بخصوص البوت فيتطلب تسجيل حساب وملئ المعلومات وأأكدلكم أنو كل معلوماتكم سرية وما يتم مشاركتها وي أي أحد نهائيا وهي لغرض ضمان أنو كل شي يخص المجموعة الطبية يبقى حصرا للمجموعة الطبية

الشكر لله لحد هسه أكثر من 4500 صيدلاني وطب أسنان وطب عام مسجلين بالبوت وملوا معلوماتهم ❤️

تبقى فقرة وحدة بس أوضحها لأن ماريد أحد يأخذ على خاطره شي

اني الله شاهد يوميا مشغول بشي وأبد مدا تصيرلي فرصة وكومة مسؤوليات عندي ، فمن أتأخر عليكم بالرد مو ((( تكبر ))) ولا متعمد ولا أقصد هذا الشي ، بس مدا تصيرلي فرصة والمحادثات دا تكون كلش هواي ، وهاي الفترة دا أشتغل ميزات تطويرية لبوت شد حيلك ولبوت OTC
بس للأمانة ماكدر هذا الشي بدون متطوعين وأحتاج عدد هواي كلش فالرسائل دا أصفيهن على راحتي

هسه نجي لهذا المشروع @OTC_Techbot

هذا البوت سعيت ودا أسعى أنو يكون منصة متكاملة للصيدلاني وبيه كل شي يحتاجه ، فحاليا بيه خدمة البصمة إلي تفيد الصيدليات مع ضمان حقوق الطرفين
وبيه ميزة حساب الجرعة للأطفال وعمل CV وحاليا راح أطور من ميزة قراءة الوصفة والمعلومات الصيدلانية ومعرفة البدائل

ملخص الكلام أحتاج متطوعين يساعدوني بمشروعي هذا فهاي الفترة راح أفتح باب للتطوع ، وإلي راح يساعدني راح يحصل إشترك مجاني لمدة 3 أشهر بعد إكتمال الميزات الجديدة للمشروع

شروط المتطوعين :
صيادلة حصرا متخرجين ( وممكن مرحلة 5 )
خبرة بالباي هاند وحاليا دا يشتغل بالصيدلية ( أو حتى يطبق بيها )
عنده نية حقيقية بالتطوع والمساعدة ( مو بس ينضم وكل شي ما بسوي )

يمكن راح أحتاج 100 متطوع على الأقل لأجل إكمال الميزات الجديدة بأسرع وقت

وأأكدلكم أنو هذا الشي راح يرجع بالنفع للمجتمع لأن راح نساهم بتطوير خدمة متكاملة للصيدليات 😁❤️

ومشتري MacBook ودا أطور خبرتي بالبرمجة وبعد فترة راح أربط البوت مع تطبيق راح أصممه للأندرويد والآيفون إن شاء الله 🌝❤️

السلام عليكم
مطلوب متطوعين للمشاركة في تطوير منصة OTC
شروط المتطوعين :
1- خريج معهد أو كلية صيدلة.
2- يعمل حاليا في صيدلية.
3- بحالة الطلاب ففقط المرحلة الخامسة وشرط متدرب في صيدلية حاليا.

الي يحب يتطوع يرجى التواصل مع المعرف أدناه
@AymenAlkinani

لمزيد من التفاصيل
https://t.me/OTC_Tech

شباب ، المشروع هذا أوعدكم راح يكون نافع لأبعد الحدود ، راح أسعى أن أصمم شبكة متكاملة لخدمة الصيادلة إن شاء الله

وبالنسبة للمتطوعين ، بعد إنجاز العمل بإذن الله راح يكون إلهم إشتراك مجاني لمدة 3 أشهر يوصلون لكل ميزات البوت

شنو المطلوب منكم ؟
1- كل شخص مطلوب منه يشتغل 10 أيتمات فقط يجمع المعلومات المطلوبة والمحددة وبشكل دقيق ومضبوط خلال أسبوع فقط .
2- خبرة بالأدوية ومطبق ويشتغل بالصيدلية حتى يكدر يشوف اللفلت إلي بالباكيت مالت الدوة.
3- راح نشتغل معلومات 10،000 آيتم خلال شهر واحد إن شاء الله.

بعد هذا كله راح البوت يصير عنده داتا بيس لأكثر من 10،000 ايتم وراح نكدر نشتغل 3 شغلات سوة ( قراءة الوصفة - معرفة الأدوية البديلة - معرفة معلومات الدواء الأكثر إحتياجا )

تخيلوا هاي المنصة راح تخدم كل خريج صيدلة وراح تدربه وتعلمه على الأدوية والصرف وقراءة الوصفة وحساب الجرعة

إن شاء الله راح تكون منصة متكاملة تفيد الصيادلة بكل العراق ❤️💪🏻

لذلك أقل عدد من المتطوعين إلي أحتاجه هو 100 شخص علمود نكدر ننجز المشروع خلال شهر واحد 😅❤️

عدد المتطوعين إلي محتاجيه 100 أقل شي

بعد ما يتم إنجاز هذا العمل
راح يصير داتا بيس تفيد كل إلي يشتغلون بالصيدليات ( حصرا الصيادلة ) وراح البوت يصير شي متكامل ومنصة خدمية 😁❤️

بخصوص الإشتراك فماراح يتم المطالبة بمالغ صعبة وراح ننطي طرق تكدر تحصل من خلالها الإشتراك بدون ما تدفع فلوس ❤️


رأس المال مطلوب لهذا المشروع وصعب يصير مجاني لأن كل فترة يحتاجله تمويل وضخ فلوس علمود نطوره ❤️

السلام عليكم
هذا البوت بالوقت الحالي بيه خدمتين
https://t.me/OTC_TechBot

1- حساب الجرعة للشرابات مالت الأطفال.
2- عمل C.V خاص بيك.

سعر الإشتراك 10،000 لمدة 3 أشهر
وإذا كملنا ميزات قراءة الوصفة ومعرفة البدائل وتفاصيل الأدوية فإلي إشتراكهم فعّال راح يستفادون من كل هاي الميزات بدون تكاليف إضافية

وإلي ممشترك راح يشترك بسعر 20 ألف وهم لمدة 3 أشهر


إلي يحب يفعل إشتراك البوت يراسلني خاص
@AymenAlkinani

هذا الصندوق مهم جدا
يكون موجود بكل بيت


من يوم إلي عرفت هاي المؤسسة ولحد الآن ماشفت غير السلامة والبركة والتوفيق .…. الله الله في الأيتام

طلاب الوزاري تم ايقاف بوت شد حيلك
بلشنا نشتغل على التحديث الجديد 4.0 💪🏻❤️

تبحث عن تواجد او مندبة ؟
وتعبت من كثرة الأعلانات إلي مو بمحافظتك ومو إلي تريدها بس مضطر تقراها لحد ما تلكه الأعلان إلي تريده ؟
منصة OTC عملت طريقة مميزة جدا بالأعلانات مع إمكانية كتم الإشعارات عن جميع الأعلانات عدا إلي تريدها بالمحافظة مالتك وسواء كانت مندبة أو تواجد

هذا رابط الكروب
https://t.me/OTC_Ads

تدرون إذا أكو منشور أنشر بأي قناة عامة بعدين أنمسح ، أكدر أطلع المنشور الممسوح واقراه ؟
وأكدر أطلع أحصائية وتفاصيل القناة بدون ما أصير أدمن بيها 😎

ماتصدك ؟
دزلي بالتعليقات معرف قناة عامة وهسه أطلعلك أحصائياتها وإذا أكو منشور ممسوح خلال هاي الفترة 🥸

يا هلال المحرم
https://youtu.be/t58wNtkkXkw