#Irmoqlar

KITOBXONLAR UCHUN 10 TA FOYDALI ILOVA VA PLATFORMA

📱 Telefoningizda o‘nlab ilovalar bor. Ammo ularning nechtasi sizni kitobga yaqinlashtiradi?

🎧 Bugun sizlar uchun elektron kitoblar o‘qish, audiokitoblar tinglash, chet tilidagi adabiyotlardan bahramand bo‘lish va mutolaa jarayonini tartibga solishda yordam beradigan 10 ta foydali ilova va platformani jamladik.

O‘ZBEK TILIDA MUTOLAA UCHUN

1️⃣. Hilol eBook

«Hilol Nashr» nashriyotining elektron va audiokitoblar platformasi. Diniy-ma’rifiy, badiiy, ilmiy-ommabop va boshqa yo‘nalishlardagi kitoblarni o‘qish hamda tinglash imkonini beradi.

2️⃣. Mutolaa

O‘zbek tilidagi elektron va audiokitoblar jamlangan platforma. Turli janrlardagi asarlarni telefon orqali o‘qish yoki tinglash mumkin.

CHET TILIDA MUTOLAA UCHUN

3️⃣. Oxford Owl

Ingliz tilini boshlang‘ich darajada o‘rganayotganlarga mo‘ljallangan elektron kitoblar, o‘qish ko‘nikmasini rivojlantiruvchi materiallar va ingliz tilidagi bolalar adabiyoti jamlangan veb-platforma.

4️⃣. Epic!

Ingliz tilidagi minglab bolalar kitoblari, hikoyalar, audiokitoblar va bilim beruvchi materiallarni taqdim etadigan raqamli kutubxona.

5️⃣. Amazon Kindle

Ingliz va boshqa xorijiy tillardagi elektron kitoblarni o‘qish imkonini beruvchi mashhur platforma. Matndan muhim jumlalarni belgilash, xatcho‘p qo‘yish va ayrim kitoblarda lug‘atdan foydalanish mumkin.

6️⃣. Project Gutenberg

Mualliflik huquqi muddati tugagan minglab klassik asarlar jamlangan bepul elektron kutubxona. Ingliz, fransuz, nemis va boshqa tillardagi kitoblarni topish mumkin.

7️⃣. Libby

Xorijiy kutubxonalarga a’zoligi bo‘lganlarga hamkor kutubxonalar fondidagi elektron va audiokitoblardan vaqtincha foydalanish imkonini beruvchi ilova.

MUTOLAANI REJALASHTIRISH VA KUZATISH UCHUN

8️⃣. Google Play Books

Elektron kitoblarini bir joyda saqlashni va shaxsiy raqamli kutubxona yaratishni istaganlarga elektron kitoblarni sotib olish, shaxsiy kitob fayllarini yuklash, xatcho‘plar qo‘yish va mutolaani turli qurilmalarda davom ettirish imkonini beradi.

9️⃣. Goodreads

O‘qilgan, o‘qilayotgan va kelgusida o‘qilishi rejalashtirilgan kitoblarni ro‘yxatga olish, baholash, taqrizlar bilan tanishish va yillik mutolaa maqsadini belgilash mumkin.

1️⃣0️⃣. Bookmory

Mutolaa vaqtini hisoblash, o‘qish jarayonini qayd etish, kitoblar bo‘yicha eslatmalar yozish va shaxsiy kitobxonlik kundaligini yuritishga mo‘ljallangan ilova. Mutolaa odatini shakllantirmoqchi bo‘lganlar uchun ajoyib topilma.

"Irmoqlar" bilan ilm dengizini kashf eting!

🌐 Telegram
3️⃣ Instagram
🌐 YouTube
4️⃣ Facebook

“Eng oson sharh” kitobi taqdimotida “Hilol-Nashr” e‘tirof etildi!

✨ 2026-yil 17-oktyabr kuni “Hilol-Nashr” nashriyoti binosida Odinaxon Muhammad Sodiq tomonidan o‘zbek tiliga tarjima qilingan “Eng oson sharh” (“Arba‘in Navaviy” sharhi) kitobining taqdimoti bo‘lib o‘tdi.

💚 Tadbirda ustoz Ishoqjon domla Muhammadjon o‘g‘li, Qudratulloh domla Sidiqmetov hamda ko‘plab kitobxonlar ishtirok etdilar.

🎁 Tadbir davomida "Peshqadamlar karvoni" jamiyati 15 yildan buyon xalqimizga manfaatli bo‘lgan kitoblarni nashr qilib, ilm tarqatish va kitobxonlikni rivojlantirish yo‘lida xizmat qilib kelayotgan “Hilol-Nashr” nashriyotining faoliyatini alohida e’tirof etdi va ramziy sovg‘alar topshirdi.

📌 “Hilol-Nashr” jamoasiga fidokorona mehnatlarida kuch-quvvat tilab qolamiz!

🌐 Telegram
3️⃣ Instagram
🌐 YouTube
4️⃣ Facebook

📌 Manman kishi o‘z ayblarini tan olmaydi. O‘zini yuqori sanaydi. Qulog‘i o‘zi haqidagi maqtovdan bo‘lak narsani eshitmay qoladi.

📉 Nasihatlarni eshitishni istamagani bois bora-bora jaholat botqog‘iga botib ketadi.

💔 Achinarlisi, uning manmanligi faqat o‘ziga emas, boshqalarga ham ta’sir qiladi. Manmanlik insonlar orasiga adovat soladi.

Manmanlikdan qutulishning qanday yo‘llarini bilasiz ❓

🌐 Telegram
3️⃣ Instagram
🌐 YouTube
4️⃣ Facebook

#Ilmiy_markaz

Tadqiqotchi va mutaxassislar, kitobga qancha sarmoya kirityapsiz?

Sizlar bilan Yaponiyadagi fidoyi o‘zbek professori Alisher Umirdinovning tavsiyalarini bo‘lishamiz.

🔖 Ilmiy va kasbiy rivojlanish faqat darslarda qatnashish yoki elektron manbalarni ko‘zdan kechirish bilan cheklanmaydi. U muntazam mutolaa, manbalarni chuqur o‘rganish va ularga qayta-qayta murojaat qilishni talab etadi.

Elektron kutubxonalar bilim olish imkoniyatini kengaytiradi. Biroq bosma kitobning o‘ziga xos jihatlari ham bor: sahifalarga qaytish, muhim fikrlarni belgilash, izohlar yozish va o‘qilgan ma’lumotlar o‘rtasida bog‘lanishlar hosil qilish.

♾️ Tadqiqotchi uchun kitob shunchaki axborot manbai emas, balki ilmiy fikrlashni rivojlantirish, nazariy qarashlarni solishtirish va yangi g‘oyalar yaratish vositasidir.

Har oy yoki har semestr kitoblar uchun alohida budjet ajrating. Sohangizdagi asosiy manbalar, ilmiy monografiyalar va ishonchli tadqiqotlarni xarid qiling. Eng muhimi, kitobni shunchaki javonga qo‘yish emas, uni o‘qish, tahlil qilish va amaliyotingizda qo‘llashdir.

✍️ Xo‘sh, siz oxirgi marta qaysi kitobni ilmiy yoki kasbiy rivojlanishingiz uchun xarid qilgansiz va u sizga qanchaga tushdi?

❤️❤️❤️❤️❤️❤️❤️❤️❤️❤️

🌐 Telegram
3️⃣ Instagram
🌐 YouTube
4️⃣ Facebook

#KitobQand
#Irmoqlar

🎉 “KitobQand” kutubxonasi hamda “Irmoqlar” jamiyati tashkil topganiga 3 yil to‘ldi.

🫂 Shu davr mobaynida kitobga oshno bo‘lgan qalblarni birlashtirib, birgalikda go‘zal yo‘lni bosib o‘tdik.

🫀 3 yillik faoliyatimizni sarhisob qilish, erishilgan yutuqlar va ezgu rejalar bilan o‘rtoqlashish maqsadida siz, azizlarni «Sarhisob tadbiri»ga taklif etamiz!

🗓️ Sana: 21-oktyabr, 2026-yil

⏰ Vaqt: 14:00

📌 Manzil: “KitobQand” kutubxonasi

📌 Tadbirda qatnashishni istasangiz, sizni ro‘yxatdan o‘tkazishimiz uchun izohlarda ism-sharifingizni yozib qoldiring.

✨ Siz bilan diydor ko‘rishishdan mamnun bo‘lamiz!

🌐 Telegram
3️⃣ Instagram
🌐 YouTube
4️⃣ Facebook

Yobonlarning cheksizligi,
Ham samumi, ham hovuri,
Onajonlar allasidan,
Ko‘z yoshidan, oq sutidan;
To‘qaylarning tengsizligi,
Jilg‘alarning sho‘x g‘ovuri,
Yigitlarning yallasidan,
Suluvlarning sukutidan —
Yo‘g‘rilgan til —
Ona tilim.

✍️ Mirtemir

✨ Aziz yurtdoshim, bugungi ayyom muborak bo’lsin!

🌐 Telegram
3️⃣ Instagram
🌐 YouTube
4️⃣ Facebook

O‘zbek tili kambag‘al emas, balki o‘zbek tilini kambag‘al deguvchilarning o‘zi kambag‘al. Ular o‘z nodonliklarini o‘zbek tiliga to‘nkamasinlar.
✒️ Abdulla Qodiriy

💚 Bugungi #Kunlik_vazifalar tilimiz sofligini saqlashga qaratilgan.
Bajaring va taassurotlarni izohlarda yozib qoldiring!

✨ Bu vazifalarni har xil tillarni aralash qilib gapiradigan tanishingizga jo‘natib qo‘ying.

🌐 Telegram
3️⃣ Instagram
🌐 YouTube
4️⃣ Facebook

Bugun “KitobQand” kutubxonasi o‘zgacha fayzga to‘ldi.

🎉 Bu yerda kitobxonlar 3 yildan buyon ularning totli mutolaa maskaniga aylangan “KitobQand” kutubxonasining 3 yilligini nishonlashdi.

✨ Shuningdek, kitobsevarlar ilm dengizi sari yetaklovchi “Irmoqlar”ning 3 yilligini bayram qilishdi.

📖 Bolajonlarni mutolaaga ilhomlantiruvchi “Irmoqchalar” 1 yilligi bilan qutlandi.

💚 Va albatta, “har bir millatning dunyoda borligini ko‘rsatadigan oyinai hayoti” — o‘zbek tili bayrami munosabati bilan go‘zal savol-javoblar tashkil etildi.

Tadbirning to‘liq videosini kuting!

🌐 Telegram
3️⃣ Instagram
🌐 YouTube
4️⃣ Facebook

Professional mutaxassis bo‘lish uchun nechta til bilish kerak?

📌 Sohasining ustasi bo‘lish uchun nechta til bilish kerakligi emas, qaysi tillarni qanday darajada bilish va ulardan kasbiy faoliyatda foydalana olish muhim.

🟤 Ona tili — fikrni aniq ifodalash, tahlil qilish, ilmiy matn yozish va bilimlarni boshqalarga yetkazish uchun.
🟤 Ingliz tili — xalqaro tadqiqotlar, ilmiy maqolalar, kasbiy adabiyotlar va zamonaviy bilimlardan foydalanish, xalqaro hamkorlik o‘rnatish uchun.
🟤 Uchinchi til — muayyan soha, kasbiy maqsad va hududlarga qarab qo‘shimcha imkoniyatlar yaratish uchun.

💡 Masalan, arab tili islomshunoslikda, nemis tili ayrim muhandislik va ilmiy yo‘nalishlarda, xitoy tili esa Xitoy bilan bog‘liq sohalarda foydali bo‘lishi mumkin.

❗️ Aslida o‘zbek tilini puxta bilish ham professional kompetensiyaning muhim qismidir. Zero, xalqaro bilimlarni o‘zlashtirish bilan birga, ularni o‘zbek tilida tahlil qilish, tushuntirish va yangi ilmiy materiallar yaratish ham muhim. Uchinchi yoki to‘rtinchi til esa muayyan kasbiy ehtiyojga qarab ustunlik beradi. Bu qat’iy qoida emas. Chunki ayrim kasblarda boshqa tillarni bilish zarur, boshqalarida esa chuqur kasbiy bilim va tahliliy ko‘nikmalar ustuvor.

Siz bugungi o‘zbek mutaxassisi sifatida ona tilingizdan qay darajada samarali foydalana olyapsiz?

🌐 Telegram
3️⃣ Instagram
🌐 YouTube
4️⃣ Facebook

#Shaxsiy_rivojlanish

*️⃣ Maqsadlaringiz xomxayolligicha qolib ketmayaptimi?

🌐 Telegram
3️⃣ Instagram
🌐 YouTube
4️⃣ Facebook

Kichik irmoqlardan katta marralar sari!

🌟 “Peshqadam” jamiyatining “Kutubxonalar tashkil etish va kitobxonlikni rivojlantirish” yo‘nalishida “Irmoqlar” kitobsevarlar jamiyati o‘z faoliyatini olib boradi.

✨ Bundan roppa-rosa bir yil avval esa ushbu jamiyat qoshida “Irmoqchalar” tashkil etilgan edi.

📖 “Irmoqchalar” — 16 yoshgacha bo‘lgan bolalarni kitob va mutolaa atrofida birlashtiruvchi, ularda kitobga muhabbat uyg‘otishni maqsad qilgan jamiyat.

❗️ To‘g‘risi, jamiyatga ilk qadam qo‘yilganida biroz xavotir, bir qancha savollar ham yo‘q emasdi.

“Bolajonlar mutolaaga qanchalik qiziqish bildirisharkin? Ular ham “Irmoqlar”dek muntazam kitob o‘qiy olarmikan? Eng muhimi, bu vaqtinchalik bo‘lib qolmasdan, doimiy odatga aylana olarmikan?”

🫂 Axir, bolalarni kitob atrofida birlashtirishning o‘zi bir masala bo‘lsa, ularning mutolaaga bo‘lgan mehrini saqlab qolish, kitobxonlikni hayotining bir qismiga aylantirish yana bir mas’uliyat edi.

Ammo vaqt ko‘rsatdiki, bu xavotirlar o‘rinsiz ekan!

🫀 “Irmoqchalar” nafaqat o‘zini oqladi, balki kutganimizdan-da yaxshiroq natijalarni ko‘rsatdi. Kichik kitobxonlarimizning mutolaaga bo‘lgan ishtiyoqi, intilishi va faolligi bizni quvontirishda davom etmoqda.

🎉 Kuni kecha ana shu “Irmoqchalar” jamiyatining bir yilligini birgalikda nishonladik!

📸 Ushbu tadbirdan sizlar uchun kichik bir lavha tayyorladik.

🌐 Telegram
3️⃣ Instagram
🌐 YouTube
4️⃣ Facebook

📚 Jamiyatimiz safiga kitobxonlikni targ‘ib qilish maqsadida qo‘shilgan yurtdoshlarimiz talaygina. Ular orasida Andijon shahrida joylashgan “Yuksalish” maktabi direktori Manzuraxon Ahmedova ham borlar.

📕 Ular ayollar o‘rtasida kitobxonlikni rivojlantirish bilan bir qatorda, onalarni farzandlariga qadriyatlarimizga asoslangan go‘zal sharqona tarbiya berishga targ’ib qilib kelyaptilar.

✨ Kuni kecha O‘zbek tili bayrami haftaligi doirasida “Yuksalish” maktabida onalar o‘rtasida “Zakovat” intellektual o‘yini o‘tkazildi.

📸 Onalar ishtirokidagi bahs ko‘tarinki kayfiyatda o‘tdi. Bunga videoni tomosha qilib, o‘zingiz ham guvoh bo‘lishingiz mumkin.

🌷 Ayollarimiz, onalarimiz vaqtlarini behuda ishlarga, keraksiz suhbatlarga emas, balki mana shunday intellektual bahslarga, ilm majlislariga va kitobxonlikka sarflayotganlari quvonarli hol!

☺️ A’zomiz Manzuraxon Ahmedovaga tashakkurimizni izhor qilamiz!

🌐 Telegram
3️⃣ Instagram
🌐 YouTube
4️⃣ Facebook

💡 “Peshqadam” jamiyati O‘zbekistonning turli hududlarida, shuningdek, xorijda o‘zbeklar istiqomat qiladigan maskanlarda kutubxonalar tashkil etish, kitobni insonlarga yanada yaqinlashtirishdek ezgu maqsad yo‘lida birlashgan insonlarni o‘z atrofida jamlagan.

📚 Bu xayrli ishga har kim o‘z imkoniyatidan kelib chiqib hissa qo‘shmoqda: kimdir kutubxona uchun joy ajratsa, yana kimdir uni kitoblar bilan ta’minlashni, boshqalar esa faoliyatini yuritishni o‘z zimmasiga olgan. Ana shunday sa’y-harakatlar natijasida kutubxonalarimiz soni qariyb 80 taga yetdi.

🌷 Ular orasida barcha kutubxonalarimiz uchun namuna bo‘lib xizmat qilayotgan maskan bor.
Bu — “Peshqadamlar Karvoni” binosida joylashgan “KitobQand” kutubxonasi.

💞 Ushbu nomni kutubxonaga ustoz Odinaxon Muhammad Sodiqning o‘zlari berganlar. Kuni kecha esa “KitobQand” o‘z nomiga munosib, chinakam totli mutolaa maskani ekanini yana bir bor namoyon etdi.

🫂 Kutubxonaning 3 yilligi munosabati bilan tashkil etilgan tadbir mehmonlarga unutilmas taassurotlar va qiziqarli lahzalarni tuhfa etdi. Tadbir mehmonlariga “KitobQand”ning uch yillik faoliyatiga bag‘ishlangan maxsus videolavha ham namoyish qilindi.

▶️ Bugun ana shu videolavhani siz bilan ham baham ko‘rmoqchimiz!

🌐 Telegram
3️⃣ Instagram
🌐 YouTube
4️⃣ Facebook

#Irmoqchalar

Kichkina ovozlar, katta taassurotlar!

Bolajonlarning kitob haqida so‘zlashini tinglashning o‘zgacha zavqi bor. Ayniqsa, ular o‘qiganlarini o‘z so‘zlari bilan, bor hayajoni va samimiyati bilan hikoya qilib berishsa...

Ba’zan so‘z topolmay to‘xtalishadi, ba’zan bir voqeani hayajon bilan qayta-qayta aytishadi. Ammo har bir jumla ortida katta bir mehnat bor: o‘qish, tushunish, eslab qolish va fikrini ifodalashga intilish.

Bugun ana shu jajji kitobxonlarimizning ovozlarini bir eshittirishga jamladik.

Ularni tinglang, zavqlaning va albatta, olqishlang!

❕Zero, bugun kitob haqida dadil so‘zlashga urinayotgan bolajonlar — ertaga o‘z fikrini erkin ifoda eta oladigan insonlar bo‘lib ulg‘ayadilar.

Irmoqchalar safiga qo‘shilish uchun @Irmoqlar_bosh_koordinatori profiliga “Irmoqcha” deb yozing.

Sizga loyiha, yosh guruhlari va ishtirok etish tartibi haqida batafsil ma’lumot yuboriladi.

🌊 Irmoqchalar — kitob qanotida bilimlar sari biz bilan!

🌐 Telegram
3️⃣ Instagram
🌐 YouTube
4️⃣ Facebook

#Odoblandiya

🚩🚩🚩🚩🚩🚩🚩🚩🚩🚩

Bolalarga odob o‘rgatish har bir ota-onaning vazifasi.

🪶 Shayx Muhammad Sodiq Muhammad Yusuf hazratlarining “Ijtimoiy odoblar” kitobi asosida yaratilayotgan multfilm bu borada sizga yordamchi bo‘lsin.

📎 Uni farzandlaringiz bilan birga tomosha qiling. So‘ngra ko‘rganlaringizni ular bilan muhokama qiling.

📚 Multfilmning 9-qismi “Ijtimoiy odoblar” kitobining “Kalom odobi” mavzusidagi “G‘iybat” va “Chaqimchilik” bo‘limlari asosida tayyorlandi.

✨ Ushbu mavzularni oldindan o‘qib, o‘rganib chiqing. Shunda farzandlaringizning savollariga aniq va to‘g‘ri javob berish bilan birga, multfilm orqali yetkazilmoqchi bo‘lgan ma’noni ham to‘ldirib bera olasiz.

☺️ Shu tariqa bolalarimizga zarur odoblarni birgalikda o‘rgatib boramiz.

🔗 Oldingi qismlarga havola:
1-qism
2-qism
3-qism
4-qism
5-qism
6-qism
7-qism
8-qism

🌐 Telegram
3️⃣ Instagram
🌐 YouTube
4️⃣ Facebook

🌟 Yolg‘iz mutolaa qilayotganingizda sizga rag‘bat yetishmaydimi?

💚 Jamoaviy mutolaa qilish bu borada ajoyib yechim bo‘la oladi.

📈 O‘zingizga hamfikr kitobxonlarni bo‘lsa “Irmoqlar” hamjamiyatidan topasiz!

📚 Bu yerda kitob o‘qishni kundalik odatga aylantirgan, kunini mutolaasiz tasavvur qila olmaydigan kitobsevarlar jam bo‘lgan.

📖 Hamjamiyatda ayollar, erkaklar va bolalar uchun alohida guruhlar tashkil etilgan bo‘lib, har oy belgilangan asarlar birgalikda mutolaa qilinadi. Kitob yakunlangach esa mualliflar, ustozlar va soha mutaxassislari ishtirokida suhbatlar uyushtirilib, o‘qilgan asarlar yuzasidan fikr almashiladi.

Kitobxonlar safiga qo‘shilishni istasangiz, @Irmoqlar_bosh_koordinatori profiliga murojaat qiling!

🌐 Telegram
3️⃣ Instagram
🌐 YouTube
4️⃣ Facebook

KitobQand — katta tashkilotimizning bir qismi.

📚 Undan “Peshqadam maktabi” o‘quvchilari ham, “Peshqadam” jamiyati mehmonlari ham, “Ayol-qizlarga maʼnaviy ko‘mak” jamoasi psixologlari qabuliga kelganlar ham, ustoz Odinaxon Muhammad Sodiq bilan suhbat uchun tashrif buyurganlar ham birdek foydalana olishadi.

🫀 Sizni ham “KitobQand” da kutib qolamiz!

🌐 Telegram
3️⃣ Instagram
🌐 YouTube
4️⃣ Facebook