SET/NET/TAIT 2026
8.01K subscribers
1.76K photos
3 videos
499 files
1.36K links
महाराष्ट्रातील विविध विद्यापीठातील पीएच.डी प्रवेश परीक्षा(PET), NET-SET परीक्षा, CTET ,TET व TAIT परीक्षा तयारी करण्यासाठी अद्ययावत माहिती व मार्गदर्शन
Download Telegram
*'पेट दुसरा पेपर १३ मार्च रोजी होणार*

- ‘ऑनलाईन‘ परीक्षा
- ४५ विषयातील ६ हजार ३८३ विद्यार्थी दुसरा पेपर देणार

औरंगाबाद, दि.६ : डॉ.बाबासाहेब आंबेडकर मराठवाडा वि़द्यापीठाच्यावतीने ऑनलाईन ‘पीएच.डी‘ एंट्रन्स टेस्ट येत्या शनिवारी (दि.१३) घेण्यात येणार आहे, अशी माहिती परीक्षा व मूल्यमापन मंडळाचे संचालक डॉ योगेश पाटील यांनी दिली.
यावेळी पेट ऑनलाईन घेण्याचा निर्णय मा.कुलगुरु डॉ.प्रमोद येवले यांनी घेतला. ४५ विषयासाठी ११ हजार १५४ विद्यार्थी परीक्षेस उपस्थित होते. सकाळी १० ते १ दरम्यान ३० जानेवारी २०२१ रोजी ‘पेट‘चा ५० गुणांचा पहिला पेपर ऑनलाईन पध्दतीने घेण्यात आला. १ फेब्रुवारी रोजी निकाल घोषित करण्यात आला. यामध्ये सहा हजार ३८३ विद्यार्थी उत्तीर्ण झाले आहेत. आता १३ मार्च रोजी दुसरा पेपर घेण्यात येईल.
या पेपर लाईन विद्यार्थ्यांना पहिल्या पेपर प्रमाणेच मोबाईल लॅपटॉप अथवा संगणकावर परीक्षा देता येईल. मात्र या परीक्षेसाठी शंभर प्रश्न असणार असून ९० मिनिटांचा वेळ देण्यात येईल, गुणही १०० असणार आहेत. १७ मार्च रोजी निकाल लागेल. दोन्ही पेपरचा निकाल २० मार्च रोजी लागेल. त्यानंतर प्रमाणपत्र वितरीत करण्यात येतील. पेट उत्तीर्ण तसेच संशोधनासाठी पात्र (सेट, नेट, एम.फिल, पाच वर्षाचा अध्यापनाचा अनुभव आदी) विद्यार्थ्यांची नोंदणी २२ मार्च ते ३ एप्रिल दरम्यान पीएच.डीसाठी ऑनलाईन नोंदणी तर एप्रिल महिन्यात संशोधन मान्यता समितीच्या बैठका घेण्यात येणार आहेत. ४५ विषयात ‘पेट‘ होणार असून विषयनिहाय रिक्त जागा व गाईडची संख्याही प्रकाशित करण्यात येणार आहे.

‘पेट‘चा दुसरा टप्पा १३ मार्च ते ८ एप्रिल दरम्यान आयोजित करण्यात आला आहे. या टप्प्यात ‘पेट‘ उत्तीर्ण झालेले तसेच ‘पेट‘मधून सुट मिळालेले दुस-या टप्प्यात नोंदणी करण्यासाठी पात्र असणार आहेत. यामध्ये नेट, सेट, स्लेट, सीएसआयआर, जेआरएफ, गेट, जीपॅट, एफआयपी तसेच ‘सीईटी‘ मार्फत प्रवेश घेऊन पदवी प्राप्त एम.फिल विद्याथ्र्यांना प्रवेश घेता येईल. २२ मार्च ते ३ एप्रिल दरम्यान ऑनलाईन नोंदणी करता येईल. तर ८ एप्रिलपर्यंत विद्यापीठात ‘हार्ड कॉपी‘ जमा करता येईल. तसेच एप्रिल महिन्यात संशोधन व अधिमान्यता समितीच्या आरआरसी बैठक होणार आहे, असे परीक्षा विभागाचे उपकुलसचिव डॉ. गणेश मंझा यांनी कळविले आहे.

………
*संजय शिंदे*
जनसंपर्क अधिकारी,
डॉ. बाबासाहेब आंबेडकर मराठवाडा विद्यापीठ, औरंगाबाद
*राजर्षी शाहू महाविद्यालय (स्वायत्त), लातूर*

*राज्यशास्त्र विभाग*

च्या वतीने आयोजित

*One Day National Workshop for All Faculty PG Students*
on
*Techniques to Qualify NET / SET Examinations*

*दि. 19-03-2021*

कार्यक्रम अध्यक्ष :
*डॉ.महादेव गव्हाणे*
(प्राचार्य)
रा.शा.म. (स्वायत्त), लातूर

प्रमुख मार्गदर्शक :
*डॉ. शशिकांत अन्नदाते*
(महावीर महाविद्यालय, कोल्हापूर)
NTA-UGC Conducted
NET / SET/ JRF / PET Exams
पेपर पहिला
अध्यापन व संशोधन अभियोग्यता
संपूर्ण मार्गदर्शक
या पुस्तकाचे सुप्रसिद्ध लेखक.
*कार्यशाळेत सहभागी होण्यासाठी खालील लिंकवर नोंदणी करावी.*
https://forms.gle/r7BzqYnHx5JSTx5L9

*कार्यशाळेसंबंधीत अधिक माहितीसाठी Telegram Channel Join करा.*
https://t.me/rsmlpol_sci_workshop
CA/CS/ICWA equivalent PG Degree
Principal Rajrashi Shahu College, Latur is inviting you to a scheduled Zoom meeting.

Topic: One day National Workshop for all faculty PG students on Techniques To Qualify NET/ SET Examinations organized by Department of Political Science
Time: Mar 19, 2021 11:00 AM Mumbai, Kolkata, New Delhi

Join Zoom Meeting
https://us02web.zoom.us/j/83195527561?pwd=R1dJL2krOEdnSlhYYk9XTm9Ec0V3QT09

Meeting ID: 831 9552 7561
Passcode: rsml123
हा माझा लेख प्रचंड व्हायरल झाला. नावानिशी, नाव न देता, भलत्याच लोकांनी स्वतःच्या नावावर ही खपवून घेतला..ते असो!

तर आज जागतिक झोप दिवसाच्या निमित्ताने साखर झोपेत मीठ कालवण्याचे उद्योग!
***********
आपल्या झाेपेचा साैदा.
याच वर्षीच्या ऑक्टोबर महिन्यातली घटना. बंगलोरच्या नॅशनल इन्स्टिट्यूट ऑफ मेंटल हेल्थ अँड न्यूरोसायन्स म्हणजेच निमहान्स या संस्थेत एका 26 वर्षाच्या बेरोजगार तरुणाने स्वतःला व्यसनमुक्तीसाठी दाखल करून घेतलं. या तरुणाला कशाचं व्यसन होतं? तर नेटफ्लिक्सवरच्या निरनिराळ्या सीरिअल्स आणि सिनेमे बघण्याचं.

हा तरुण दिवसाचे जवळपास आठ तास आणि 29 मिनिटं सलग नेटफ्लिक्स बघण्यात घालवत होता. निमहान्स संस्थेने या तरुणाला व्यसनमुक्तीसाठी दाखल करून घेतलं आहेच. शिवाय महत्वाचं म्हणजे नेटफ्लिक्सच्या व्यसनाची नोंद झालेली जगातली ही पहिली केस मानली जाते. जगभर नेटफ्लिक्सच्या व्यसनाबद्दल जोरदार चर्चा सुरु झाली असली तरी सलग नेटफ्लिक्स बघण्याचा ज्याला ऑनलाईन भाषेत लळपसश-ुरींलहळपस म्हणतात, त्याचा जागतिक कालावधी सहा तास पंचेचाळीस मिनिटांचा आहे. या तरुणाचं नेटफ्लिक्स बघण्याचं आठ तास आणि 29 मिनिटं हे प्रमाण गेले सहा महिने असल्यामुळे अर्थातच त्याची रवानगी व्यसनमुक्तीसाठी करण्यात आली आहे.

ही बातमी वाचत असताना आजूबाजूचे नियमित नेटफ्लिक्स बघणारे अनेक चेहरे डोळ्यासमोर येऊन गेले. विचार करत होते इतकं सतत बघण्याचा कंटाळा येत नाही का? तितक्यात काही दिवसांपूर्वी वाचलेली अजून एक बातमी आठवली. नेटफ्लिक्सचे सीईओ रीड हेस्टिंग्स यांना नेटफ्लिक्सचा सगळ्यात मोठा स्पर्धक कोण आहे? असं विचारलं गेलं तेव्हा त्यांनी अगदीच अनपेक्षित उत्तरं दिलं. सर्वसाधारणपणे नेटफ्लिक्स आणि अमेझॉनमध्ये बाजार काबीज करण्यासाठी चढाओढ चालू असते. असा आपला अंदाज असतो त्यामुळे नेटफ्लिक्सचा सगळ्यात मोठा स्पर्धक अमेझॉन असं आपण गृहीत धरतो, पण रीड हेस्टिंग्सने मात्र वेगळाच विचार मांडला. ते म्हणाले, ‘झोप हा आमचा सगळ्यात मोठा स्पर्धक आहे.’ सहज हसण्यावारी नेण्यासारखा हा मुद्दा नाहीये. स्वतःच्या घरात आणि आजूबाजूला बघितलं कि नेटफ्लिक्स कुणाशी स्पर्धा करतंय हे सहज दिसतं. घुबडासारखी रात्र रात्र जागून सिरिअल्सचे सीझन्स संपवणारी माणसं हे काही दुर्मिळ दृश्य राहिलेलं नाही. एक संपली कि दुसरी अशीच सलग बघणारेही अनेक आहेत. एका तरुण मुलाला आपण व्यसनी बनत चाललो आहोत याची जाणीव होऊन त्याने त्यातून मुक्तता मिळावी आणि आयुष्याची गाडी रुळावर यावी यासाठी व्यसनमुक्ती केंद्रात धाव घेतली पण उरलेल्याचं काय?

नेटफ्लिक्स, त्याचं व्यसन या सगळ्याची गुंतागुंत समजून घ्यायची असेल तर सगळ्यात आधी आपल्या मनोरंजनाच्या पद्धती बदलल्या आहेत. हेही समजून घेतलं पाहिजे. एखादी सीरिअल एकत्र बसून बघणं हा प्रकार जवळपास कालबाह्य व्हायला आला आहे. कालपर्यंत मनोरंजन हा कुटुंबाचा एकत्रित वेळ होता. लोक टीव्हीवरच्या सीरिअल्स आवडो न आवडो एकत्र बसून बघत होते. त्यामुळे त्याला काही एक मर्यादा होती. आता हातातल्या स्मार्ट फोनवर सगळंच उपलब्ध झाल्यावर मनोरंजनही ज्याच्या त्याच्या मोबाईलच्या स्क्रीन पुरतं मर्यादित झालं आहे. ‘मी काय बघते हे तू बघू नको आणि तू काय बघतोयस हे बघायला मी डोकावणार नाही.’ असा सगळं मामला. शिवाय या सगळ्याला स्थळ, काळाचं बंधन उरलेलं नाही. अमुक एक वाजताच सीरिअल बघावी लागेल, रिपीट एपिसोड बघायचा असला तरीही अमुक एक वाजताच हि भानगडच नाही. ज्याला जेव्हा वाटेल तेव्हा बघता येण्याची सोय क्रांतिकारी असली तरी माणसांचं मनोरंजन चौकटीत कोंबून टाकणारी आहे. त्यामुळे मनोरंजनाचा आस्वाद घेण्याची पद्धतच मुळापासून बदलली आहे. त्यातलं सार्वजनिक असणं लोप पावत चाललं आहे. आणि व्यक्तिकेंद्रित मनोरंजनाकडे आपण झपाट्याने चाललो आहोत.

शिवाय नेटफ्लिक्स काय किंवा अमेझॉन काय ही माध्यमे मुक्त आहेत. अजून तरी सेंसॉरशिप लागू झालेली नाही. त्यामुळे निरनिराळ्या सीरिअल्समधले मुक्त लैंगिक व्यवहार जे सॉफ्ट पॉर्न प्रकारातले असतात सहज बघण्याची सोय आहे. ते चांगलं कि वाईट हा निराळा चर्चेचा मुद्दा. मुळात उपलब्ध आहे हे महत्वाचं. एरवी हिंदी सिनेमातला एखादा जेमतेम लव्ह सिन म्हणता येईल असा सीनही घरात सगळ्यांच्या सोबत बघायला अवघडलेल्या समाजाला अचानक माणसांचे नग्न देह आणि त्यांचे आकर्षक व्यवहार सहज बघायला मिळतायेत. मनोरंजन स्वतःपुरतं मर्यादित राखण्यामध्ये हाही महत्वाचा मुद्दा असतोच, नाकारून चालणार नाही.

या सगळ्याचा आपल्या झोपेवर परिणाम होतोय. नेटफ्लिक्स आज उघडपणे म्हणतंय कि त्यांची स्पर्धा माणसाच्या झोपेशी आहे. तो जितका कमी झोपेल आणि नेटफ्लिक्स बघण्यात वेळ घालवेल तितकं बरं ! खरंतर नेटफ्लिक्सने हे उघडपणे सांगितलं इतकंच बाकी अमेझॉन, हॉटस्टार यांचीही स्पर्धा झोपेशीच आहे. इतकंच कशाला या सगळ्या आधुनिक डिजिटल प्लॅटफॉर्म आधी आलेल्या युट्युबनेही न बोलता कायम आपल्या झोपेशी स्पर्धा केली आहे. फे