شاركونا أفكاركم … بالأخص إلي يشتغلون بالصيدلية … محد فكر بحل أو بطريقة ممكن تسهل على الطرفين ؟ 🌝

كل شخص منكم دا ينطي طريقة او فكرة بس مو كاملة وما تحل كل الاحتمالات … بعد كم يوم اشوفكم طريقة توصلتلها بفضل الله وهسه راح نطبقها بصيدليتنا ان شاء الله … منا لذاك الوقت فكروا وانطوني اراءكم شلون ممكن نحل كل هذه الProblems وتسهل للمريض وتسهل للصيادلة باي صيدلية
ونحافظ على خصوصية المريض 👀

تقريبا بالاسبوع اشتغل عليها 🌝

تقريبا صارلي ٤ سنوات أتعلم بالبوتات وكل مرة تنضاف ميزة جديدة أشتريها وأتعلمها لحد ما بفضل الله صارت عندي خبرة قوية وكدرت أسوي الأفكار إلي فادت طلاب المدارس والكليات … فاني أعتذر من أي أحد يراسلني يريد مني أعلمه على البوتات حتى لو جان صديقي … لأن ماريد الأفكار إلي سويتها إلي أو لفريق MFI تتقلد … وشكرا لتفهمكم

ويمكن أول مرة تدرون بهذا الشي ، أغلب البوتات الطاشة وإلي أستفاديتوا منها ، أصحابها تعلموا على البوت من عندي وساعدتهم بهذا الشي ، مثل بوت شبكة نيوتن وبوت الهيتي وبوت حقيبة المؤمن وبوت المتجر التعليمي وبوت شد حيلك والبوت الطبي التابع لـMFI وغير هذن البوتات 🙃

جان أكو خلل بإرسال الكود لتأكيد الإيميل
أنو الرسالة مجانت توصللكم لأن الإيميل إلي جنت أدزلكم الكود من عنده بيه خلل ومدا يوصل الرسالة غرجعت دزيت الكود من جديد للكل

تحقق من رسائل بريدك الإلكتروني وإذا ما لكيته فشوف الرسائل غير المرغوب بها
نعتذر عن هذا الخلل

طبعت 280 بطاقة ( ملمسها وشكلها مثل بطاقة كي كارد والبطاقة الموحدة )
وتتوزع حاليا بصيدلية فاطمة حسن عبد فإلي يحب يحصل وحدة لأبوه أو لأمه فأهلا وسهلا بيكم بصيدليتنا 🌺

نتفق أنو الغالبية الساحقة إلي يشتغلون بالصيدلية تواجد هم خريجين دفعة ٢٢ و٢١ وهذولي الدفعتين جانت دراستهم وتبليغات الكلية كلها بالتليكرام صح ؟
هاي ضمنا أنو تطبيق التليكرام موجود بكل تلفون بالصيدليات إن شاء الله 🌝

نتفق أنو أبو الصيدلية إذا ما مشترك نت فالتواجد بالصيدلية لازم مشترك نت لأن نادر ما نلكه واحد يكعد بالصيدلية بدون ما يكنك علمود يكلب بيه فيس أنستا
هاي ضمنا أنو النت متوفر عند كل تواجد بالصيدلية 🌝

بقى المطلوب من الصيدلاني يا اما عنده ايفون فيكدر يفتح الكامرة ويحط الـ( QR ) مالت البطاقة كدام الكامرة وراح يطلعله رابط يضغطه ويوديه للبوت مالتنا ( OTC ) وراح يدزله الدوة صورة واسم وجرعة وبعض الملاحظات وياها إلي تخص المريض 👀
أو عنده أندرويد ولازم يحمل أي تطبيق يقرة الباركود أو هو جهازه يكدر يقرة الباركود مثل الآيفون

فالمريض وين ما يروح وبأي دولة وبأي محافظة وبأي صيدلية يكدر يحصل أدويته عن طريق البطاقة …
وإذا سأله الصيدلاني شنو تأخذ أدوية فمجرد يطلعله البطاقة ويشوف أدويته علمود يصرفله دوة OTC مايتعارض وي أدويته أو ينبهه بطريقة صرفه بحيث ما يتضارب وي الأدوية … البطاقة سهلة الحمل وصغيرة ومرتبة … وتكدر تحطها بالمحفظة

فديو توضيح للطريقة … أحسن وأفضل حل ممكن يتطبق بواقعنا وبدون تمويل الدولة أو دعمها أو دعم النقابة 💪🏻

عندكم أفكار مقترحات نصيحة إنتقاد أو أي شي تحبون تدزوه إلنا 👀 ؟
http://samiq99mas.sarhne.com

بخصوص التعليقات على الفكرة بكروب النقابة على الفيس
اشكركم على كلامكم وتشجيعكم ودعمكم
إن شاء الله بس أشوف الفيدباك لمدة شهر تقريبا وشكد دا يرجع فائدة للبيشنت وللصيدلية
وراها أعمم الفكرة بكل مكان إذا شاء الله
هسه دا أخطط لتطويرها للأحسن ❤️

لسلام عليكم
إذا أنت صاحب صيدلية (( باي هاند )) أو تشتغل تواجد بيها ياريت تملي هذا الإستبيان لأجل دراسة المستوى العام للصيدليات الباي هاند في الآونة الأخيرة
https://forms.gle/67QukQdKx1sv2WrP7

أول تطوير للبطاقة 😎

شنو رأيكم لو المواطن يدز إشعار للصيدلية أنو يحضر أدويته المحفوظة بالبطاقة ؟؟؟ 🌝