari, gaz ta’minoti va tegishli soha vakillari hamda mahalla faollari, jamoatchilik vakillari ishtirok etdi.

✅​Muhokama davomida suyultirilgan gaz ta’minoti bevosita aholining kundalik ehtiyoji va farovonligi bilan bog‘liq muhim soha ekanligi ta'kidlanib, sohada mehnat qilayotgan boshqa xodimlar va mas’ullar ham tegishli xulosa chiqarishi, ishda mas’uliyat va insof mezonlariga qat’iy rioya etishi lozimligi uqtirildi.

✅Albatta, ​qonun ustuvorligi va jazoning muqarrarligi tamoyiliga ko‘ra, har bir noqonuniy xatti-harakatga munosib huquqiy baho beriladi!