روى ابن حبان في "صحيحه" (7402) عَنْ أَبِي هُرَيْرَةَ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ أَنَّهُ قِيلَ لَهُ : " أَنَطَأُ فِي الْجَنَّةِ؟ قَالَ: ( نَعَمْ وَالَّذِي نَفْسِي بِيَدِهِ ، دَحْمًا دَحْمًا، فَإِذَا قَامَ عَنْهَا رَجَعَتْ مُطَهَّرَةً بكرا ) " .
وقال محققه الشيخ شعيب الأرناؤوط : " إسناده حسن " .
وصححه الألباني في "الصحيحة" (3351) .
وقوله : " دحما دحما " قال في لسان العرب (12/ 196):
" الدَّحْمُ : الدَّفْعُ الشَّدِيدُ ، والدَّحْمُ : النِّكَاحُ. ودَحَمَ المرأَة يَدْحَمُها دَحْماً: نَكَحَهَا "
وقال الأزهري في "التهذيب" (4/ 251):
" أَي يَدْحَمون دَحْماً، وَهُوَ شِدَّةُ الجِمَاع " .

تخيَّل إن في رجالة كتير متزوجين وميعرفوش طعم القذف
القذف عندنا ليه طعم يا جدعان، في حالات للقذف بتبقى انت أشبه ما تكون ببودرجي لسه ساحب سطر
وترجع راسك لورا كده وعينك تغيب
ومفاصلك تسيب
لحظة في غاية غاية المتعة، أحب لك أن تُدرِّب نفسك أن تصل إليها..

ولا شيء يعين عليها أعظم من الجنس الصباحي
ولا يتأتى ذلك إلا لرجلٍ سن قانونًا مع امرأته
▪️بتاع الصبح بتاعي.
▪️وبتاع بالليل بتاعِك.
ولا أقول هنا إنك تعمل كل يوم مرتين؛
لكن كل مرة تعمل الصبح تكون دي لمتعتك الخاصة،..
وكل مرة تعمل بالليل هتكون موظف جاي يؤدي عمله..

الصبح مش بنحتاج قُبُلات
هو تسخين بالإيد للمكنة قبل التدوير وخلاص
وتقوم راكب
وعينك مغمضة
وداخل في أعمق أبعاد المتعة
وبتستمتع بكل ذرَّة في الجنس
ومفيش مداعبة ولا تكنيكات ولا تحكم ولا تبتقى عايز تتأخر، في أقل من دقيقة بتوصل وقد أسلمتَ روحك وأطلقت لأعصابك العنان، لتشتد وتتراخى بكل ديناميكية، وبتبقى ستستفايد وهي بتبقى مبسوطة إنك مضيت حضور😀

أما الليل فإنه يعنينا شأنهن، مداعبة، وتحكم، وإطالة لوقت الجماع، وتغيير للأوضاع ومزاحٌ وكلام، وخبط ورزع وحنان ورَويَّة، وقد يوافق ذلك كله أن تُرزق متعة القذف الكاملة وقد لا يوافق..

اللون البينك نادر، ومش هينزل منها نافورة، ومش كل الستات بتوصل للأورجازم، والدخول بالنسبة لها مش ممتع زي المداعبة، والست بتديك الجنس علشان تاخد منك الحب، وانت بتديها الحب علشان توصل للجنس يا نمس؛ اجمع الحلمتين والفخدين والرجلين، ودخل لسانك بين البينين، وعزت مش بطوله.. بمفعوله، وطالما بتشوفه واقف تبقى سليم، ولو أطول من 7 سم هتعرف تبسط وتتبسط، وعادي يبقى معووج، والجنس الصبح أحلى من بالليل، والكوارع أسطورة، ومن لم ينفعه ما بين قدميه لن ينفعه ما بين أقدام البقر.. والسلام عليكم ورحمة الله وبركاته.

الجنس مرتبط بشكل واضح بالنفسية، والنفسية عند الرجالة بالمال -غالبا- واختلال الأسعار مقابل الدخل دلوقتي قد يصيبك بالحسابات وهاعمل إيه وهمشي المركب إزاي..

أقسم بالله ربنا أبدًا ماخذلك
أقسم بالله ربنا بيملك خزائن الكون ولا يعسُر عليه رزقك..
روق يا رجل كده واستقوِ بالله
قلل مصاريف الرفاهيات بقدر المستطاع
غير اللايف استايل المعيشي بتاعك.
أنفِق من مالك لله، أيوه والله بقدر ما هي أزمة طاحنة في حياة أغلبنا روح طلع صدقة واجبر خاطر مسكين "فهو يُخلفه"
"ما نقُص مالٌ من صدقة"
إن كنت تصدق حبيبك صلى الله عليه وسلم

روق بالك وخد مراتك وانزلوا اتمشوا فسحها فسحة غير مكلفة
شوية لب وكوباية عصير ونتمشى في أي مكان فيه هوا وقل لها تعالي نمسك ايدينا شوية، وقل لها محتاجين نتاجر مع ربنا وشهريا نخرج مبلغ كذا من القبض، حتى لو المبلغ ده 10 جنيه
ربنا مبيتعاملش بالكم، بيتعامل بالكَيف..

الجنس محتاج نفسية، حافظ على توازن النفسية بقدر استطاعتك، ومتخافش من حاجة، بعد ما تعمل الجنس هو هيُفرز باقي الهرمونات الكفيلة براحتكما وسعادتكما

افهمها بقى، احنا بنظبط نفسيتنا علشان نعمل جنس، والجنس بيكافئنا بإنه بيروق بالنا ويدينا هرمونات مكافئة

طول ما السرير بيتهز البيت هيفضل ثابت♥️

الـ 🍆 أخد الـ 🍑 في حتة تانية..
وأنا هنا لا بتكلم عن البتنجان ولا عن الخوخ. استخدم عمك عزت بين الفردتين من ورا، بدون إيلاج.. احتكاك رايح جاي بينهم، ووسعهم واحشره وسيبهم يقفلوا عليه، وتقدر تعمل كده وقت التسخين.. ثم إيلاج في شق القمر وانت فوق كده وهي نايمة على بطنها.. الموضوع سهل بس محتاج عزت أطول من 13 سم، لو مخدة تحت خصرها والطول اللي معاك هينفع😀.. سلام

شرح

هي فوق بس انت المتحكم.. وده محتاج قضيب طويل علشان يوصل، متحاولش تعمله لو أقل من 13 سم😀

ليه الجنس الصبح أحلى من بالليل‼️

أولا: هرموناتك 🔝: بعد النوم، مستوى التستوستيرون عند الراجل والأوكسيتوسين عند الست بيكونوا في أعلى أحوالهم، وده معناه شهوة أعلى واستمتاع أكتر.

ثانيا: انتصاب صباحي رباني: فـ العدَّة مستعدَّة والسلاح صاحي طبيعيًا من غير مثيرات، فالعلاقة بتتم بسهولة وبشكل عفوي وممتع للزوجين.

ثالثا: مزاج اليوم كله في السلانكاتيه😀: الجنس الصباحي بيفرز الإندورفين، والدوبامين اللي بيرفعوا المزاج وبيقللوا التوتر طول اليوم.

رابعًا: طاقة ونشاط مقولكش: بدل فنجان القهوة، العلاقة بتنشّط الدورة الدموية وبتزود الأوكسجين في الجسم، يعني تبدأ يومك جامد😉.

خامسًا: قلة نكد: اللي بيمضي حضور بيقفل على نفسه باب النكد اللي ممكن يتفتح في أي لحظة علشان داست على نملة نتاية بالغلط😀.

سادسًا: مناعة 🔝: الأبحاث بتقول إن الجنس المنتظم خصوصًا الصباحي بيقوّي المناعة وبيحسّن وظائف القلب.

سابعًا: قبل الزحمة😉: وقبل ما يبدأ الضغط والمشاغل، واللخفنة الهرمونية، بتكون العقول صافية والأجساد مرتاحة، فالمتعة بتكون أنقى وأهدى.

بتاع الصبح يخليك تمام♥️

الجنس الهاديء..

هذه خلاصة نصائحي للآباء الذين يعانون..
الجنس الهاديء هو الجنس الذي مُحِيَت منه التنهيدات والصراخ والآهات والكثير من "دخلُه كله" وانت أصلاً مدخله كله😀 وشوية الخبط والرزع..
▪️لو السرير بيزيق .. الأرض مش بتزيق😜
▪️كتم الفم بالفم خيارٌ طيب، وأهو بالمرة تديها رومانسية.
▪️الحركة الهادئة دخولا وطلوعا تُعين على عدم الصراخ.
▪️تحت الدش جميل وصوت المية بيستر.
▪️كتم الصوت بالمخدة، أو قماشة تعض فيها، أو إيدك.
▪️يمكنك أن تخوض منافسة مع زوجتك.. بحيث يفوز الأكثر هدوءً منكما.

وانت بتأسس الشقة..
▪️شبابيك الألوميتال فيها عزل كويس..
▪️يمكنك أن تستخدم ألواح البولي يوريثين على أرضية الأبواب أيضا.
▪️يمكنك أن تكسوَ الأرضية بسجاد سميك فهو يعزل الصراخ😀
▪️يمكنك أن تضع ڤازة ديكورية فارغة في الغرفة فهي تمتص بعض الغضب.

في المدارس لو عرفت تسرح العيال الصبح وتتأخر انت ساعه عا الشغل عاش والله،.. وعموما وقت الفجر والعيال نايمين بيبقى وقت لطيف آوي للهاها والهيخيو، وبالتوفيق..
أسيم

اغسل سنانك قبل ما تنام، لما تصحى مش هيبقى في ريحة وحشة: لأن البكتيريا اللي بتعيش في بوقك بتشتغل وإنت نايم، ولو لقت بقايا أكل هتخمره وتعمل ريحة. فالغسيل قبل النوم أهم من الغسيل بعد ما تصحى.

جفف رجلك كويس قبل ما تلبس الشراب والشوز، غالبا لما تقلعهم مش هتبقى في ريحة وحشة: الرطوبة بين الصوابع هي المصنع الرسمي لفطريات وبكتيريا بتنتج الريحة، مش العرق نفسه.

جفف تحت باطك كويس بعد الاستحمام، وقبل ما تحط مزيل العرق، آخر اليوم مش هتبقى في ريحة وحشة: لأنك قطعت دورة البكتيريا قبل ما تبدأ.

متاكلش بصل، كُرات، حلبة، ثوم، قرنبيط، وكركم وهتبقى ريحة عرقك وبولك ومنيَّك مش وحشة: الأكلات دي بتغيّر ريحة العرق والبول والنَفَس لأن مركّباتها الكبريتية بتخرج مع الإفرازات.

لو فهمت جسمك بيشتغل إزاي هتعرف تسيطر، اللي انت بتشمه تحت باطك مش ريحة عرق، العرق أصلا ملوش ريحة😀!.. دي ريحة الفضلات بتاعت البكتيريا اللي اتغذت على عرقك والزيوت الطبيعية في الجلد. ورجلك بتعمل ريحة لما تجويفات بين الأصابع تفضل مبلولة فيحصل نمو بكتيري وفطري. ومخرجات جسمك بتتأثر بمدخلاته، لما تاكل أناناس أو فواكه حمضية، النَفَس والعرق والبول النخامة والبصاق بيتحسّنوا لأن المركّبات المتطايرة ريحتها أحسن.. ولما تاكل ثوم، بصل، أو حلبة… طبيعي الريحة تبقى أوحش لأن مركّبات الكبريت بتخرج مع كل إفرازات الجسم. خليك راجل نظيف نصف استقرار الجنس يخضع لنظافة الطرفين
افهم تعيش ملِك♥️

خليك ملك

الجنس الصباحي فيه شفاءٌ للأبدان والروح♥️

علامات فحولة الرجال عند العرب .. بعد ما تقرأ شوف عندك كام علامة ومتكتبلناش😀😉 اعرف الصح وخليه جواك..

أولًا: كثافة شعر الجسد.. العرب بتقول إن غزارة الشعر (خصوصًا الصدر والبطن والساقين) علامة على قوة المزاج وكثرة الحرارة الداخلية، فالرجل “الأسحم اللون، الكثير الشعر” يعدّونه أقرب للرجولة القوية.. وده علميًا صحيح لارتباط الكثافة بهرمون التستوستيرون.

ثانيًا: قوة اللحية ووفرة شعرها.. اللحية الكثيفة علامة ذكورة شديدة في التراث، العرب بتعتبر الرجل قليل اللحية “أقل حرارة” وأقل فحولة، وده علميًا صحيح لارتباط اللحية بحساسية بصيلات الشعر للتستوستيرون.

ثالثا: اتساع المنخرين.. كانوا بيقولوا على الراجل اللي مناخيره واسعة "منخراه واسعتان، فهو ذو شهوة" وبيربطوا اتساع فتحة الأنف بقوة النَفَس والصدر، وبالتالي قوة الطاقة الجنسية.

رابعًا: غِلظ الأذنين والشفاه.. الشفة الغليظة والأذن السميكة كانوا بيعتبروها علامة "حرارة مزاجية، واندفاع جنسي".

خامسًا: ضخامة الكتفين والصدر.. كل كتب الفراسة تقريبًا بتقول إن عريض الكتفين عظيم الصدر علامتان تدلان على قوة الطبيعة الجنسية.

سادسًا: قوة الساقين والفخذين.. العرب كانت بتعتبر الرجل "الضخم الفخذين" أكثر احتمالًا للفحولة، وده صحيح علميا علشان الكتلة العضلية في الجزء السفلي للجسم فعلاً تؤثر على الأداء الجنسي (زيادة ضخ الدم – القوة – التحمل).

سابعًا: الصوت الغليظ.. العرب كانت بتقيس فحولة الرجل من قوة صوته وعمق مخارجه، وكانت ترى أصحاب الصوت الرقيق بهم رقة مزاج جنسي، وده علميًا صحيح لارتباط الصوت العميق بتأثير التستوستيرون على الأحبال الصوتية.

ثامنًا: امتلاء سنامه.. المنطقة ما بين الكتفين والرقبة "الترابيس"، كانوا شايفين وجود عضلات قوية أعلى الظهر علامة نشاط جنسي، وده صحيح علميًا.

تاسعًا: امتلاء العروق وبروزها.. في اليدين والذراعين بيعتبروها علامة ودلالة قوية على الفحولة وسريان الدم في الأوصال والأطراف نتيجة لقلة الدهون وده يعني وفرة اللياقة.

عاشرًا: قوة اندفاعِ البول.. وده دليل على قوة العضلات الدافعة اللي هي نفس العضلات اللي بتدفع المني بالمناسبة، ودي وفرة في صحة البروستاتا والأعضاء الذكرية والجهاز التناسلي.

أما العلامات التي اعتبروا صاحبها (سيكي ميكي😀)
▪️قصر القامة المبالغ فيه "محدش يجيب سيرة حد يا جدعان😀"
▪️النحافة الشديدة جدًا.
▪️الرقّة الزائدة في الملامح (شفاه رقيقة، وجه صغير).
▪️انعدام شعر الجسد.
▪️الصوت الحاد.
▪️صغر الكفين والأصابع.

زي ما قولتلك متقولناش في التعليقات عن نفسك شيء، عندنا ممنوع حد يتكلم عن قوته وفحولته الجنسية.. أنا بعرَّفك المعلومة لنفسك♥️ عاش💪🏻
وخليك عارف إن الفِراسة علم افتراضي فيه كتيرٌ من الصواب وكتيرٌ من الخطأ.. واحنا بنذكرها من باب الاستئناس بس.

سمعت قبل كده عن حاجة اسمها الجنس النومي!؟ أشخاص بيمارسوا أفعال جنسية وهم نايمين ولما يصحوا بيبقوا مش فاكرين أي حاجة!.. في واحد بعت لي من سنة رسالة إنه مُصاب بالجنس النومي، وإنه بسبب كده والدته قفلت عليه باب غرفته من بره أثناء نومه لإنه تحرَّ..ش بأخته..

دي حالة اسمها سيكسومنيا Sexsomnia المصابين بيها بيعملوا أفعال جنسية كاملة "استمناء - جِماع - أو حركات تُشبه الجماع - أصوات جنسية - مداعبات" ممكن يتحركوا أثناء النوم من أماكنهم ويقتحموا بيت غريب ويمارسوا شيء مع ضحية، وهم في حالة غير واعية نهائيا، ولما يقوموا من النوم مش بيكونوا فاكرين أي شيء.

الموضوع واخد منحنى كبير برغم ندرته، وفي قضايا مفتوحة للمناقشة ضد رجال مارسوا أفعالًا جنسية وجماع كامل مع ضحايا حقيقيين، وفي قضايا حُكم فيها بتبرئة المتهمين؛ بل في لجان من علماء نفسيين تشكلت لوضع معايير يمكن الحكم معها أن الشخص مصابا بالسيكسومنيا أو الحكم عليه أنه يدَّعي الإصابة فقط.. لجنة من الخبراء قالوا لو لبس واقي ذكري يبقى مُمثِّل، أو لو عمل كده في واحدة، ورجع تاني نام جنب مراته بشكل هادي، أو هدد الضحية إنها متتكلمش.. كل دي صور لو عملها الشخص يبقى مُدعي مش مصاب بالسيكسومنيا..

السيكسومنيا بالمناسبة اضطراب نوم نادر بيُصنف ضمن فئة (NREM Sleep Arousal Disorders). وفقاً للدليل التشخيصي والإحصائي للاضطرابات النفسية (DSM-5) والتصنيف الدولي لاضطرابات النوم (ICSD-3)

في فرق بينها وبين السومنوفيليا.. فاكر قصة الأميرة النائمة اللي نشأنا عليها آهي القصة دي وراها اضطراب نفسي حقيقي معروف باسم “متلازمة الجميلة النائمة”؟ ده اضطراب نادر ك أصحابه بينحذبوا جنسياً للأشخاص النائمين أو الموتى.. وهو مختلف تماما عن اللي بنتكلم عنه دلوقتي، بس آهو من جملة العجايب اللي بنشوفها.

الواحد في الشغلانة دي بيشوف كل يوم اضطرابات عجيبة، فلو انت راجل سليم شهوتك للنساء فقط في إطارها الطبيعي، فصدقني دي نعمة تستوجب الشكر.. الحمدلله على نعمة العافية والسواء النفسي..

البروستاتا غدة.. ماشي‼️
وظيفتها الأساسية إنتاج السائل اللي بيحيط بالحيوانات المنوية ويغذيها.
البروستاتا من الغدد اللي بتفضل تنمو مدى الحياة غالبا.. وغالبا ما يؤدي دوام نموها لتضخمها.
مفيش أسباب واضحة معينة لتضخم البروستاتا.
أحيانا بتتضخم لما هرمون الذكورة بيتحول لهرمون تاني اسمه DHT وأحيانا بسبب التقدم في العمر، وأحيانا بسبب نمط الحياة غير الصحي.
بنسبة كبيرة مش هيبان عليك أي أعراض لتضخم البروستاتا إلا بعد الأربعين، اللي هو انت تعدي الأربعين تلاقي البروستاتا بتقول لك "والآن مع المفاجأة الكبرى😀".

انت لما بتُصاب بالبروستاتا بيحصل احتباس بول لإن الأنبوب اللي بينقل البول من المثانة لـ خارج الجسم بيعدي في منتصف غدة البروستاتا، فلما هي بتتضخم ده بيعيق تدفق البول .. وطبعا ده بيعمل عدوى للجهاز البولي فيما بعد "ودي إحدى المضاعفات" وحصوات مثانة بقى وتلف .. وقد يتطور لتلف في الكلى.

للأسف الشديد السِمنة بتزيد من احتمال الإصابة.

لو عندك حاجة متكررة ومُلحة للتبول، أو بتتبول بالليل بمعدل أكبر من المعتاد، أو عندك صعوبة في التبول "بتحس إن عندك رغبة وواقف قدام الحمام وبتاخد وقت على ما ينزل منك البول" .. أو عندك تقطيع في التدفق.. أو بينزل منك نقط بعد ما تخلص التبول، أو معندكش مقدرة لإفراغ المثانة..
فـ انت محتاج تزور الطبيب وفورا.. سلام.
وأنا بكلمك دلوقتي علشان احنا في شهر موڤمبر الفضيل😀 وده شهر التوعية بصحة الرجال الجنسية، ودي لعبتي كما هو معروف.. والسلام♥️

في رياضة لازم تمارسها كل يوم. ومافيهاش أي مجهود بدني.

رياضة التدبُّر.
التدبّر مصفاة الروح… بيشيل عنها العوالق والغبار اللي بيتراكم من زحمة اليوم، التدبر محارب الكورتيزول الأول لو اتعمل صح.. طبعا مينفعش تتدبر في مشاكلك وتحدياتك😀 ده اسمه وجع دماغ مش تدبر
التدبّر الحقيقي بيكون في خلق الله: في السماوات، في الأرض، في دورة الكون، وفي النِّعم اللي حواليك وانت ناسيها، أو متعود عليها.

جرب تسيب الموبايل ساعة واحدة بس في اليوم.
اقطع الحبل اللي رابطك بـ“اللا نهاية” اللي على الشاشة… وارجع بص للسماء، ويا سلام لو تعمل ده بعد الفجر، ومعاه مشي هادئ يعيد الحياة لروحك.

الموبايل والتكنولوجيا والـ AI بيسرقوا عمرك ويوم بعد يوم بيعطلوا حساسات التفكير العميق والتخيُّل، رابطينك في سارية وانت بتلف حواليها زي ما هم راسمينلك.. فك وثاق نفسك يا صاحبي وارجع لإنسانيتك.
التدبر عبادة منسية.

العلاقة الجنسية جزء من الزواج وليست هي الزواج كله، وأنت نهمٌ إليها طالما أنك لم تجربها، لكن عندما تتزوج سيكون حالك كحالنا جميعا، نمارس الجنس أحيانا، أحيانا فقط..، فمتخليش كلامنا المتخصص هنا عن الجنس يرفع سقف توقعاتك إنك مش هتقوم من عا السرير.. الواقع بيقول إن الجنس مجرد جزء بسيط في حياتنا الزوجية، صحيح هو في غاية الأهمية لاستقرارها، لكنه يظل جزءً منها..
تنشأ التوقعات الجنسية من التخيلات، ومن الحكايات التي تسمعها عن الجنس، وكذلك من مشاهدة الإباحية، وأنت ترسم صورة للجنس، وتظن أن هذه هي الصورة الحقيقية له.. والحق أنها ليست كذلك، وكلما قلت توقعاتك تجاه الجنس قبل الزواج، كلما زاد استمتاعك به.
التوقعات الجنسية، تجعل الرجل يتخيل أن المرأة ستفهم احتياجاته دون أن يتحدث عنها، لأنه سجين الصورة التي خلقها عقله عن الجنس، كما أنه ينتظر أن يرى جسدا مثاليا منحوتا بألوان أعضاء داخلية تداعب خياله، والتوقع ده في حد ذاته بيسبب نوع من القلق والتوتر، وعندما يصطدم بأي شيء يخالف التوقعات فإنه يصاب بالإحباط، وتقل أو تنعدم متعته الجنسية..
رغباتك الجنسية متغيرة، فما تفضلَه اليوم لن تفضلَه غدا، وما ترنو إليه اليوم قد لا تقبله غدا، وكذلك زوجتك رغباتها الجنسية تتغير بمرور الوقت، والإنسان العاقل لا يسجن نفسه في رغبته التي بناها دون تجربة، والأصل أن تدوم تجربتك في الجنس سنة مع زوجتك تبحثان فيها عن ما تفضلانه وما تحبانه، وتتحدثان عما وصلتما إليه في رحلة بحثكما.. لذلك دائما ما أقول لا تشتكِ شيئا في أول سنة زواج، وعلم نفسك بنفسك.
العلاقة الجنسية كالرحلة التي لا نعرف طريقا معبدًا إلى نهايتها، ومع ذلك قررنا خوضها، نستكشف الطريق معا، نمُر بالوديان والسهول، نتسلق الجبال معًا، نمر بالصحراء فنظمأ، وبالبحيرات فنرتوي، ويعجبنا مكان فنخيم فيه، ونكره مكانا فنتجاوزه،.. وأعظم ما يعينكما على الرحلة الحديث والمؤانسة ببعضكما..
وأخيرًا..
أنا لا أستطيع أن أمنعك أن تتوقع "نهائيا"، فـ التوقعات هي افتراضات عن المستقبل، يختلقها الإنسان من أجل الاستعداد للتصرف واتخاذ القرارات، لكن أنا أقول لك قلِّل من التوقعات الوردية عن الجنس والجسد والمتعة، واسمح لنفسك أن تمارس تجربتك الخاصة وتبنيَ توقعات جديدة، وكلما زادت مرونتك في تحديث هذه التوقعات كلما زادت متعتك.. وشكرا

في ارتباط وثيق بين حالتك النفسية والجنس
ربنا جل وعز لما قال "
المال والبنونَ زينة الحياة الدنيا"
كان وصف بديع للدنيا، بخمس كلمات فقط، شيء معجز وعجيب..
كل الدنيا دي..
كل مشاكلها..
كل أوجاعها..
كل حاجة بتفرحك فيها..
منقسمة لقسمين
▪️المال
ابتداءا من سعيك للحصول عليه، ثم مشقة الوصول إليه، ثم إنفاقه ثم ما يلي إنفاقه من فرح أو ترح لو اخترت إنفاقه في غير محله..
▪️البنون
من أول السرير، مرورا بإن الواد جه، وكبر، وبيطلع ميتيىْك لحد ما تموت

أي مشكلة في الحياة قاطبة منبثقة من الاتنين دول
المال
البنون

والاتنين بيرفلكتوا على بعض وبيؤثرا بالسلب والإيجاب.. قولا واحدا

فلو سمحت متخليش الهمّ يركبك، فتقصَّر في حق زوجتك
سيبها على الله..
عمرك كله بطوله ربك أبدا ما خذلك
ولو تسرَّب لنفسك إحساس إنه خذلك في موقف ما، فـ على الحقيقة هو اختار لك الأفضل ولو سابك لاختيارك كنت هتلاقي الخازوق المغري اللي مش هتستحمل تبعاته إن عاجلا أو آجلا.. فـ صدقني هو أحكم منك وأعلم بالخفايا عنك وبيحوش عنك كل وحش.. فـ سلم أمرك ليه ومتقلقش.. هو المدبر وبيده خزائن الأرض ولا تغيضه النفقة، ولا يعسُر عليه رزقك.. وخليك حَسن الظن بيه فإنه والله الذي لا إله غيره " عند حسن ظنك به "

خليك دايما فاكر إنك سجين احتياجاتك
يعني لو عايز تركب BM X6 فـ انت مسجون في الاحتياج ده، ولما بتنفذه بتبقى مسجون في تبعاته، بتفضل في ساقية علشان تُلبي الاحتياج، وبعدين تدخل في ساقية تانيه علشان تُلبي تبعات الاحتياج..
فمتسجنش نفسك في احتياج وهمي
الحياة بتتعاش بأبسط البسيط
الحياة مش هتقف على الموبايل أبو كام وعشرين ألف ولا على العربيه امو ربع ولا نص مليون، الجوازه كمان اللي انت مقبل عليها مش صح انك تبقى مربوط في الساقية زي الـ... كده، اتجوز بالبسيط الضروري وبلاش بهرجة.
قلل نفقاتك بقدر الاستطاعة
اعمل الضروريات بس
اهدى واطمن .. ربنا دايما بيختار الخير
وخلي نصب عينيك دوما قول النبي صلى الله عليه وسلم " من أصبح آمنا في سربه معافى في بدنه عنده قوت يومه فقد حيزت له الدنيا بحذافيرها "
خدت بالك من الكلمة
عنده قوت يومه
يعني أكل النهارده
مقالش أكل الشهر وشقة ٣ مطارح وعفشة ميه وفراندا بحري، وعربية موديل السنة وموبايل من ابو خمسين كاميرا وحساب في البنك ومأمن السنتين اللي جايين ومشروع بيجيب فلوس...
لا هو اختصر الليلة دي كلها بإن يكون عندك اكل النهارده
آهو ده معاه الدنيا بحالها كما قال حبيبي صلى الله عليه وسلم " فقد حيزت له الدنيا بحذافيرها "

وأخيرا
وخذها من مُجرب
تصَدق بمالك، دور على الفقير اللي محتاج في شارعك، ولا يسأل الناس إلحافا، وأنفق عليه من غير ما تجرحه، هات حبوب " فول - رز - مكرونه - فاصوليا ناشفة - لوبيا - عدس " وخلي مراتك تودي لمراته شنطة حلوة كده فيها زيت وكيسين لحم أو فراخ ومعاها الحبوب دي، بكل أدب كده حتى لو هتقول لها دي حاجات جاتلنا من عند ربنا فأخذت لنفسي كيس وجبت لك كيس .. واهو الجيران لبعضها

ما أخرجته لله هو الباقي
وما أنفقته لنفسك هو الفاني

ربنا يرزقكم رزقا حلالا طيبا، ويجعلكم سعداء مع أهل بيتكم يارب

وعهد الله يا عم وانت بتقرأ كلامي دلوقتي جسمك بيصنَّع حيوانات منوية، ولا يتوقف أبدًا عن تصنيعها، فـ الحيوانات اللي بتنقسم كخلايا دلوقتي حالا وأنا بكتب الكلمتين دول أقدر أقذفهم بعد 90 يوم بالتمام والكمال، هيقعدوا كخلايا يتم تصنيعها 72 يوم وبعدين هيروحوا البربخ يقعدوا هناك 18 يوم وكده بقوا جاهزين، لو نطرتهم هيتنطروا..

والحيوانات اللي جسمي هيبدأ في تصنيعها بكره أقدر أستخدمها بعد 91 يوم من النهاردة..

ولو أنا قعدت يومين مبقذفش برده جسمي هيفضل بيصنع ويخزن في الخصية، ولو قعدت أكثر من كده مبقذفش الحيوانات هتفضل تتصنع وتتخزن لحد ما أقذفها.

ولو فضلت فترة مش بقذف ربنا هيرزقني بالاحتلام علشان أفضِّي المخزون لآجل المصنع يلاقي مكان يخزن فيه حيوانات فريش😁

فـ أرجوك متخافش، حيواناتك مبتخلصش ومش هتخلص، ولو جامعت زوجتك 3 مرَّات ورا بعض هتلاقي حاجة تنزلها، صحيح هتبقى بتنقط في الآخر بس برده هتلاقي حاجة تنزل😁