*महाराष्ट्र शिक्षक पात्रता परीक्षा २०२१ चे आयोजन १० ऑक्टोबर २०२१ रोजी होणार ; अर्ज करण्याची अंतिम मुदत २५ ऑगस्ट २०२१*
पुणे : महाराष्ट्र राज्य परीक्षा परिषदेने महाराष्ट्र शिक्षक पात्रता परीक्षा २०२१ जाहीर केली आहे. यंदा MAHATET 2021 परीक्षा १० ऑक्टोबर २०२१ रोजी होणार असून त्यासाठी अर्ज करण्याची अंतिम मुदत २५ ऑगस्ट २०२१ आहे. त्याचप्रमाणे राज्यात रिक्त असणाऱ्या शिक्षकांच्या ४० हजार पदांसाठी TAIT परीक्षासुद्धा घेतली जाण्याची मागणी विद्यार्थ्यांकडून शासनाकडे वारंवार केली जात आहे. इयत्ता १ ली ते ८ वी पर्यंत शिक्षक होण्यासाठी सर्व शाळांमध्ये टीईटी परीक्षा उत्तीर्ण होणे अनिवार्य आहे.
MAHATET 2021 परीक्षेशी संबंधित सर्व माहिती, ऑनलाईन अर्ज करण्याबाबतच्या सूचना महाराष्ट राज्य परीक्षा परिषदेच्या https://mahatet.in या संकेतस्थळावर उपलब्ध आहे. टीईटी परीक्षा पेपर १ व २ साठीचे वेळापत्रक, परीक्षा फीस, अभ्यासक्रम, प्रश्नपत्रिका आराखडा व संदर्भ पुस्तके यांची माहिती पुढीलप्रमाणे आहे.
*MAHA TET 2021 वेळापत्रक*
१.ऑनलाईन अर्ज व शुल्क भरण्याचा कालावधी – ३ ऑगस्ट २०२१ ते २५ ऑगस्ट २०२१
२. प्रवेशपत्र ऑनलाईन प्रिंट काढणे – २५ सप्टेंबर २०२१ ते १० ऑक्टोबर २०२१
३. टीईटी पेपर १ दिनांक व वेळ - १० ऑक्टोबर २०२१ वेळ सकाळी १०.३० ते १.००
४. टीईटी पेपर २ दिनांक व वेळ - १० ऑक्टोबर २०२१ वेळ दुपारी २.०० ते ४.३०

*परीक्षा शुल्क*
१. सर्वसाधारण, इ.मा.व., वि.मा.प्र. व वि.जा. / भ.ज. - ५०० रुपये (फक्त पेपर १ / २ ) / ८०० रुपये (दोन्ही पेपर)
२. अनु.जाती, अनु.जमाती व दिव्यांग - २५० रुपये (फक्त पेपर १ / २ ) / ४०० रुपये (दोन्ही पेपर )

*MAHA TET परीक्षा 2021 प्रश्नपत्रिका आराखडा,अभ्यासक्रम व तयारी*

*(1)TET पेपर 1 अभ्यासक्रम, तयारीची दिशा व उपयुक्त संदर्भ पुस्तक*
*१.बालमानसशास्त्र व अध्यापनशास्त्र(30 गुण)*
यामध्ये बालकांच्या मानसशास्त्रावर आधारित 6 ते 11 वर्षे वयोगटाशी संबंधित प्रश्न विचारले जातात. यात अध्ययन, अध्यापन, विशेष बालकांच्या गरजा, शालेय आंतरक्रिया, उत्तम शिक्षकाची गुणवैशिष्ट्ये व शैक्षणिक मूल्यमापन यावर आधारित प्रश्नांचा समावेश होतो.
*महत्वाचे संदर्भ पुस्तक*
१.संपूर्ण बालमानसशास्त्र व अध्यापनशास्त्र- डॉ.शशिकांत अन्नदाते(सहावी आवृत्ती),के सागर पब्लिकेशन्स, पुणे
*2.मराठी भाषा(30 गुण)*
यामध्ये मराठी व्याकरण/उतारे/कविता/लेखक अशा विविध घटकांवर आधारित प्रश्न विचारले जातात.
*महत्वाची संदर्भ पुस्तके*
के'सागर/बाळासाहेब शिंदे/डॉ.आशालता गुट्टे/विनायक घायाळ
*3.इंग्रजी व्याकरण(30 गुण)*
यामध्ये इंग्रजी व्याकरण/उतारे/कविता/लेखक अशा विविध घटकांवर आधारित प्रश्न विचारले जातात.
*महत्वाची संदर्भ पुस्तके*
के सागर/बाळासाहेब शिंदे
*4.गणित (30 गुण)*
यामध्ये विविध गणितीय घटकांवर आधारित प्रश्न विचारले जातात.
*महत्वाची संदर्भ पुस्तके*
नितीन महाले/शांताराम अहिरे/ सतीश वसे
*5.परिसर अभ्यास (30 गुण)*
यामध्ये परिसर अभ्यास,विज्ञान,भूगोल, इतिहास,नागरिकशास्त्र पाठ्यपुस्तकांवर आधारित बेसिक प्रश्न विचारले जातात.
*महत्वाची संदर्भ पुस्तके*
१.पाचवी ते दहावीची संबंधित विषयाची पाठ्यपुस्तके/प्रा.अनिल कोलते/विनायक घायाळ
*घटकांच्या एकत्रित तयारीसाठी अत्यंत उपयुक्त संदर्भ*
TET पेपर पहिला व दुसरा संपूर्ण मार्गदर्शक - के'सागर (चौथी आवृत्ती)
*परीक्षभिमुख दृष्टीकोनासाठी मागील प्रश्नपत्रिका व प्रश्नपत्रिका सराव अत्यंत आवश्यक*
TET पेपर एकच्या अभ्यासक्रमाची व्याप्ती व अभ्यासाचा परीक्षाभिमुख दृष्टीकोन विकसित होण्यासाठी मागील प्रश्नपत्रिकांचे विश्लेषण करणे, प्रश्नपत्रिका निर्धारित वेळेत सोडविण्याचा सराव करणे अत्यंत महत्वाचे आहे. 2013 ते 2019 पर्यंत TET परीक्षा 6 वेळा आयोजित करण्यात आली होती, या परीक्षेच्या 6 प्रश्नपत्रिका समजून घेऊन अभ्यासास सुरवात केल्यास परीक्षभिमुख अभ्यास होईल, तसेच परीक्षेसाठी कोणते घटक महत्वाचे आहे, ते लक्षात येईल.
*प्रश्नपत्रिका महत्वाचे संदर्भ पुस्तक*
TET पेपर पहिला सराव प्रश्नपत्रिका व TET परीक्षेच्या 2013 ते 2019 च्या मागील 6 प्रश्नपत्रिका संग्रह उत्तरांसह - डॉ.शशिकांत अन्नदाते,के'सागर पब्लिकेशन्स,पुणे

*(2)TET पेपर 2 अभ्यासक्रम,तयारीची दिशा व उपयुक्त संदर्भ पुस्तक*

*१.बालमानसशास्त्र व अध्यापनशास्त्र(30 गुण)*
यामध्ये बालकांच्या मानसशास्त्रावर आधारित 11 ते 14 वर्षे वयोगटाशी संबंधित प्रश्न विचारले जातात. यात अध्ययन, अध्यापन,विशेष बालकांच्या गरजा, शालेय आंतरक्रिया, उत्तम शिक्षकाची गुणवैशिष्ट्ये व शैक्षणिक मूल्यमापन यावर आधारित प्रश्नांचा समावेश होतो.
*महत्वाचे संदर्भ पुस्तक*
१.संपूर्ण बालमानसशास्त्र व अध्यापनशास्त्र- डॉ.शशिकांत अन्नदाते(सहावी आवृत्ती),के' सागर पब्लिकेशन्स, पुणे
*2.मराठी भाषा(30 गुण)*
यामध्ये मराठी व्याकरण/उतारे/कविता/लेखक अशा विविध घटकांवर आधारित प्रश्न विचारले जातात.
*महत्वाची संदर्भ पुस्तके*
के सागर/बाळासाहेब शिंदे/ डॉ.आशालता गुट्टे/विनायक घायाळ
*3.इंग्रजी व्याकरण(30 गुण)*
यामध्ये इंग्रजी व्याकरण/उतारे/कविता/लेखक अशा विविध घटकांवर आधारित प्रश्न विचारले जातात.
*महत्वाची संदर्भ पुस्तके*
के सागर/बाळासाहेब शिंदे
*4.गणित व विज्ञान (60 गुण)*
यामध्ये गणितासाठी 30 व विज्ञान साठी 30 गुण आहेत.
4.1- गणित (30 गुण)
यामध्ये विविध गणितीय घटकांवर आधारित प्रश्न विचारले जातात.
*संदर्भ पुस्तके*
नितीन महाले/शांताराम अहिरे/सतीश वसे
4.2- विज्ञान (30 गुण) विज्ञान विषयात भौतिकशास्त्र, रसायनशास्त्र, जीवशास्त्र व आरोग्यशास्त्र यावरील मूलभूत संकल्पनांवर आधारित प्रश्न विचारले जातात.
*महत्वाची संदर्भ पुस्तके*
प्रा.अनिल कोलते/कविता भालेराव/विनायक घायाळ
*5.सामाजिकशास्त्र इतिहास व भूगोल (60 गुण)*
5.1- इतिहास (30 गुण)
इतिहासात प्राचीन, मध्ययुगीन व आधुनिक भारत यावर आधारित मूलभूत प्रश्न विचारले जातात.
*महत्वाची संदर्भ पुस्तके*
१.पाचवी ते बारावी शालेय इतिहास पाठ्यपुस्तके
5.2 - भूगोल.(30 गुण)
भूगोल विषयात महाराष्ट्राचा भूगोल, भारताचा भूगोल , जगाचा भूगोलचे बेसिक प्रश्न विचारले जातात.
*संदर्भ पुस्तके*
१.इयत्ता पाचवी ते बारावी भूगोल विषयाची पाठ्यपुस्तके
*TET पेपर दोन साठी सराव प्रश्नपत्रिका महत्त्वाचा संदर्भ*
१.TET सराव प्रश्नपत्रिका पेपर दुसरा (मागील प्रश्नपत्रिकांसह)- विनायक घायाळ व विद्या देशपांडे, के सागर पब्लिकेशन्स,पुणे

*टीईटी परीक्षा तयारी महत्वाच्या बाबी*

★ बेसिक संदर्भ पुस्तके वाचण्यावर भर द्यावा.
★मागील टीईटी पेपर एक व पेपर दोनच्या मागील प्रश्नपत्रिका बघून अभ्यासाची स्ट्रॅटेजी तयार करा.
★टीईटी परीक्षेत 90 प्लस गुण मिळवण्याच्या हेतूने प्रामाणिकपणे अभ्यास करा.
★वेळेचा अपव्यय करणाऱ्या सर्व बाबींपासून दूर रहावे.
★बालमानसशास्त्र विषय चांगला समजून घेतल्यास व वस्तुनिष्ठ प्रश्न सोडवण्याचा सराव केल्यास दोन्ही पेपरमध्ये अधिक गुण मिळवता येतील.
★परीक्षेसाठी घटकनिहाय संदर्भ पुस्तके वाचावीत.
★इतिहास, भूगोल, विज्ञान व गणित विषयांची पाचवी ते दहावी पर्यंतची पाठ्यपुस्तके वाचावीत.
★शक्य असल्यास नोट्स काढा/पाठ्यपुस्तकातीळ महत्वाच्या मुद्यांना अंडरलाइन करा.
★प्रश्नपत्रिका निर्धारित वेळेत सोडविण्याचा सराव करावा.
★टीईटी परीक्षा होईपर्यंत फेसबुक, व्हाट्सप पासून दूर राहिल्यास बराच अभ्यासक्रम कव्हर होईल.
★परीक्षेला सकारात्मकतेने "टीईटी पास होणारच" या आत्मविश्वासाने सामोरे जा.

*Best of luck*

*#आपल्या एका share करण्याने गरजू विद्यार्थ्यांना योग्य माहिती व मार्गदर्शन मिळेल#*

228549.pdf

*महाराष्ट्र टीईटी परीक्षा २०२१ बालमानसशास्त्र विषयाची चांगली तयारी करून ३० पैकी ३० गुण कसे मिळवाल?*

विद्यार्थी मित्रांनो, महाराष्ट्र शिक्षक पात्रता परीक्षा १० ऑक्टोबर २०२१ रोजी होणार आहे. या परीक्षेतील पेपर १ व २ मध्ये “बालमानसशास्त्र व अध्यापनशास्त्र” या विषयावर प्रयेकी ३० गुणांसाठी ३० प्रश्न विचारले जातात. सदर विषय डी.एड व बी.एड पदवीमध्ये अभ्यासाला असल्याने काही विद्यार्थी त्याच्या विशेष अभ्यास करण्याकडे दुर्लक्ष करतात, तर काही विद्यार्थ्यांना सदर विषयातील संकल्पना लक्षात न आल्याने त्यांची परीक्षेतील उत्तरे चुकून १५ ते २० दरम्यान गुण मिळतात. परंतु जर आपण बालमानसशास्त्र विषयाचा अभ्यासक्रम व मागील झालेल्या प्रश्नपत्रिकांचे विश्लेषण करून सदर विषयाची चांगली तयारी केली तर या विषयात २७ ते ३० दरम्यानही गुण मिळू शकतात, ज्यामुळे एकत्रित गुण वाढून टीईटी परीक्षा उत्तीर्ण होण्यास महत्वपूर्ण मदत होते.

*बालमानसशास्त्र व अध्यापनशास्त्र विषयाचा अभ्यासक्रम काय आहे?*
या विषयाच्या अनुषंगाने विचारण्यात येणारे प्रश्न हे शैक्षणिक मानसशास्त्र यासंबंधी आणि ६ ते ११ वर्षे (टीईटी पेपर एक) व ११ ते १४ वर्षे (टीईटी पेपर दोन) वयोगटाच्या विद्यार्थ्यांच्या अध्ययन-अध्यापन प्रक्रियेशी संबंधीत असतील. याचबरोबर विशेष गरजा असणारी बालके, त्यांची गुणवैशिष्ट्ये, शालेय आंतरक्रिया, उत्तम शिक्षकाची गुणवैशिष्ट्ये यांच्यावर आधारीत प्रश्नांचाही समावेश असेल. तसेच विविध विषयांच्या अध्यापन पध्दती, मूल्यमापन पध्दती यावर आधारीत प्रश्नांचा समावेश राहील.सदर अभ्यासक्रम हा डी.एड पदविका व बी.एड पदवीशी निगडीत आहे. यावर आधारित टीईटी पेपर १ व २ मध्ये प्रत्येकी ३० प्रश्न विचारले जातात.

*बालमानसशास्त्र व अध्यापनशास्त्र मागील प्रश्नपत्रिकेत विचारलेल्या प्रश्नांचे स्वरूप*
आतापर्यंत टीईटी परीक्षेच्या ६ परीक्षा झाल्या आहेत, यामध्ये बालमानसशास्त्र व अध्यापनशास्त्र विषयाच्या पुढील घटकांवर प्रश्न विचारले आहेत.
बालमानसशास्त्र अर्थ व व्याख्या, बालमानसशास्त्र सिद्धांत, बालकेंद्रित शिक्षण, बालविकास संकल्पना, विकासाची तत्वे, विकासाच्या उपपत्ती, परिपक्वतेची विकासातील भूमिका, मानसशास्त्र अर्थ व व्याख्या, मानसशास्त्र संप्रदाय, बालकाचा शैशवावस्था, बाल्यावस्था, कुमार अवस्था यामधील शारीरिक, बौद्धिक, सामाजिक व नैतिक विकास, अध्ययन व्याख्या, अध्ययन उपपत्ती, अध्ययन विषयक नियम, अध्ययन संक्रमण, व्यक्तिभेद, व्यक्तिमत्व विकासावर अनुवंश व परिवेशाचा परिणाम, बुद्धिमत्ता अर्थ, व्याख्या, प्रकार, बुद्धिमत्ता सिद्धांत, बुद्धिमापन चाचण्या व मानसशास्त्रज्ञांचे योगदान, व्यक्तिमत्व व्याख्या व व्यक्तिमत्व प्रकार, संरक्षण यंत्रणा, संवेदना, संबोध, अवबोध, जीन पियाजे, कल्पना, प्रेरणा व प्रेरणेचे प्रकार, प्रतिमा अर्थ व व्याख्या, स्मरण अर्थ, व्याख्या व प्रकार, मानसिक संघर्ष, भावनिक बुद्धिमत्ता, अध्यापन उपपत्ती, बालगुन्हेगारी, सर्जनशीलता, विशेष बालकांच्या गरजा, समावेशित शिक्षण, वाचन अक्षमता, डिस्लेक्सीया, अध्यापन पद्धती सूत्रे, अध्यापन व्याख्या, अध्यापनाच्या विविध पद्धती, अध्यापनाची सूत्रे, अध्यापनावर परिणाम करणारे घटक, प्रभावी अध्यापन वैशिष्ट्य, अध्यापनाची प्रतिमाने, मूल्यमापन संकल्पना, मूल्यमापन प्रकार, अध्ययन अनुभव, शालेय आंतरक्रिया, उत्तम शिक्षकाची गुणवैशिष्ट्ये इत्यादी घटकांवर आधारित प्रश्न विचारण्यात आले आहेत.

*बालमानसशास्त्र व अध्यापनशास्त्र विषयासाठी कोणती पुस्तके वाचावीत?*
बालमानसशास्त्र व अध्यापनशास्त्र विषयाच्या तयारीसाठी तात्विक, परीक्षेच्या दृष्टीने महत्वपूर्ण संकल्पनात्मक व परीक्षाभिमुख माहिती देणारी पुढील पुस्तके अत्यंत उपयुक्त ठरतात.
१.संपूर्ण बालमानसशास्त्र व अध्यापनशास्त्र (विश्लेषण व वस्तुनिष्ठ सराव प्रश्न) – डॉ. शशिकांत अन्नदाते, के’ सागर पब्लिकेशन्स (सहावी आवृत्ती)
२.शैक्षणिक व प्रायोगिक मानसशास्त्र -डॉ. ह. ना. जगताप , नित्यनूतन प्रकाशन, पुणे

*बालमानसशास्त्र व अध्यापनशास्त्र विषयाची तयारी कशी करायची ?*
सर्वप्रथम विद्यार्थी मित्रांनो, आपणास या विषयाची तयारी करत असतांना मानसशास्त्रीय संकल्पना समजावून घेणे आवश्यक आहे. बालमानसशास्त्र बालकाच्या वर्तनाचा विचार करत असल्याने आपणास अभ्यासक्रमातील संकल्पना वाचत असतांना त्याचा बालकाच्या जीवनाशी संबध जोडावयास शिकले पाहिजे. यामधील बुद्धिमत्ता उपपत्ती, अध्ययन उपपत्ती, व्यक्तीमत्व उपपत्ती याच्याशी संबधित मानसशास्त्रज्ञ पाठ करायला हवेत, तसेच या उपपत्तीत अंतर्भूत नियम, सूत्र व संकल्पना समजावून घेतली पाहिजे, कारण यावर आधारित प्रश्न परीक्षेस हमखास विचारले जातात.तसेच मागील परीक्षेतील प्रश्नपत्रिकांचे विश्लेषण केले असता मानसशास्त्रातील संकल्पनांच्या व्याख्येवर आधारित देखील प्रश्न निश्चितपणे

विचारले गेले असल्याचे दिसते. त्यामुळे विद्यार्थ्यांनी महत्वपूर्ण मानसशास्त्रीय व्याख्या व ती व्याख्या कोणी मांडली, त्या व्याख्येत नेमकेपणाने कोणत्या बाबी समाविष्ट आहेत, हे समजावून घेणे गरजेचे आहे. या पेपरचा अभ्यास करतांना वाचलेल्या माहितीवर चिंतन व मनन आवश्यक असून त्यावर आधारित भरपूर वस्तुनिष्ठ प्रश्न सोडविणे आवश्यक आहे. त्यातून प्रश्नांची उत्तरे देण्यात अधिकाधिक अचूकता व वस्तुनिष्ठ प्रश्न सोडविण्याचा तार्किक दृष्टीकोन विकसित होऊ शकेल.
विद्यार्थी मित्रांनो तुम्ही बालमानसशास्त्र व अध्यापनशास्त्र विषयाचा अभ्यास मनापासून केलात तर या विषयात पडणारे गुण आपणास टीईटी परीक्षेत उत्तीर्ण होण्यासाठी निश्चितच उपयुक्त ठरणार आहे, परीक्षेच्या यशोदायी तयारीसाठी आपणास मन:पूर्वक शुभेच्छा !!

मित्र हो ! गेल्याच आठवड्यात मी पीएच. डी. संशोधन प्रबंध कसा लिहावा यासंबंधीचे व्याख्यान माझ्या SET / NE T Guidance - by Dr H.N. Jagtap या यूट्यूब चॅनेलवरून प्रसारित केले होते. त्यानंतर मला काही विद्यार्थ्यांनी संशोधनातील काही महत्वपूर्ण संज्ञासंबंधी अधिक विवेचन करणारे व्याख्यान आयोजित करावे असे सुचविले होते. त्यानुसार गृहीतक, चले व त्यांचे प्रकार, परिकल्पना व त्यांचे प्रकार, . न्यादर्श व न्यादर्श किंवा नमुना निवडण्याच्या पद्धती, कार्यात्मक व्याख्या , संभाव्यता इ. संकल्पनाचे सोदाहरण स्पष्टीकरण करणारे व्याख्यान उपरोक्त यूट्यूब चॅनेलवर आयोजित केलेले आहे. ते आपणास खालील लिंकवर देखील पहावयास मिळेल. सेट परीक्षेला बसलेल्या उमेदवारांनी तसेच संशोधनप्रेमींनी अवश्य लाभ घ्यावा.

https://youtu.be/lVAY2GjymQc

➖➖➖➖➖➖➖➖➖➖➖➖
संपूर्ण बालमानसशास्त्र व अध्यापनशास्त्र - डॉ. शशिकांत अन्नदाते सर (6 वी आवृत्ती)
➖➖➖➖➖➖➖➖➖➖➖➖
हे पुस्तक MAHA-TET व CTET पेपर 1 व 2 साठी अत्यंत दर्जेदार आहे. या पुस्तकात अभ्यासक्रमातील बालमानसशास्त्र, अध्ययन प्रक्रिया, अध्यापनशास्त्र ,विशेष बालकांच्या गरजा, शालेय आंतरक्रिया, उत्तम शिक्षकाची गुणवैशिष्ट्ये व शैक्षणिक मूल्यमापन इत्यादींवर आधारित घटकांचा सखोल परामर्श घेतला आहे. तक्ते व आकृत्याद्वारे प्रत्येक मुद्याचे विश्लेषण करण्यात आले आहे व घटकानुसार 3000 सराव प्रश्नांचाही समावेश या पुस्तकामध्ये करण्यात आला आहे. TET/ CTET/ TAIT परीक्षेची तयारी करणाऱ्यांसाठी अत्यंत उपयुक्त संदर्भ ग्रंथ म्हणजे डॉ.अन्नदाते सरांचे संपूर्ण बालमानसशास्त्र व अध्यापनशास्त्र हे मार्गदर्शक पुस्तक होय !!!
➖➖➖➖➖➖➖➖➖➖➖➖
सदरील पुस्तक खालील लिंकवर उपलब्ध आहे.
👉https://amzn.to/3jfkSU7
➖➖➖➖➖➖➖➖➖➖➖➖
💠TET/CTET/TAIT channel💠
👉https://t.me/joinchat/AAAAAEWss8Y8wGqu6ZhG2w
➖➖➖➖➖➖➖➖➖➖➖

NET/SET/PET पेपर 2 साठी अनुवादित मराठी संदर्भ पुस्तके

Sample copy - MAHA TET 2021
संपूर्ण बालमानसशास्त्र व अध्यापनशास्त्र
- डॉ.शशिकांत अन्नदाते

CTET परीक्षा ऑनलाइन होणार आहे