السلام عليكم
كثير من طلاب المرحلة الخامسة/ كلية الصيدلة يراسلوني عدهم مشكلة بحل مسائل مادة ال TDM 😖

وموعد امتحان المد صار قريب😔
وبناءاً على طلب الزملاء 😁

قررت اسويلكم محاضرات على تطبيق ال ZOOM اشرحلكم بيها مادة المد

الفصل الاول والثاني والثالث هو اساس مادة ال TDM

✅انطيكم مفاتيح لحل المسائل.
✅افهم كيفية اختيار القانون.
✅امثلة على اسئلة كوز.
✅مثلة على اسئلة وزارية.
✅شلون نبلش خطوات الحل ومنين ابدي.
✅انحل مسائل الفصل كلها.

اذا مفهمت الجابتر الاول راح تصعب عليك المادة
لذلك اليوم راح احاول قدر الامكان ابسطها الكم

✅اليوم عدنا اول محاضرة الساعة ٦ ليلا لحد ساعة ٨
✅تعاد المحاضرة بنفس اليوم ساعة ١٠ ليلا للي ميكدر يحضر ساعة ٦


تنويه
طبعا شرح اول ٣ جابترات بمقابل مادي بسيط.
الي يحب هذا معرفي للتواصل
@Herceptin

اي سؤال او استفسار يخص بقية المواد اسألوا ☝

اتمنالكم التوفيق
الصيدلي محمد جواد 🌺

دقايق ونبلش 💓

السلام عليكم
أدناه الرابط الالكتروني لاستمارة التقديم على برنامج الصيدلة السريرية لخريجي ٢٠١٩-٢٠٢٠
https://docs.google.com/forms/d/e/1FAIpQLSdWn1RT_qzJeApIUwuUmgWIaRr7NeIdxy3cmXWr49kcyX5ZVQ/viewform?usp=sf_link

جابتر ٣ مادة ال TDM لطلبة كلية الصيدلة المرحله الخامسة

هاي نسخة اوضح وادق ☝
#TDM

#برنامج_الصيدلة_السريرية

السلام عليكم

للي سألوا عن برنامج الصيدلة السريرية هاي التفاصيل

١. الشروط يكون الصيدلاني خريج دور اول + معدله ٦٠ فما فوق

٢. امتحان تنافسي ( الاسئلة اغلبها ام سي كيو من كتاب ليليان ، والباقي صح وخطأ .. تشمل فارما وكلنكال وغالبيتها عن الباطنية )

٣. درجة الامتحان التنافسي تدخل معادلة وية معدل الصيدلاني وبناءً ع نتيجة المعادلة هاي يكون التنافس
احنة بسنتنا انطونا استمارة نملي بيها المراكز الي نريد نتدرب بيها حسب الاولوية
استمارة مثل استمارة التوزيع المركزي يعني
حسب كل مركز شكد بيه مقاعد

٤. من تنقبل رح تدخل سنة كاملة دراسة وامتحانات وتقارير كالتالي
٣ اشهر بكل ردهة باطنية جراحة نسائية اطفال
امتحان مد بردهتين ، وامتحان فاينل بالاربع ردهات
تقرير بنهاية كل ردهة يشمل
تقرير كيس بشكل SOAP
Patient counseling
Patient discharge form
Patient education
Nurse education
AntiBioGram
Activities محاضرات ، بروشورات ، سمنارات .. اي شي
Certificate from Pharmacy Times websites
امتحان من قبل المشرف عليك بالمركز
وتقييم من قبله ايضاً

٥. برنامج التوأمة ..
كل سنة يختارون محافظة معينة لمدة اسبوع يروحون كل الصيادلة المتدربين بالبرنامج هناك ياخذون محاضرات وتدريب بمستشفيات هاي المحافظة
وممكن يصير امتحان المد بهاي المحافظة ايضاً
بسنتنا مصارت التوأمة بسبب ظروف كورونا

٦. بحث التخرج
اللجنة رح تعطيكم عنوان بحث معين و بنهاية السنة تقدموه مثل بحث التخرج الي قدمتوه بالمرحلة الخامسة بالكلية

٧. اذا اكو اكثر من صيدلاني بالمركز ممكن تصير منافسة بالتوزيع بعد انهاء البرنامج
على المستشفيات الي رح تتثبتون بيها

٨. نحجي ع الايجابيات والسلبيات
الايجابيات /
احنة بسنتنا الامتياز يطلع بعد انهاء البرنامج وصدور الامر الوزاري
تكون صيدلاني سريري ممارس يعني ما تستلم ذمة وما تدخل بمشاكلها
الك افضلية اذا تقدم ماستر بافرع الكلنكال و الفارما و التوكسو
و٥ نقاط اضافية اذا تقدم بورد سريرية
بالاضافة لمشرفك يكون اكو طبيب اختصاص مشرف عليك بكل ردهة

السلبيات /
ماكو محاضرات او كتاب واحد تعتمد عليه وانما فقط العناوين المطلوبة ضمن كل ردهة و المصادر
اما انت تقرا او مشرفك ينطيك محاضرات
تكون مطالب بتعهد و كفالة ٥ ملايين على انو تبقى بالصيدلة السريرية مدى الحياة
البرنامج متعب و اكو ضغط و ممكن يتغير السستم او نظام الامتحان باي وقت وهالشي صار ويانا بسبب ظروف كورونا


اذا تحب السريرية وشغلها تضطر تتحمل سنة قراية وتعب وروحة وجية
اذا ما تحب السريرية ما انصحك بيها

اي سؤال ، اي استفسار
اني حاضرة

ص. آيات ياسين / دائرة صحة الانبار

بالتوفيق للجميع

قناة اتفيد طلبة المرحلة الثالثة والرابعة / كلية الصيدلة☝

تدللون طلاب 💓

توصيات جديدة بخصوص لقاح فايروس كورونا☝

#عاجل/ وزير التعليم: برنامج العام الدراسي المقبل سيعتمد آليات التعليم الحضوري أداء وامتحاناً