#olimpiada_taassurotlari

15-mart kuni PMTESTS jamoasi va Intellect.uz o‘quv markazi hamkorligida Butun Vodiy bo‘yicha yutuqli olimpiada bo‘lib o‘tdi.

Olimpiada davomida onlayn darslarimiz va test tahlillarimiz orqali bizga yaqin bo‘lib qolgan ko‘plab o‘quvchilar bilan yuzma-yuz uchrashdik. Ularning ko‘zidagi ishtiyoq, qiziqish va bilimga chanqoqlik bizga katta motivatsiya berdi.

Hamkorimiz Intellect.uz olimpiadani juda yuqori saviyada tashkil qildi. Hatto ko‘plab o‘quvchilar qatnashganiga qaramay, har bir ishtirokchi uchun bepul tushlik ham tashkillashtirildi. Intellect.uz jamoasidagi hamjihatlik, har bir xodimning o'z vazifani yuqori darajada bajarishi ota-onalar va o‘quvchilar tomonidan alohida e’tirof etildi.

Meni eng hayratlantirgan jihat — o‘quvchilarning bilim darajasidagi katta o‘sish bo‘ldi. Oldin og'zaki savol-javoblarda bir savolni bir necha bor tushuntirishga to‘g‘ri kelar edi. Endi esa o‘quvchilar murakkab savollarni bir eshitishda tushunib, to‘g‘ri yechim topishmoqda.

Eng quvonarlisi — o‘quvchilar bir-birining bilimini tan olib, haqli g‘olibni hurmat qilishmoqda. Oxirgi olimpiadalarda birorta ham e’tirozlar bo‘lmayapti.

Vodiydagi bu manzara shuni ko‘rsatadiki, ta’lim sifati oshmoqda, ota-onalar va ustozlar e’tibori kuchaymoqda, o‘quvchilarning maqsadlari esa tobora kattalashmoqda.

Bu esa O‘zbekistonimiz kelajagi buyuk ekanini yana bir bor isbotlaydi.

👉👉 t.me/pmtests