👆O.B.C., VJNT, SBC उमेदवारांना Ph.D.करण्यासाठी 5 वर्षासाठी अर्थ सहाय्य योजना: महात्मा ज्योतिबा फुले संशोधन छात्रवृत्ती(MJPRF) 2021 Maharashtra

*गोंडवाना विद्यापीठाची पीएच.डी प्रवेश परीक्षेची जाहिरात प्रसिद्ध; अर्ज करण्याची अंतिम मुदत 20 जुलै 2021*
गडचिरोली येथील गोंडवाना विद्यापीठाची पीएच.डी प्रवेश परीक्षा (PET 2021) विविध विषयांसाठीची जाहिरात प्रसिद्ध झाली आहे. या परीक्षेसाठी अर्ज भरण्याची अंतिम मुदत 20 जुलै 2021 आहे. PET परीक्षा ऑनलाइन घेण्यात येणार असून त्याचे वेळापत्रक विद्यापीठाच्या www.unigug.org या वेबसाईटवर प्रकाशित करण्यात येणार आहे.
*PET परीक्षा ऑनलाइन अर्ज करण्याची अंतिम दिनांक -*
20 जुलै 2021
*PET परीक्षा फिस -*
खुला प्रवर्ग - ₹ 1000/-
मागास प्रवर्ग - ₹ 650/-
दिव्यांग विद्यार्थी - ₹ 650/-
*अधिक माहितीसाठी*
http://mhpravesh.in/gugpet2021/StaticPages/HomePage.aspx
*गोंडवाना विद्यपीठ PET परीक्षेचे स्वरूप, अभ्यासक्रम व तयारी*
★ गोंडवाना विद्यापीठाच्या PET परीक्षेत PET पेपर 1 हा General Attitude आणि PET पेपर 2 हा विषयाशी निगडित आहे. PET परीक्षा 200 गुणांची असून त्यामध्ये Section A.General Attitude हा 50 प्रश्न 100 गुण आणि Section B. Subject Specific 50 प्रश्न 100 गुणांचा असून तो पदव्युत्तर विषयाशी निगडित असणार आहे. परीक्षेचा एकूण कालावधी 2 तास असून प्रत्येक Section साठी कालावधी 1 तास राहणार आहे.

*PET पेपर 1: General Aptitude*
PET पेपर 1 मध्ये 100 गुणांसाठी 50 प्रश्न विचारण्यात येणार आहे. PET पेपर एकमध्ये विद्यार्थ्यांना अभ्यासक्रमातील पुढील घटकांचा अभ्यास करावा लागणार आहे.
★Logical Reasoning (तार्किक अनुमान)10 गुण
★Numerical Ability (अंकगणितीय योग्यता)10 गुण
★Analytical Reasoning (विश्लेषणात्मक तर्क)20 गुण
★Language (भाषाविषयक क्षमता)10 गुण
★Aptitude Test (अभियोग्यता चाचणी)10 गुण
★Computer(संगणक)10 गुण
★Environment Awareness (पर्यावरण जागरूकता) 10 गुण
★Research Methodology (संशोधन पद्धतीशास्त्र) 20 गुण
वरील सर्व घटक नेट-सेट परीक्षेच्या पेपर एकच्या अभ्यासक्रमात समाविष्ट आहेत, त्यादृष्टीने पुढील संदर्भ पुस्तके अत्यंत उपयुक्त ठरतील.
*1.NET/SET/PET परीक्षा संपूर्ण मार्गदर्शक - डॉ.शशिकांत अन्नदाते (पाचवी आवृत्ती), के'सागर पब्लिकेशन्स, पुणे*
या पुस्तकात PET अभ्यासक्रमातील सर्व घटकांचे मुद्देसुद, आकृतीद्वारे विश्लेषण असून प्रत्येक घटकांचे साधारण 300 वस्तुनिष्ठ प्रश्न दिलेले असल्याने सदर पुस्तक आपणास परीक्षेसाठी अत्यंत उपयुक्त ठरणार आहे.
*तसेच PET परीक्षेच्या पेपर 1 च्या अभ्यासक्रमातील घटकानुसार पुढील स्वतंत्र पुस्तकेही विद्यार्थ्यांना उपयुक्त ठरतील.*
■विश्लेषणात्मक तर्क क्षमतेसाठी के'सागर/अनिल अंकलगी/पंढरीनाथ राणे तसेच नेट सेट परीक्षेतील प्रश्नांचा सराव करावा.
■अंकगणितीय योग्यतेसाठी सतीश वसे/के सागर/वा. ना.दांडेकर
■भाषाविषयक क्षमतेसाठी नेट सेट परीक्षेतील आकलनविषयक उतारे सोडवावेत तसेच इंग्रजी व मराठी व्याकरणातील समानार्थी, विसुद्धार्थी शब्द, वाकप्रचार अभ्यासावेत.
■संगणक घटकासाठी MSCIT पुस्तक व अन्नदाते यांच्या पुस्तकातील माहिती अभ्यासावी.
■पर्यावरण विषयक जागरूकता घटकासाठी एरीक भरूचा पुस्तक वाचावे व नेट सेट पुस्तकातील प्रश्न सोडवावेत.
■तार्किकदृष्टीने माहितीचे विश्लेषण करिता डॉ.आर.एस.अग्रवाल व डॉ.अन्नदाते यांच्या पुस्तकातील माहितीचा व प्रश्नांचा सराव करावा.
■संशोधन पद्धती विषयाच्या तयारीसाठी उपयुक्त पुस्तके
1.सामाजिक संशोधन पद्धती - डॉ.प्रदीप आगलावे, विद्या प्रकाशन, नागपूर
2.संशोधन पद्धती - पीएच.डी प्रवेश परीक्षा परीक्षाभिमुख विवेचन व 500 वस्तुनिष्ठ प्रश्न - डॉ.शशिकांत अन्नदाते, के'सागर पब्लिकेशन्स
3.शोधनिबंधाची लेखनपद्धधती - मिलिंद मालशे, लोकवाड्मय गृह
*PET परीक्षा पेपर 2 अभ्यासक्रम व तयारी*
■ PET पेपर 2 हा पदव्युत्तर विषयाशी संबंधित व त्या विषयाच्या संशोधन पद्धतीशी निगडित असतो.
■PET पेपर 2 साठी पदव्युत्तर विषयाच्या अभ्यासक्रमात नेमलेली संदर्भ पुस्तके व नेट सेट पेपर दोनची पुस्तके वाचावीत.

महाराष्ट्रातील विविध विद्यापीठातील पीएच.डी प्रवेश परीक्षेची (PET) तयारी करण्यासाठी व अद्ययावत माहिती व मार्गदर्शन करिता आजच पुढील टेलिग्राम चॅनेल जॉइन करावे.
https://t.me/phd07

TEACHERS_STATUTE(1).pdf

*रिक्त मरण (Die Empty)*

वाचण्यासाठी आणि त्यातून काहीतरी शिकण्यासाठी अनेक पुस्तकं आहेत त्यातलंच एक सर्वोत्तम पुस्तक म्हणजे टॉड हेनरी यांचे "Die Empty"

हे पुस्तक लिहण्याची प्रेरणा आणि कल्पना लेखकाला एका बिझनेस मिटींग मध्ये मिळाली.

मिटींगमध्ये डायरेक्टरने तेथे उपस्थित लोकांना प्रश्न विचारला. की "जगातील सर्वात श्रीमंत जमीन कोठे आहे?"

प्रेक्षकांपैकी एकाने उत्तर दिले : "तेलाने समृद्ध गल्फ राज्ये."

तर दूसर्‍याने उत्तर दिले : "आफ्रिकेतील डायमंड खाणी."

त्यांची उत्तरं ऐकल्यानंतर डायरेक्टर म्हणाले : नाही, जगातील सर्वात श्रीमंत जमीन म्हणजे स्मशानभूमी. कारण असे लाखो लोक मरण पावले आहेत ज्यांच्याजवळ अनेक मौल्यवान कल्पना होत्या पण त्या कधीच प्रकाशात येऊ शकल्या नाहीत आणि इतरांना त्याचा काहीच फायदा सुध्दा झाला नाही. त्यांच्या या सर्व मौल्यवान कल्पना त्यांच्याबरोबर या दफनभूमीत पुरण्यात आल्या आहेत.

याच उत्तराने प्रेरीत होऊन लेखक टॉड हेनरी यांनी "Die Empty" हे पुस्तक लिहले.

सर्वात सुंदर जर त्यांनी काही या पुस्तकात म्हटलं असेल तर ते म्हणजे " तुमच्या आतमध्ये जे सर्वात बेस्ट आहे जे तुम्ही करु शकता ते आतमध्येच ठेवुन मरु नका. निवडण्यासाठी आपल्याकडे नेहमीच पर्याय असतो त्यामुळे नेहमी रिक्त मरण निवडा.

रिक्त मरण किंवा Die Empty या शब्दाचा इथे अर्थ असा आहे की तुमच्यामध्ये जो काही चांगुलपणा आहे, जे काही चांगले तुम्ही या जगाला देऊ शकता ते सर्व मरण्यापूर्वी या जगाला देऊन जा.

जर तुमच्याकडे एखादी कल्पना असेल तर ती सादर करा.

जर तुमच्याकडे ज्ञान असेल तर ते इतरांना द्या.
*जर तुमच्याकडे खूप धन सम्पति आहे ती गरजुना दान करा, त्यांचे अश्रु पूसा. त्यांना माया द्या. (Art of Giving)*.

जर तुमच्याकडे एखादे ध्येय असेल तर ते साध्य करा.

तुमच्याकडे जे आहे त्यावर प्रेम करा, इतरांना सांगा आणि इतरांमध्ये वाटा आतमध्येच दडवून ठेवू नका.

आपल्यामध्ये जे काही चांगले आणि आपण जे काही चांगले या जगाला देऊ शकतो ते सर्व आपल्यामधून काढून या जगामध्ये पसरवा.

शर्यत सुरु झाली आहे.
चला, हे जग सोडण्याआधी रिक्त होऊया.
(साभार व्हाट्सप, लेखक माहिती असल्यास कळवावे)
😊🙏👏👏🙏😊

कौस्तुभ दिवेगावकर IAS यांनी सध्याच्या परिस्थितीवर अतिशय वास्तव ,परखडपणे मत मांडलंय, याचा विद्यार्थ्यांनी नक्कीच विचार करावा.
मी माझा upsc चा निकाल लागल्यापासून एक तत्व पाळत आलोय. शक्यतो भाषणबाजी करायची नाही. अभ्यासाबद्दल बोलायचे. विद्यार्थ्यांना वास्तवाचे भान असले पाहिजे. IAS होणे एक मोठी संधी आहे. पण ती संधी सर्वोच्च नाही. आपण कोणीही Hero नाहीत. आणि १ टक्क्यांहून कमी निकाल असणाऱ्या परीक्षेत नव्व्यांनवांचे काय हा प्रश्न कायम विचारण्याचा माझा आग्रह आहे. स्वतःच्या प्रेमात पडून आपला प्रवास पुन्हा सांगण्यासाठी लिहीत नाही. पण एका विद्यार्थ्याच्या मृत्यूने अस्वस्थ झाल्याने लिहीत आहे.
SBI क्लर्क, LIC ऑफिसर पासून जमतील त्या सर्व परीक्षा मी दिल्या आहेत. शिकवण्या घेतल्या आहेत. स्वतःच्या पायावर उभे राहण्याची धडपड आपल्याला चुकलेली नाही.
मुळात काही तात्विक कारणांमुळे शेवटच्या वर्षाला इंजिनीअरिंग सोडल्यानंतर समोर अंधारच होता. मराठी साहित्याच्या आवडीतून मुक्त विद्यापीठातून BA ची मिळवलेली डिग्री तेवढी होती. एक परीक्षा पास झालो म्हणून ठीक आहे. पण मराठी साहित्य आवडते म्हणून त्याचे शिक्षण घेणाऱ्या विद्यार्थ्याचे भविष्य नक्की काय आहे?
आज एका शासकीय पदावर कार्यरत असताना हे स्पष्टपणे सांगितले पाहिजे की खासगी क्षेत्रापेक्षा शासकीय सेवेत पगार कमी आहेत. जबाबदारी अधिक आहे. व्यवस्था एक दोन लोकांनी बनत नाही. ती असंख्य लोक, विचार, नियम, संस्था यातून आकाराला येते. तिला चेहरा म्हटलं तर असतो, म्हटलं तर नसतो. यामुळे आपण ज्या व्यवस्थेत सुधारणा करण्यासाठी येऊ पाहतो त्या सोबत काही मर्यादाही आपल्याला समजून घ्याव्या लागतील. पगारात भागवणे तर आहेच, त्याशिवाय अनेक प्रकारची आव्हाने, टीका टिपण्या यांना तोंड देणे शिकत राहावे लागते. सातत्य आणि संयमाची परीक्षा कोणालाही चुकलेली नाही.
पण शासकीय नोकरीच्या पलीकडेही एक जग असते. आपल्या मागे आपले घर असते. प्रत्येकाचा संघर्ष तितकाच महत्वाचा असतो. पण तो आपल्या जवळच्या लोकांपेक्षा महत्वाचा खरंच नाही. निराशेच्या एका क्षणी त्यांचा विचार केला पाहिजे.
आपल्या आजूबाजूला स्पर्धा परीक्षांच्या लांब, थकवणाऱ्या प्रक्रियेत संधीची वाट पाहत असणारी अनेक तरुण मंडळी दिसतील. त्यांच्याशी संवाद साधत राहावे लागेल.
आपल्याकडे आजकाल भाषा आणि सामाजिक शास्त्रातही १०० % गुण मिळतात. काही महाविद्यालयांचे प्रवेशाचे मेरिट ९९% असते. मग पुढे चालून त्यातले काही थोडे मेडिकल इंजिनीअरिंग च्या स्पर्धा परीक्षेत यशस्वी होतात. इतर मागे पडतात. यशस्वी लोकांमधून अजून थोडे यशस्वी उरतात. सतत पुढे जाण्याच्या स्पर्धेत शेवटी जीवन नावाच्या चाकोरीच्या मर्यादेचे भान विद्यार्थ्यांना आणून देण्यात आपण कमी पडतो आहोत. यशाच्या व्याख्या बदलाव्या लागतील. चांगला माणूस म्हणून जगणे, कष्ट करणे आणि कष्टाचा एकेक रुपया हे सामाजिक यश मानणारा समाज आपण निर्माण करणार आहोत का? Survival of the fittest कडून सर्वोदयाकडे जाण्याचा मार्ग सोपा नाही. पण समाज म्हणून आपल्याला कधी ना कधी तो स्वीकारावा लागेल..
त्या तरुण मित्रास आदरांजली.

गट अ 4417, गट ब 8031, गट क 3063 पदे भरण्यात वित्त विभागाची मान्यता