Tabriklaymiz!

Qirg'izistonda o'tkazilgan “Zakovat Asian Cup II” musobaqasida O'zbekiston jamoasi g'olib bo'lishdi.

O’tgan yili Qozog’istonda ham yutib kelishgandi, kelasi yili Tojikistonga, Xudo xohlasa. (@xushnudbekuz)

👉👉 t.me/pmtests

Eng katta boylik bu aql-zakovat va ilm. Eng katta qashshoqlik bu ilmsizlikdir.

Bozordagi o'rtacha narxi 18 mln so'm bo'lgan iPhone 16 ProMax telefonini yasash uchun 110 gramm plastmassa va shisha, 117 gramm turli metallar kerak bo'ladi. Ishlov berilmagan holatda 227 gram tarkibning bozor bahosi atigi 45000 so'mni tashkil qiladi. Ilm-fan 45000 so'mlik narsaning qiymatini 400 barobar oshirib yuboradi. (Ma'lumot ChatGPTdan)

Dunyoda tabiiy boyliklarga ega ko'plab davlatlar qashshoq va aksincha tabiiy resurslarga ega bo'lmagan boy mamlakatlarning mavjudligi eng katta boylik ilm ekanligini tasdiqlaydi. Buni ilm-fan yutuqlarini ishlab chiqarishga joriy qilgan Apple kompaniyasi va O’zbekistonning tabiiy boyliklari va butun xalqimiz daromadini solishtirish orqali izohlash mumkin.

✅ Apple kompaniyasi Amerikada joylashgan bo’lsada, uning aksariyat mahsulotlari dunyoning turli qismlarida ishlab chiqariladi. Kompaniya asosan bilim (dasturlar, loyihalar va dizaynlar) bilan boshqa davlatdagi ishlab chiqaruvchilarni ta'minlaydi (sotadi). Uning mahsulotlari boshqa davlatlarda ishlab chiqarilishiga qaramay daromad Amerikaga boradi. Demak, AQSH bilimdan daromad qilmoqda.💯

✅ Bugungi kunda Apple kompaniyasi 3 trillion dollardan ziyod qiymatga ega. Tabiiy boyliklarga juda boy hisoblangan yurtimizda tabiiy boyliklarning (gaz, neft, uran, oltin va hak.) umumiy qiymati 5 trillion dollardan ortasa, biz foydalana oladigan va jilovlangan zahixaralar qiymati 2 trillion dollarga yetmaydi. Buni qarang, biz maqtanadigan butun boyliklarimiz ilm-fan va texnologiyaga asoslangan bitta kompaniya qiymatiga yetmas ekan. 💯

✅ Apple kompaniyasi 2024-yilda 391 milliard dollar daromad oldi, 51 foizi iPhone sotishidan. Apple 2024-yilda 232 million iPhone, 52 million iPad va 22 million Mac va MacBook donalarini sotdi. 2024-yilda O’zbekistonda ishlab chiqarilgan yalpi ichki mahsulot 115 milliard dollarni tashkil etgan. 38 mln O’zbekiston aholisining yillik daromadidan 120 mingga yetmaydigan ishchilarga ega kompaniya daromadi 3,5 barobar ko’p bo’lmoqda.💯

✅ O’zbekison 2024-yilda 120 000 kg oltin qazib oldi. Bu dunyodagi eng yirik ishlab chiqarish hisoblanadi. Ammo, uning bozor narxi hozir eng yuqori narxda ham 12 milliard dollar atrofida xolos. Bu bir yillik iPhone sotuvidan 16 marta kamni tashkil qiladi. Bir iqtisodchi aytganiday "O'zbekiston oltin ishlab chiqarishda eng yuqori 10 talik davlatga kirishidan ko'ra, paypoq ishlab chiqarishda 10 talikka kirishidan ko'proq xursand bo'laman".

☝️Endi tabiiy boyliklar bilan faxrlanish vaqti o’tdi. Haqiqiy boylik bilim. Statistik ma’lumotlarga ko’ra, Yer osti boyliklariga ega bo’lmagan Yaponiyada kambag’al odamlar deyarli yo’q. Chunki, farovon hayot ta’limga bog’liq.

👨‍🏫Biz ishonamizki, yaqin yillar ichida O’zbekiston rivojlangan davlatlar qatorida bo’ladi. Chunki, bugun ota-onalar farzandlari ta’limiga e’tibor bermoqda. Kelajakda O’zbekistonlik yoshlar o’zining Apple kabi “Transmiliy kompaniyalar”iga egalik qilishini so’rab qolamiz!!

Kanalimizga a'zo bo'ling

👉👉 t.me/pmtests

Uchrashuv

Bobosidan qolgan bog’ga uzoq yillardan so’ng tashrif buyurgan Ismoilni bog’ xizmatchisi Orif ota va uning ayoli kutib oldi. Nariroqda uyalib turgan qizi onasi imosi bilan tahoratga suv keltirib, obdastani “kichik xo’jayin”ga uzatarkan, ibo bilan eshitilar-eshitilmas: “Assalomu alaykum, keling”, deya oldi va zumda ko’zdan g’oyib bo’ldi.

Orif ota xonadonida mehmon bo’lib qolgan Ismoil yolg’iz bog’da sayr etar ekan hayoliga kelgan baytni bog’ oxiridagi eshikka yozib qo’ydi.

Dilkusho el bo’lmasa, zindon erur,
Qayerda el bo’lsa, anda dil kusho.

U odami yo’q bog’ni zindonga qiyos qilgan edi. Ertasi kuni Ismoil kutilmaganda yozuvlarni ustidan chizib ostiga boshqa bayt yozgan bog’bonning qizi Fotimani uchratib qoldi. Fotima juda chiroyli husni xat bilan:

Dilkusho gul bo’lmasa, zindon erur,
Qayerda gul bo’lsa, anda dil kusho.

Husni xatdan mukammal ta’lim olgan Ismoil bu yozuvdan hayratda qoldi va “Xatingiz g’oyat go’zal ekan!” – dedi. Ismoilni kelganini sezmay ayb ustida qo’lga tushganday yuzlari qizarib ketgan Fotimaga yigit: “Haqiqatan gulsiz bog’ chiroqsiz uyday sovuq va fayzsiz tuyuladi. Dilkusho turfa gullari bilan huzurbaxsh. Ammo, gul hajrida fig’on chekuvchi bulbul bo’lmasa, gul erta sarg’ayur ” – dedi.

Qiz zukkolik bilan gap ma’nosini burib: “Ushbu bog’da erta tongdan bulbul fig’oni tinmaydir” – dedi.

Ismoil bo’sh kelmay: “Ming taassufki, bu bo’ston guli bulbulning nolasiga befarqdir, u qancha kuyib-pishmasin, husnini yaproqlar ichra yashirmishdir” – dedi.

Fotima jur’at bilan: “O’sha bulbul azizlik qanoatda ekanligini bilmas. Ikki nomahram suhbatiga shayton aralashgusi, zotan, Yaratganga bu hush kelmas. Agar zerikib qolsalar, men ojizaga o’xshab bog’dagi gullar bilan sirlashmoqni odat qilsinlar” deya ketdi.

Bog’bon qizidan bunday nazokat va fasohatni kutmagan Ismoil o'zi boshlagan so’z o’yinida yutkazganini his qildi. U qiz ortidan hasrat bilan tikilib qoldi. Agar bunday oqila va zukko qiz jufti haloli bo’lsa, tug’ilajak farzandlar ham zukko, xushxulq va solih bo’lishini o’yladi.
________________________________

Hali uylanmasidan farzandlari kamolini o'ylagan Ismoil va qayerda (bog'da yoki dalada) bo'lishidan qat'iy nazar ilm o'rgangan, hayoni hamma narsadan ustun qo'ygan Fotimadan butun o'zbek xalqi uchun faxr bo'lgan buyuk olim Imom Buxoriy dunyoga keldi.

👉👉 @PMTESTS

#tadqiqot_va_izlanish

3 ta usti yopiq idishga saqichlar solingan. Bir idishda Kango, yana biriga Zizi va biriga Kango va Zizi saqichlari aralashtirib solingan. Rasmdagi A, B va C idishlardagi barcha yorliqlar xato yopishtirilgan. Idishlarda qanday saqich borligini aniqlash uchun faqat bitta idishdan ichiga qaramasdan bitta saqich olishga ruxsat beriladi.

Qaysi idishdan bitta saqichni olib barcha yorliqlarni to'g'rilash imkoni mavjud?

👉👉 Javobni bilish

Yaqinda O'zbekiston yoshlari bir vaqtda 1946 ta mini-robot yig'ib rekord o'rnatishgan edi. Bundan juda quvongan bo'lsak ham, hali bizda qilinadigan ishlar ko'p ekanini yodda tutishimiz kerak.

Xitoyda 100 ming dron uchirilib jahon rekordi yangilanganini ko'rgan odamda shunday xulosa paydo bo'ladi.

👉👉 t.me/pmtests

Sanoqli kunlar qolmoqda... (uch kun)

Vazirlar Mahkamasining 2023-yil 27-maydagi 214-sonli qarori bilan tasdiqlangan Nizomga asosan Prezident maktablariga kirish imtihonlarining ikkinchi bosqich natijalari imtihon topshirilgan kundan keyin 30 kun ichida e'lon qilinadi.
Nizom bo'yicha 2025-yil 27-iyulda bo'lib o'tgan ikkinchi bosqich imtihon natijalari 26-avgustgacha e'lon qilinishi kerak.

Prezident maktabi Asosiy imtihon natijalari chiqishi bilan kanalimiz yangi 2025-2026-o'quv yili uchun o'z faoliyatini boshlaydi. Kanalimizda Prezident va Al-Xorazmiy maktablariga tayyorlanish uchun eng foydali va samarali testlar, materiallar va yangiliklar berib boriladi.

Bizni kuzatib boring.
👉👉 t.me/pmtests

Farzandlarimiz yo olim bo'lsin,
yo ilm o'rganuvchi bo'lsin,
yo eshituvchi bo'lsin,
yo yaxshi ko'ruvchi bo'lsin.
Ilmga beparvo bo'lmasin!!

👉👉 @PMTESTS