Marhamat, tanishing - yangi qahramon.
________
Bu sarfiyot eng yaxshi va boqiy qoluvchi sarfiyotdir (Imom Buxoriy)

Ilm olayotganlarni qo'llab-quvvatlash bobolarimizdan meros qolgan sharafli ishdir.

Imom Buxoriy faqirona hayot kechirar edi. Ba'zan kiygani kiyimi qolmaganidan bir necha kun uyda qolib ketardi. Taomi uch-to'rt dona mayiz bo'lar edi.

Aslida u boy edi, otasidan juda katta mol-dunyo meros qolgan, yaxshigina foyda keltirib turgan edi. Ba'zan bir savdoda 5000 dirham (130mln so'm) foyda olardi. Har oyda kamida 500 dirham (13mln so'm) kelib turardi.

Ammo, u barcha dunyolarini ilm yo'lida sarflab yuborardi. Goh bir faqir talabaga boshdan oyoq kiyim olib berar, goh biror kitobga yetisha olmay yurgan o'quvchilariga o'sha kitobni sovg'a qilar edi. Imomning yaqinlari u talabalarga yordam ko'rsatishda isrof qilish darajasiga borgani aytib malomat qilishardi. Imom Buxoriy ularning e'tirozlariga javoban "Bu sarfiyot Alloh yo'lida bo'lgani uchun yaxshi va boqiy qoluvchi sarfiyotdir", der edi.

O'zbekiston qancha vaqtdan keyin rivojlangan mamlakatga aylanadi?!

Jahon banki hisobotida O'zbekiston yuqori daromadli mamlakatga aylanishi uchun 100 yil kerak bo'lishi yozilibdi. Bu degani biz tugul, biz hozir o'qitayotgan o'quvchilar va farzandlarimiz ham rivojlangan O'zbekistonni ko'rmasligi mumkin.

Ammo, biz ilm bilan tez fursatlarda taraqqiyotga erishishimiz mumkin va hozir uyg'onish davri keldi. Rivojlangan O'zbekistonni ko'rish hammamizga nasib etsin!!

Shu o'rinda bir she'rni yodga solamiz:

Uxlama ko‘p, o‘zbek eli, asri taraqqiy vaqtida.

Ilmsizlikda hama kelgan baloni anglayur,
Ittifoqu g‘ayrat aylab lek irfon istamas,

O‘zga millat uchsalar hikmat topib suyi samo,
Bizni ellar loaqal yer uzra davron istamas,

O‘zgalar etmoqda har kun bing sanoyi ixtiro,
Biz aqalli topmoqqa beranj bir non istamas,

Ey Nihon, bing hayf, ey insoniyat, islomiyat,
Millati xor o‘lmag‘in hech nomusulmon istamas
Uxlama ko‘p, o‘zbek eli, asri taraqqiy vaqtida.
(Hamza)

👉👉 t.me/pmtests

Ajoyib she'r, barcha ota-onalar uchun!!
Farzandlar sho'xlik qilsa, ularni qanday so'kish kerak.

👉👉 @pmtests

Oʻzbek talabalari Ginnes rekordini yangilamoqchi

18-avgust kuni “Yangi O‘zbekiston” bog‘ida 2 000 nafar yosh muhandis bir vaqtda 2 000 ta robotni yig‘ib, ishga tushiradi. Talaba-yoshlarimiz bu ishi bilan Ginnes rekordlar kitobiga kirishi kutilmoqda.

Tadbirda poytaxtimizdagi va respublikaning turli hududlardan kelgan minglab yoshlar ishtirok etadi. Ular orasida Prezident maktablari oʻquvchilari, imkoniyati cheklangan yosh muhandislarimiz ham bor.

Ma’lumot uchun, 2023-yilda Hindistonda 1 459 nafar o‘quvchi bir vaqtda mini‑robot yasagan. Yoshlarimiz bu ko‘rsatkichdan yuqoriga chiqishni rejalashtiryapti.

Bu voqea — yosh muhandislarimizning kuchi, birdamligi va kelajakka ishonchi ramzi bo‘ladi.

Ana shunday tarixiy voqeaga birgalikda guvoh bo‘laylik!

@hilola_umarova

Farzandim buyuk inson bo'lsin deganlarga!

Fotih Sulton Mehmetxon bolaligida juda yaramas, to'polonchi bir o'quvchi edi. Dars vaqtida qilgan to'polonlari bilan ustozi Oqshamsiddinning jahlini chiqarar edi. Ustozi unga tanbeh bersa, darhol: “Men podshohning o'gliman, hech narsa qilolmaysan”, deyishdan ham toymasdi.

Oqshamsiddin podshohga shikoyat etishlikni adabsizlik hisoblab, holatni podshohga aytishdan tortinar edi. Ammo, vaqt o'tgani sayin kichik Mehmetning qiliqlari haddan oshib, chidab bo'lmas holga keladi.
Shundan keyin noiloj podshohning huzuriga chiqadi.

“Podshohim, Sizga aytishim zarur bo'lgan bir xususiy masala bor. Ammo, aytishdan hayo qilmoqdaman”.

Podshoh:
“Marhamat! Hech tortinmasdan aytavering”, deydi.
Bu so'z Oqshamsiddinni hotirjam qildi. Va hodisani anglata boshladi.
“Podshohim! Oʻgʻlingiz - jigarporangiz juda toʻpolonchi. Uning dastidan darsimni o'tolmayapman. Qachon tanbeh bersam, darhol Sizning nomingiz bilan menga tahdid qiladi”.

Podsho bir oz sukut saqlaydi.
Keyin Oqshamsiddinga yaqin kelib, bir narsalarni pichirlab tushuntiradi. Podshohning so'zlaridan Oqshamsiddin sarosimaga tushadi.
“Bu qanday reja? Buni amalga oshirish mumkin emas!"
Oqshamsiddin bu reja xususidagi xavotirlarini oshkor qilishiga qaramay, podshoh, “Bu ish bo'ladi,” deydi.

Ertasi kuni Mehmet darsda yana to'polonini boshlaydi. Ustozining tanbehiga odatdagidek, otasi bilan tahdid javobini beradi. Ayni shu payt to'satdan eshik ochilib, podshoh ichkariga kiradi. Bu holatda g'azablangan Oqshamsiddin podshohga qarab baqiradi. Bir tarsaki urib deydi: Hech kim dars vaqtida ichkariga bunday tarzda kirishi mumkin emas!
Izn so'rab kirishi lozimligini aytib, tashqariga haydaydi.

Podshoh bo'ynini egib, uzr so'raydi va tashqariga chiqadi.
Bu hodisa qarshisida Fotih Sulton tili kalimaga kelmay, nima qilishini bilmay qoladi. Ishongani - podshoh otasi ko'z o'ngida tarsaki yegan edi. Uning ichki dunyosi agdar-to'ntar bo'lgandi.

Bir ozdan so'ng eshik takillaydi, va podshoh hijolatli holatda ichkariga uzr so'rab kiradi.

Reja ajoyib shaklda amalga oshgan edi.
O'sha kundan so'ng, Fotih Sulton aslo yaramaslik qilmadi. U ustoz buyuk inson ekanligini fahmladi va yaxshi bilim olishga kirishdi. U turk, arab, fors, yunon, slavyan tillarini bilgan. Konstantinopol shahrini zabt etib, uning nomini 'ISLAMBO'L shahri' deb nomlagan. U sababli turklar imperiyasi jahondagi eng qudratli saltanatga aylangan.

____
Ustozlar uchun o'quvchilar o'z farzandidek bo'lib qoladi, ularga ta'lim va tarbiya berish orqali ularni har tomonlama yuksaltirishga harakat qilishadi. Ba'zan o'quvchiga tanbeh berishga ham to'g'ri keladi.

Ustozlarning tartibsiz o'quvchiga dakki berayotganda videoga olib tarqatadigan va ustozlar sha'niga noo'rin so'zlar aytadigan insonlarga juda rahmim keladi. Ular shu orqali o'zining qiymatsiz inson ekanligini isbotlashadi. Ustozning qadri tushmaydi. Ammo, ustozining qadrini bilmaganlarning qadri bo'lmaydi.
Ular kelajakda shu ishlari sabab sharmanda bo'lishadi.

Ota-onalar ustozlar qadrini farzandlariga anglatishi, ularni hurmat qilish orqali buyuk kelajak barpo qilishga harakat qilishi lozim.

👉👉 @PMTESTS

Президент ташаббуси билан тарихий воқеа юз берди — биринчи марта Ўзбекистонга муқаддас Каъба эшигининг ёпинчиғи келтирилди!

📌Батафсил видеода 👆

Ислом цивилизацияси маркази Ахборот хизмати (Telegram)

#Ibrat

"Ta’lim fidoyilari — turing, dunyo turguncha!"

Bu shunchaki shior emas, balki kelajak avlodni tarbiyalashdek buyuk va mas’uliyatli vazifani zimmasiga olgan ustozlarimizga bo‘lgan e’tirofdir.

Mazkur videorolikda ta’lim tizimida duch kelinayotgan muammolar haqida so‘z boradi.

Maktabgacha va maktab ta’limi vazirligi huzuridagi Psixologik-pedagogik Respublika tashxis markazi tomonidan tayyorlangan video sizni ham fikrlashga chorlaydi, degan umiddamiz.

Bizni kuzating

‼️"Farzandim kelajagini katta mablag’ bilan ta’minlashim kerak” deydiganlar uchun‼️

Mashhur olim, bir necha xalifalar davrini o’z ko’zi bilan ko’rgan Muqotil ibn Sulaymon xalifa Abu Ja’far Mansur huzuriga kiradi. Shunda xalifa olimdan nasihat qilishini so’raydi.

Muqotil: "Sizga ko’rganim haqida gapiraymi yoki eshitganimnimi?" - dedilar. Xalifa ko’rganingiz haqida gapiring dedi. Shunda Muqotil quyidagilarni aytib beradi: "Ey hukmdor, xalifa Umar ibn Abdulaziz o’n bir farzand ko’rdilar. Vafotlaridan keyin o’n sakkiz dinor qoldirdi. Undan besh dinoriga kafanlandi, to’rt dinoriga qabrga qo’yildi. Qolgan mablag’ farzandlari o’rtasida taqsimlandi.

Yana bir xalifa Hishom ibn Abdumalik ham o’n bir farzand ko’rdilar. U har bir farzandiga million dinordan meros qoldirdi.

Ey hukmdor, Umar ibn Abdulazizning bir farzandi Alloh yo’lida yuzta ot sadaqa qilganini va Hishom ibn Abdumalikning bir farzandi bozorlarda tilanib yurganini bir kunning o’zida ko’rdim.” (Manfaat_uz)
________________

Umar ibn Abdulaziz farzandlariga mol-mulk meros qoldirmadi (1 dinorga ham yetmaydi). Ammo, yaxshi tarbiya va ilmni qoldirdi. Natijada farzandlari ham ilmli ham boy bo’lib kamol topishdi. Jamiyat manfaati uchun bir martada 100 ta ot (tahminan 2 mlrd so’m) ehson qilmoqda.

Hishom ibn Abdumalik farzandlariga katta mol-mulk meros qoldirdi (hozirgi kunda 10 mlrd so’mdan ortadi.) Ammo, ilm va axloqni meros qoldirmadi. Vaqt o’tib, farzandlari ham ilmdan ham mol-mulkdan ayrildilar.

Hurmatli ota-onalar, farzandingiz uchun qoldirishingiz mumkin bo’lgan eng yaxshi narsa ilm va yaxshi tarbiyadir. Boshqa narsalar ularning baxt-saodatini ta’minlamaydi.

👉👉 @PMTESTS

O'zbekistondagi yagona holat

Agentlik tizimidagi barcha nufuzli maktablarda o'qib ko'rgan o'quvchi Qosimov Muhammadali hozircha O'zbekistonda bitta bo'lsa kerak. Katta ehtimol bilan boshqa bunday o'quvchi bo'lmaydi.

U Al-Xorazmiy maktabida, Prezident maktabida, Mirzo Ulug'bek maktabida o'qigan va endi o'qishni Al-Beruniy (Garvardchilar) matkabida davom ettiradi.

Qosimov Muhammadalining keyingi o'qishlarida muvaffaqiyat tilab qolamiz.

👉👉 t.me/pmtests

❗️Rekord o’rnatildi!

O’zbekiston yoshlari bir paytda 1946 ta robot yig’ib “Ginnes rekordlar kitobi”ga qayd etiladigan bo’ldi.

Bungacha bo’lgan rekord 1456 ta robot bilan Hindistonga tegishli edi.

Shu ishga bosh qo’shgan barcha tashkilotchilarga va albatta, eng asosiysi, yosh, ilmli va faol talabalarga rahmat aytaman. Barakalla!


🔘 @xushnudbekuz

Tarbiya bizlar uchun yo hayot - yo mamot (o'lim), yo najot - yo halokat, yo saodat (baxt) - yo falokat (baxtsizlik) masalasidur. (A.Avloniy)

Tug‘ib tashlash bilan bo‘lmas bola, balo bo‘lg‘ay sizga,
Vujudi tarbiyat topsa, bo‘lur rahnamo sizga. (A.Avloniy)

Agar bir kishi yoshligida tarbiyasiz, axloqsiz bo’lib o’ssa, bunday kishilardan yaxshilik kutmak yerdan turub yulduzlarga qo’l uzatmak kabidur. (A.Avloniy)

👉👉 t.me/pmtests

Tabriklaymiz!

Qirg'izistonda o'tkazilgan “Zakovat Asian Cup II” musobaqasida O'zbekiston jamoasi g'olib bo'lishdi.

O’tgan yili Qozog’istonda ham yutib kelishgandi, kelasi yili Tojikistonga, Xudo xohlasa. (@xushnudbekuz)

👉👉 t.me/pmtests

Eng katta boylik bu aql-zakovat va ilm. Eng katta qashshoqlik bu ilmsizlikdir.

Bozordagi o'rtacha narxi 18 mln so'm bo'lgan iPhone 16 ProMax telefonini yasash uchun 110 gramm plastmassa va shisha, 117 gramm turli metallar kerak bo'ladi. Ishlov berilmagan holatda 227 gram tarkibning bozor bahosi atigi 45000 so'mni tashkil qiladi. Ilm-fan 45000 so'mlik narsaning qiymatini 400 barobar oshirib yuboradi. (Ma'lumot ChatGPTdan)

Dunyoda tabiiy boyliklarga ega ko'plab davlatlar qashshoq va aksincha tabiiy resurslarga ega bo'lmagan boy mamlakatlarning mavjudligi eng katta boylik ilm ekanligini tasdiqlaydi. Buni ilm-fan yutuqlarini ishlab chiqarishga joriy qilgan Apple kompaniyasi va O’zbekistonning tabiiy boyliklari va butun xalqimiz daromadini solishtirish orqali izohlash mumkin.

✅ Apple kompaniyasi Amerikada joylashgan bo’lsada, uning aksariyat mahsulotlari dunyoning turli qismlarida ishlab chiqariladi. Kompaniya asosan bilim (dasturlar, loyihalar va dizaynlar) bilan boshqa davlatdagi ishlab chiqaruvchilarni ta'minlaydi (sotadi). Uning mahsulotlari boshqa davlatlarda ishlab chiqarilishiga qaramay daromad Amerikaga boradi. Demak, AQSH bilimdan daromad qilmoqda.💯

✅ Bugungi kunda Apple kompaniyasi 3 trillion dollardan ziyod qiymatga ega. Tabiiy boyliklarga juda boy hisoblangan yurtimizda tabiiy boyliklarning (gaz, neft, uran, oltin va hak.) umumiy qiymati 5 trillion dollardan ortasa, biz foydalana oladigan va jilovlangan zahixaralar qiymati 2 trillion dollarga yetmaydi. Buni qarang, biz maqtanadigan butun boyliklarimiz ilm-fan va texnologiyaga asoslangan bitta kompaniya qiymatiga yetmas ekan. 💯

✅ Apple kompaniyasi 2024-yilda 391 milliard dollar daromad oldi, 51 foizi iPhone sotishidan. Apple 2024-yilda 232 million iPhone, 52 million iPad va 22 million Mac va MacBook donalarini sotdi. 2024-yilda O’zbekistonda ishlab chiqarilgan yalpi ichki mahsulot 115 milliard dollarni tashkil etgan. 38 mln O’zbekiston aholisining yillik daromadidan 120 mingga yetmaydigan ishchilarga ega kompaniya daromadi 3,5 barobar ko’p bo’lmoqda.💯

✅ O’zbekison 2024-yilda 120 000 kg oltin qazib oldi. Bu dunyodagi eng yirik ishlab chiqarish hisoblanadi. Ammo, uning bozor narxi hozir eng yuqori narxda ham 12 milliard dollar atrofida xolos. Bu bir yillik iPhone sotuvidan 16 marta kamni tashkil qiladi. Bir iqtisodchi aytganiday "O'zbekiston oltin ishlab chiqarishda eng yuqori 10 talik davlatga kirishidan ko'ra, paypoq ishlab chiqarishda 10 talikka kirishidan ko'proq xursand bo'laman".

☝️Endi tabiiy boyliklar bilan faxrlanish vaqti o’tdi. Haqiqiy boylik bilim. Statistik ma’lumotlarga ko’ra, Yer osti boyliklariga ega bo’lmagan Yaponiyada kambag’al odamlar deyarli yo’q. Chunki, farovon hayot ta’limga bog’liq.

👨‍🏫Biz ishonamizki, yaqin yillar ichida O’zbekiston rivojlangan davlatlar qatorida bo’ladi. Chunki, bugun ota-onalar farzandlari ta’limiga e’tibor bermoqda. Kelajakda O’zbekistonlik yoshlar o’zining Apple kabi “Transmiliy kompaniyalar”iga egalik qilishini so’rab qolamiz!!

Kanalimizga a'zo bo'ling

👉👉 t.me/pmtests