بما اني نزلت فيديو عن دور حقن الكورتيزون ف الحمل ف لازم البوست ده اعيد نشره علشان نكمل الصورة

دكتور زميل بعتلي بيقولي انا متابع بوستاتك وفاكر ف بوست كنت اتكلمت عن استخدام الكورتيزون في الحمل وانه بيكون بداية من الاسبوع ال٢٤ وافضل وقت ليه من الاسبوع ال ٣١ لل ٣٤وان المادة المستخدمة هي ال dexamethazone وان مينفعش انواع تانية زي ال prednisolone ... قولتله مظبوط

🔹️قالي انا جاتلي الصيدلية حالة حامل لسه ف الشهر التاني مكتوب لها ف روشتة النسا سولوبريد 20mg قرص يوميا وسألتها عن السبب قالت لأن بيحصل اجهاض متكرر ... بس انا مش فاهم ايه العلاقة وازاي هتستمر ع الكورتيزون طول الحمل مش ده خطر ع الجنين خاصة ف الثلاث شهور الاولى؟ ... تعالوا نشرح الموضوع باستفاضة

✅️فعلا في ابحاث بتتكلم عن الموضوع ده بس خلينا نكون محددين .. الحالة هنا اسمها Idiopathic Recurrent Miscarriage ودي ليها شروط
↩️غير معروفة السبب "مش بسبب مرض من اللي بيؤدي الى الاجهاض"
↩️يكون حصل اجهاض متكرر ل٣ مرات متتالية

🔸️لحد اللحظة مش معروف مين المتهم الرئيسي ف الاجهاض بس وجدوا ان في نوع من الاجسام المناعية بيزيد ف بطانة الرحم ف الحالات اللي بيحصلها اجهاض وكان uNKc ...
↪️Uterine Natural Killer Cells

🔹️ومن هنا جربوا ادوية تقدر تقلل ال uNK من غير ما تؤثر ع الجنين
وهما بنتكلم عن العيلة الكبيرة بتاعت Immunosuppressants
لحد ما توصلوا لدوائين Cyclosporin A وال Prednisolone

🔸️طب اشمعنى ال prednisolone؟
↩️لان بيحصله Metabolism by placenta ومش بيوصل للجنين غير اقل من 10% من الدوا ف هو آمن لحد كبير "علشان كده مينفعش يستخدم بدل الديكسا لاكتمال رئة الجنين لأنه مش بيعدي تقريبا"

🔹️طب يتاخد امتى؟
↩️حقيقي مفيش وضوح ف النقطة دي
▪︎هل يتاخد بعد حدوث الاجهاض مباشرة وتستمر عليه علشان يحافظ ع تركيز ال uNKc قليل ف ال placenta
▪︎ولا يتاخد من بداية الحمل ولا من الاسبوع الرابع ولا التامن؟
الاغلبية استقرت ع بداية الحمل امتى بالظبط مش هتفرق بس كل ما كان بدري كل ما كان افضل

🔸️الجرعة قد ايه؟
↩️مش اقل من ٢٠مجم .. لان في ابحاث اتعملت ع ال ٥مجم بس لم يحدث فارق ملحوظ

🔹️طب نوقفه امتى؟
↩️في ابحاث قالت لحد الاسبوع ال ٢٨ وف ابحاث قالت لحد ال delivery

🔸️طب هل ليه اضرار ع الام او الجنين؟
↩️في الابحاث مظهرش اي آثار جانبية خطرة متوقعينها زي:
Gestational Diabetes mellitus
Gestational Hypertension
Premature labour
Fetus defects

🔹️طب يعني كده هو علاج رسمي؟
↩️لا ابدا لسه الموضوع غامض وحواليه تساؤلات ومنقدرش نقول حتى انه off label use لان النتايج مش واضحة ولو ان اغلبها مبشر بس الابحاث معمولة ع قطاع صغير مجرد مئات ف محتاجين الدايرة تكبر علشان نقدر نحكم ... بس لحد ما ده يحصل ف ان يكون ف احتمالية افضل كتير من عدم وجود اي حل

✅️معلومة صغيرة ... ملقوش اي تأثير ملحوظ للحوامل اللي خضعوا لعملية حقن مجهري IVF او الاحدث ICSI
Inteacytoplasmic Sperm Injection
ف هو مش مفيد ف الحالة دي

بس كده ... لا تنسوا والدي من صالح دعائكم
تقدروا تشوفوا باقي البوستات ع الهاشتاج ده 👇
#marwan_crash_board
وع قناة التليجرام
https://t.me/placebo7393

Repost*

عمرك شفت عميل داخل الصيدلية بيقولك عاوز قطرة انسولين؟

احنا عارفين ان الانسولين بيستخدم لعلاج مرضى السكر من النوع الاول ... واغلبنا عارفين ان ممكن نستخدمه موضعي ع الجروح اللي بيتعرض لها مرضى السكر

لكن مظنش ان ف كتير سمعوا عن انسولين يستخدم كقطرة للعين غير قلة مهتمين بالابحاث ... عاوزك تبص ع الروشتة اللي ف الصورة وترجع تكمل البوست

🔸️احنا عندنا مرض اسمه
NEUROTROPHIC CORNEAL KERATOPATHY
مش هدخل ف تفاصيل المرض لكن يكفي اقولك ان المرض ده بينتج عنه Corneal Ulcers او قرح ف القرنية وبيوصل الامر ل full tear قطع او ثقب ف القرنية وطبعا لو متلحقش بيوصل للعمى التام complete blindness

🔹️ف سنة ١٩٤٥ العلماء اكتشفوا دور الانسولين ف انه بيحسن من مشاكل العيون المصاحبة لمرض السكري بس هنا systemic عادي مش local ... واردفوا ان السبب اكيد اننا بنقلل السكر ف ده بيساعد ع حل المشكلة وانه كده كده anabolic hormone لكن تفاصيل اكتر من كده مفيش ... لحد ما وصلنا ف التسعينات وبدأوا يتوصلوا لدور الانسولين ف علاج الجروح

🔸️اخر ٢٠ سنة بقى كانت الابحاث بتدور حول ميكانيزم الانسولين ف شفاء الجروح وازاي بيمنع القطع ف ال cornea بل ولو حصل بيعالجه

🔹️خليني اقولك بقى قبل ما نتكلم عن ازاي الميكانيزم ... ان علاج ال neurotrophic keratopathy عبارة عن خطوات بتتدرج من
Aggressive lubrication of Corneal surface
ثم ال therapeutic contact lenses ثم
Amniotic membrane grafting
وصولا الى
Torsorrhaphy

✨️وف علاج تم اختراعه مخصوص اسمه OXERVATE دي قطرة عبارة عن Recombinant human nerve growth factor-rhNGF

🔸️نرجع للانسولين الميكانيزم ازاي؟
↩️قالك ده موضوع كبير اوي لانه مش شغال بميكانيزم واحد ولا ع مستقبل واحد لا ده شغال بكذا ميكانيزم

↪️Significantly accelerates regenerative process within Cornea
↪️Plays crucial role in cellular growth & Corneal repair
↪️Activates ERK, PI-3K pathways --> enhance anti-apoptotic properties
↪️Influences mitochondrial stability & plays role in expression of nuclear genes
↪️Influences Corneal integrity and cell proliferation

كل نقطة من دول محتاجة بوست نشرح هو بيعمل ايه فيها بس يكفي انك تتخيل مدى كفاءته بكل الميكانيزمات دي

🔹️بيتحضر ازاي وهل بنستخدم اي نوع انسولين؟
↩️احنا بنستخدم نوعين بس Regular or rapid acting insulin دول اللي اتعمل عليهم ابحاث ومنطقي بسبب طبيعة امتصاصهم
بنستخدمه بتركيز 1IU/ml
طب مل من ايه؟
من محلول ملح normal saline او الافضل قطرة فيها PEG زي السيستان اللي الدكتور كاتبها هنا وبتستخدم ف خلال شهر من حلها

↩️هتقولي بس هنا الدكتور كاتب نضيف ١٠٠ وحدة وقطرة السيستان دي ١٠مل ف كده التركيز هيبقى 10IU/ml مش زي ما انت قلت 1IU/ml

↩️هقولك ف الابحاث وصلوا التركيز ل 100IU/ml ولقوا ان نفس الكفاءة ف ليه نستهلك كمية زيادة من الانسولين وكفاءة ال١٠٠ وحدة هي نفس كفاية الوحدة الواحدة

يمكن الدكتور بس خلاها ١٠٠ وحدة علشان المريض يعرف يعايرها ولو ان المفروض دي اللي يعملها الصيدلي ف sterile area وكمان هي بتتوصف من مرتين ل اربع مرات ف اليوم .. بس عادي مفرقتش ٤ من ٥ مرات

🔸️اخر سؤال هتيجي تسألني طب طالما العلماء اخترعوا قطرة مخصصة للمرض ايه اللي يتعبنا بقى ونجيب انسولين ونضيفه ع قطرة ونفضل نحسب؟

↩️لان ببساطة الاتنين تقريبا كفاءتهم قريبة من بعض لكن السعر شتان ما بينهم
استخدام قطرة OXERVATE لمدة ٨ اسابيع بيكلف تقريبا ١٠٠ الف دولا
لكن استخدام قطرة الانسولين دي لنفس المدة بيكلف ٨٠ دولار فقط ف اكيد مفيش وجه مقارنة

✨️اخيرا الواحد بيفرح ان الحمد لله ف دكاترة بتواكب العلم برا وبتخرج برا الصندوق ف التفكير وبتشتغل بعلم

بس كده ... لا تنسوا والدي من صالح دعائكم

تقدروا تشوفوا باقي البوستات ع الهاشتاج ده 👇
#marwan_crash_board
وع قناة التليجرام
https://t.me/placebo7393

امراض كتير للاسف اسمها بيوحي بشيء مختلف عن طبيعتها ومش ذنب العامة انهم معندهمش من الثقافة الكافية ف معرفة تسمية كل مرض .. ف خلينا نقول كلمتين

ايه هي حمى البحر المتوسط؟
ده مرض جيني بيصيب الانسان بيكون عبارة عن انتفاضة ف الجهاز المناعي بيخرج اجسام اسمها Pro inflammatory cells بتعمل ارتفاع درجة حرارة والتهاب في الاغشية عامة ف الجسم ... يعني غشاء اللي بيغلف الامعاء ... الغشاء اللي بيغلف الرئتين ... الغشاء اللي بيغلف القلب... حتى بيصيب التجاويف واهمها طبعا المفاصل الكبيرة

طب ليه اتسمى كده؟
لانه قدرا المرضى اللي اتصابوا بيه كانوا بيسكنوا ف النطاق حول البحر المتوسط ف العلماء ربطوا اسم المرض بالمكان اللي اكتشفوه فيه "يمكن يكون ليه دلالة من طبيعة اكل او جو او ايا يكن العامل اللي فعلا ممكن يكون موجود حصرا ف المكان ده"

المرض نفسه بيظهر ف سن مبكر .. وبما ان المرض جيني يبقى لازم الاب والام يكون عندهم الجين اللي هيتم توريثه للابناء وساعتها هيكون المرض عنيف .. لو احد الاباء بس هيكون المرض ضعيف الى متوسط

المشكلة مش ف الالتهاب لانه بيجي ع هيئة episodes بتستمر ايام وتختفي ع فترات ... بس لو الموضوع متعالجش ممكن يدمر الاعضاء اللي مغلفة بالاغشية دي وطبعا يعمل حاجة اسمها deformity للمفاصل الملتهبة ... والخطر الاكبر انه بيرسب مواد ف الكلى مع الوقت بتؤدي للفشل الكلوي بنسمي الحالة دي renal amyloidosis

علاجها حصرا هو الكولشيسين هو بابا المجال هنا "وشوية ادوية تانية" ... المريض بيقدر يتعايش مع المرض لو تم اكتشافه وعلاجه ف وقت مبكر .. غير كده بيكون غلس شويتين

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

Don't touch IT'S ART
الواحد بعد كده ينزل البورد كفاية 😂😎 هي شارحة نفسها ... الحمد لله خلصنا فيديو فيتامين د وشغله مع فيتامين k ... بإذن الله هيتظبط وينزل بكرة .. لطيف وخفيف "مش اوي" بس هيفهمك ايه الحكاية وراهم من الالف للياء بإذن الله

الفيديوهات دي هتتشرح بشكل معمق بكتير ف ال branches بإذن الله ادعوا لي بس اعملها زي ما راسمها ف دماغي هتكون محتوى دسم جدا ... بس طبعا موجه بشكل خاص للناس اللي بتحب تفاصيل التفاصيل

#marwan_crash_board

🔸️لو جيت قولتلك مريض ضغط ووظائف الكلى عالية نمشيه ع ايه للضغط هتقترح عيلة ال ARBs

🔹️ولو قولتلك مريض ضغط ودخل مني في CKD
نمشيه ع ايه للضغط هتقترح عليا ايه من العيلة هتقولي valsartan

🔸️ولو قولتلك مريض ضغط وهو established CKD وال eGFR مش احسن حاجة وكمان مريض سكر والدهون مرتفعة خاصة ال TGs
نمشيه ع ايه للضغط لازم هنا تقولي Telmisartan

✨️ال Telmisartan ده من عيلة ال ARBs يعني هيقفل ال AT1 receptor ف هيمنع كل شغل ال Angiotensin II بس كل العيلة بتعمل كده

↩️الجميل انه شغال كمان ع ال PPAR ¥
Paroxysmal Proliferator Activated Receptor Gamma
ده نفس المستقبل بتاع ال Pioglitazone
يعني هيحسن من حساسية الانسولين ف هيساعد جدا مرضى النوع التاني من السكر

↩️كمان بيساعد ف انه يقلل ال TGs ف هيكون مناسب لمرضى الدهون المرتفعة

💥كل ده جميل بس الاجمل بقى ان ال t1/2 بتاعته ٢٤ ل ٣٦ ساعة يعني قرص واحد هي cover اليوم كله مستريح وهيمنع عرض مشهور جدا اسمه morning surge ان ف اغلب مرضى ال uncontrolled HTN الضغط بيعلى بشكل ملحوظ ف الصبح

✨️يسكت ع كده لا ... الراجل ده الوحيد اللي تقريبا كل الاخراج بتاعه عن طريق الكبد واقل من ١% بس هو الدواء الامثل لمرضى الضغط اللي عندهم CKD

🔹️وعلشان يقدم باكيدج محترمة ف هو لما يكون ف Dual/Triple combination with Amlodepine
هيمنع ال LLE ... Lower Limb Edema

↩️لان ال Amlo بيعمل توسيع ال Pre capillary Arterioles ف لكن ال post venules لا ف يزيد الضغط جدا ف منطقة ال Capillaries ويحصل ارتشاح خاصة ف الاطراف السفلية

↩️يجي بقى اخونا Telmi يعمل VD لل post capillary venules ف يمنع عملية الارتشاح دي

🌟البورد دي تلخيص للبوست كله ف نقاط محددة

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

صديق بعتلي الصورة دي بيسأل ليه مكتوب لطفلة الاقراص البيضاء من ال Cyclo Progynova قبل عمل تحليل ال Growth hormone

ف حبيت اكتب بوست علشان تعم الفايدة ... يلا بسم الله

اولا الاقراص البيضا هنا تقصد ال estradiol او استروجين يعني
هو فعلا ف approach انها تتاخد قبل عمل التحليل ب ٣ ل ٥ ايام ع ما اذكر

🔹️فاكرين ف الكلينيكال بايو كنا درسنا تيست اسمه GH Stimulating test او GH provocative test كانت الفكرة اننا ندي مادة تحفز تصنيع ال GH ف نعرف السبب primary ولا secondary لانه لو 1ry ف هتفشل انها ترفع المستوى بتاع الهرمون ف كده متكونش من الاساس وهتكون المشكلة ف ال Pituitary gland نفسها ... كنا اخدنا مثال ع كده الانسولين ك GH stimulant .. ف هو عامة مش الوحيد ف كذا حاجة تنفع ك stimulant من ضمنها الاستروجين والارجنين والانسولين والجلوكاجون وغيرهم

🔸️بس الجميل وجدوا ان ال specificity وال accuracy وال sensitivity بتاعت الاستروجين بتكون عالية ... طب هي بتشتغل ازاي؟

↩️الاستروجين بيروح للكبد ويعمل inhibition of liver secretion of insulin like growth factor-1 (IGF-1) واللي بدوره بيدي اشارة لل Pituitary gland انها تزود تصنيع ال GH

🔹️ف احنا بعد الفترة دي من اخد العلاج بنقيس للطفل ال GH level لو مرتفعش فوق رقم معين يبقى يتشخص ب GH deficiency
والتحليل ده شائع جدا ف حالات زي

-prepubertal or early pubertal children with idiopathic short stature (SS)
-prepubertal GH deficiency (GHD)

تقدروا تشوفوا باقي البوستات ع الهاشتاج ده 👇
#marwan_crash_board
وع قناة التليجرام
https://t.me/placebo7393

بإذن الله الفيديو الجاي هيكون عن اسطورة الالفينترن في علاج الورم وازاي نعرف ايه الحالة اللي فعلا محتاجة انها تاخد العلاج ده

وايه المشكلة من انه يتاخد مع ورم اللثة ... انا عارف اني كتبت بوست عنه بس الفيديو هيكون تفصيلا ومقارنة بين الحالتين ليه ينفع هنا وليه مينفعش مع اللثة وايه اللي بيحصل ف كل حالة ... وهل كل ورم او ارتشاح ينفع معاه الالفينترن
او ال alpha chemotrypsin علشان الناس اللي بتزعل من الاسماء التجارية

انا الداتا بحضرها من تقريبا اسبوع ويا دوب خلصتها لسه هتتفلتر وانسقها ك سكريبت وبإذن الله ف خلال الاسبوع ده هينزل

السلام عليكم
هنخلي النهاردة free time لو حد حابب يسأل اي سؤال طبي او يتناقش ف حالة

هو ازاي الانسولين بيستخدم موضعي لعلاج الجروح ... وهل كل انواع الجروح ينفع معاها ولا جروح مرضى السكر بس

خلينا نتفق ع شيء الانسولين هنا دوره مش المفتاح اللي بيدخل الجلوكوز للخلايا ... لا اطلاقا هو دوره ك local growth factor .. عامل بيساعد ف البناء والتئام الجروح

الجروح الشديدة "مش العميقة اللي بتخترق طبقات اللحم وبتوصل للعظام" بيكون عندها مشكلة واضحة ف عملية الالتئام خاصة ف حاجتين ال fibroblasts وتكوين الكولاجين ال keratinocytes وتكوين ال granulation tissue او اول طبقة نسيج فوق سطح الجرح ... وهنا تأتي عظمة الانسولين

1️⃣بيحفز ال cell proliferation عن طريقة انه بيحفز ال MAPK/PI3K pathways

2️⃣بيحفز انتاج ال fibroblasts ومنها تكوين ال collagen وال extracellular matrix ECM

3️⃣بيحفز وله دور حيوي ف ال VEGF .. vascular endothelial growth factor ف هيزود من ال angiogenesis

4️⃣بيقلل من خروج وانتاج ال inflammatory Cytokines زي ال TNF-ALPHA

5️⃣بيزود من انتاج ال Anti-inflammatory cytokines

6️⃣بيقولك انه كمان بيحسن من ال peripheral Neuropathy وده كلام ضعيف ولسه مفيش ادلة كافية

عظيم الانسولين ... بس الفكرة انه مينفعش ف حالتين
◇ان الجرح يكون ملوث بشكل كبير ومليان بكتيريا و pus

↩️ف لازم الاول يحصل debridement ويحصل off load لل pus ويتاخد مضاد حيوي وننضف الجرح كويس جدا علشان الانسولين يقدر يشتغل الشغل اللي فوق ده

🔸️طب ايه اللي ممكن يحصل لو اخدنا انسولين يعني ف حالة ال infected wounds
↩️قالك ولا حاجة ... الفكرة ان ال efficacy بتاعته ف تحفيز ال fibroblasts وال keratinocytes هتقل جدا ... وان البكتيريا اصلا بتفرز proteases enzyme ف ده هيكسر الانسولين قبل ما يشتغل

طب لا احنا الانسولين بتاعنا رجولة وهيقدر يعيش ويتعايش؟ .. قالك بفرض انه وصل انه يعمل ال granulation tissue ف دي مصيبة .. ليه؟
لانك بتحبس البكتيريا مع الجرح وبتغطيهم بنسيج وتقول للبكتيريا عيشي الحياوة انت براحتك انا حميتك من ال environmental factors

◇ان الجرح يكون عميق .. وهنا هنكون محتاج اكتر من مجرد نسيج بسيط يتكون لا محتاجين ترقيع او graft وموال كبير

🔹️بس يا دكتور انا عارف ان الانسولين بيستخدم موضعي ف جروح مرضى السكر علشان البكتيريا بتتغذى ع الجلوكوز ف لما بنحط انسولين بيقلل مستوى السكر ف الدم ف يمنع البكتيريا من مصدر الطاقة

↩️"الانسولين الموضعي: شكرا ع ثقتك الغالية"
الانسولين الموضعي تركيزاته قليلة جدا مش بيكون عنده القدرة اصلا ع تغيير نفاذية الخلايا المحيطة بالجرح علشان يدخل جواها الجلوكوز فضلا عن انه يقلل مستوى السكر ف الدم اصلا

ف هو شغله كله زي ما قولنا فوق ملوش علاقة بكونه البواب بتاع الجلوكوز ... بس احقاقا للحق ف هو ليه دورين ف الجروح الملتهبة وفيها بكتيريا

1️⃣بيزود من افراز ال Nitric Oxide من ال macrophagesف يساعد ف القضاء ع البكتيريا

2️⃣بيقلل ال Oxidative stress.. ف يحسن من استجابة الاجسام المناعية

✨️طب يا دكتور كده يستخدم ف حالة الجروح لمرضى السكر بس مش لكل الجروح؟
↩️لا مين اللي قال كده؟ .. لو فهمت طريقة شغله فوق هتعرف انه مش مقتصر ع مرضى السكر .. نقدر نقول بيستخدم ف الاتي:
▪︎جروح مرضى السكر
▪︎الحروق من الدرجة التانية فما أعلى
▪︎ال pressure sores او كما يشاع ال bed sores قرح الفراش
▪︎وال surgical wounds

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده
#marwan_crash_board

وع قناة التليجرام
https://t.me/placebo7393

هل كل الامراض الكبيرة لازم علشان نكتشفها تكون ظهرت مشاكل كبيرة؟

الاجابة لا ... في كثير من الاحيان الامراض الصعبة بتظهر علامات بسيطة واللي بيفرق حالة عن حالة انك في الحالة دي لاحظت العلامات البسيطة بتلحق تعالج المرض قبل ما الوضع يكبر منك

ولو ملاحظتهاش بتفضل مجهولة لحد ما المريض يقول ازاي يحصل فيا كل ده انا كانت حالتي كويسة جدا ... كل ده علشان بس لا هو ولا الدكتور "لو كان راح يعني" انتبه للعلامات دي

مثال ع كده طبيب بيتكلم معايا ف حالة ف بيقولي ان جاله مريض بيشتكي من رعشة ف ايده وانه بياخد حقن للاعصاب بس لسه المشكلة خاصة لما بيمسك حاجة بايده

قالي وف وسط الكلام قالي حاجة هو مستغربها انه لما بيجي يكتب الكلام الاول بيكون واضح لكن مع استمرار الكتابة الحروف بتصغر وبتكون ملغبطة وهو فاكر انها بسبب رعشة ايده

ف قاطعته قولتله micrographia ... طلع parkinson's صح؟

قالي اه فعلا كده بعد الفحوصات اتأكدنا انه parkinson's .. ف بيكلمني ان شوف اه بسبب حاجة بسيطة ممكن متتلاحظش اصلا ف وسط كلام العيان بس بسببها ساعدتنا ف تشخيص مرض زي ده

ايه هو ال micrographia?
زي ما المريض وصف بالظبط بيكون عبارة عن الكتابة بتكون واضحة وكبيرة ومنتظمة بس كل ما يكمل ف الكتابة الرحوف بتصغر والخط بيميل والكلام بيدخل ف بعضه

الموضوع بيكون بسيط ف الاول بس بعد كده بيكون حرفيا خطه مش مفهوم ... "ممكن تكتبوا ع جوجل وتشوفوا امثلة ليها"

طبعا مش مجرد حد خطه ملغبط نروح نقوله انت يا عم الحاج عندك parkinson's.. ده خطوة ف وسط خطوات كتير

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

لو سألتك هو الترياكتين مادته ايه هتقولي Cyproheptadine

ولو قولتلك ايه المادة دي هتقولي انها 1st. Gen antihistamines

ولو قولتلك ان ده شغلها بس .. هتقولي لا بيتسخدم كفاتح للشهية ... هسألك ازاي؟ .. هتقولي علشان هي برضو شغالة ك serotonin antagonist

اظن ده سقف المعلومات عند الاغلب ف خلينا نتعمق شوية

احنا عندنا ال serotonin بيشتغل ع المستقبلات بتاعته ف ال hypothalamus ف ده بيزود الاحساس بالشبع satiety ... ف لو قفلناه ساعتها رغبة الفرد ف الاكل هتزيد لان فترات الجوع هتزيد

خلينا نتعمق اكتر ... هل ال cyproheptadine شغال ك serotonin antagonist ع كل مستقبلات ال serotonin.. قالك لا شغال ع نوعين بس
5-HT2A & 5-HT2C

اخونا ال 5-HT2C ده موجود ف مكان مهم جدا اسمه Arcuate Nucleus وده من ضمن المراكز الاساسية ف احساس الفرد بالجوع والشبع

المهم ان جوا المركز ده في نوعين من الاعصاب عاملين زي الفرامل والبنزين ...

1️⃣اعصاب اسمها NPY/AgRP ودي دواسة البنزين اللي بتخليك تحس بالجوع

2️⃣الضد بتاعها هي ال POMC
Pre-OpioMelanoCortin Neurons
دي بقى نعتبرها دواسة الفرامل .. اللي بتمنع الانسان انه يكون قطر مش بيقف .. اصل مش طبيعي تفضل حاسس انك جعان طول الوقت ف لازم حاكم للموضوع

المهم انها لما بتتحفز بتروح تحفز هرمون اسمه alpha melanocyte stimulating hormone .. يشتغل ع مستقبلات اسمها MC4R ف ال Paraventricular Nucleus وتقوم محسساك ان خلاص كده انت الحمد لله شبعت ..

مين بقى اللي بيحفز ال POMC؟ بالظبط ال 5-HT2C
ف لو انا اديت حاجة antagonist لها دواسة الفرامل دي مش هتكون شغالة ف دواسة البنزين NPY/AgRP هي هيكون لها ال upper hand او ال predominant ف هتزود الفترات اللي الشخص يكةن حاسي فيها بالجوع

"ع فكرة دي فكرة شغل فواتح الشهية ف حالة الاورام السرطانية"

طب معنى كده ان اب serotonin antagonist ينفع يشتغل ك appetite stimulant

الاجابة لا ... لازم يكون antagonist ع 5-HT2C

طب معنى كده ان اي 1st. Gen antihistamines هيكون له serotonin antagonism؟

الاجابة برضو لا .. ال Cyprohepradine حالة خاصة دونا عن الباقي لان ال structure بتاعته من piperidines اللي بتكون متميزة ب indole like structure ف هي شبه بالظبط شكل ال serotonin

ف بيركب ع المستقبلات بتاعته ... ع فكرة زمان كان ال Cyprohepradine IV بيستخدم ف حالات ال Serotonin Syndrome

طب ايه جرعته ك فاتح للشهية
الجرعة الاساسية بتكون قرص ٣ مرات ف اليوم يتاخد قبل الاكل بنص ساعة لساعة

طبعا مننساش انه له Mascurinic antagonism
ف هيحسسك بالنوم والدماغ التقيلة وجفاف الفم

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board

وع قناة التليجرام
https://t.me/placebo7393

قاعد ف الصيدلية ودخل عم عبده اللي عنده جلوكوما وطلب قطرة xalatan وطبعا بما ان عم عبده كان نفسه يدخل طب بس فرقت ع ٣٠% ف بيحب يسألني عن كل دوا بياخده

🔸️ف بيقولي يا دكتور هي القطرة دي ايه الميكانيزم بتاع شغلها ... ايه ال Latanoprost دي؟

↩️قولتله يا عم عبده دي prostaglandin analog ولسه بكمل قالي لا ثواني انا عارف البروستاجلاندين ده هو انواع كتير بس كلهم بيعمل Vasodilation يعني هيوسعوا الاوعية الدموية ف ال Cilia ف كده هيزود ال Aqueous Humor وهو يا دكتور مروان الجلوكوما ايه غير ان ال Aqueous humor يزيد ف ال anterior chamber بتاع العين

↩️قولتله يا عم عبده ف نوع ف ال PGs اسمه PGF2-alfa ده بقى شرير عكس اخواته بيعمل vasoconstriction

🔹️قالي اااااه قصدك هيعمل vasoconstriction لل blood vessels بتاعت ال ciliary epithelium ف كده هيمنعها من انها تخرج ال Aqueous humor ف يقل ال intraocular pressure ... طب ما شغله شبه التيمولول ايه الجديد يعني ادفع فلوس زيادة وخلاص!

↩️قولتله يا عم عبده انت كنت هتطلع دكتور شاطر لان الدكاترة فضلوا سنين فاكرين ان ده الميكانيزم ... لحد من قريب كده اكتشفوا حاجة غريبة شوية

🔸️ف محاضرة د.دعاء ف الرمد شرحت ال classical pathway of Aqueous humor drainage وهو ان المياه دي تتصرف عن طريق قناة الخواجة الالماني شليم canal of Schlemm

لكن طلع ان كلام د.دعاء مش updated وان ٣٠% من ال Aqueous humor بيترسب من طريق تاني اسمه Uveoscleral pathway

↩️ف هنا ال PGF2-alfa بيساعد ع ال drainage من خلال السكة دي ف بيوسع الفراغات ما بين ال ciliary muscle spaces وكمان بيوسع المسافات بين طبقات العين نفسها ف المياه تتسرسب كده ويقل ال IOP وهو احنا بنعالج ال Glucoma بايه غير اننا نقلل ال IOP ... بس حاسب لو حد سألك ايه الميكانيزم او تقوله بتقلل ال IOP وتسكت لا لازم تقوله
✨️Dec. IOP by increase Aqueous humor drainage through Uveoscleral pathway

🔹️قالي علشان كده ف قطرة جنبها ع الرف اسمها xalacom علشان فيها ال Latanoprost و ال timolol مع ف كده بيقلل ال IOP خالص

↩️قولتله بالظبط ... قالي طب ما تجيبها يا دكتور طالما احسن .. قولتله يا عم عبده ليس كل ما يعرف يقال قطرتك مناسبة جدا لحالتك وبعدين الجلوكوما انواع يا عم عبده في open angle وف closed angle وموال ف مش اي حاجة هتنفع حالتك

بس كده ... لا تنسوا والدي من صالح دعائكم

تقدروا تشوفوا باقي البوستات الطبية ع الهاشتاج ده #marwan_crash_board
وع قناة التليجرام
https://t.me/placebo7393